InfoHub Logo

جاس بولىپ، جاستىقتىڭ لەبىمەن ءبارىمىز دە كىشكەنتاي كەزىمىزدە ماماندىقتى ارمانداۋشى ەدىك. الايدا ارماننىڭ ءبارى ورىندالا بەرمەيتىنى وكىنىشتى. بۇگىنگى كۇنى جاستارىمىز ءوز قالاۋىمەن ەمەس، اتا-انانىڭ نەمەسە قورشاعان ورتانىڭ ىقپالىنا تاۋەلدى.

​ءقازىر تالاپكەرلەردىڭ قالاعا اعىلىپ جاتقان كەزى. ءبارىنىڭ قولىندا ۇلكەن ومىرگە جولداما بەرەتىن اتتەستات، ياعني مەكتەپ بىتىرگەنىن راستايتىن قۇجات بار. ءبارىنىڭ ارمانى – جوعارى وقۋ ورنىنا ءتۇسىپ، مامان اتانۋ. ال ماماندىق تاڭداردا تالاپكەرلەر نەنى ەسكەرگەنى ءجون؟ قوعامعا قاجەتتى مامان يەسى اتانۋ ءۇشىن اتا-اناڭ مەن جاقىندارىڭنىڭ اقىل-كەڭەسىنە نەمەسە جۇرەگىڭنىڭ قالاۋىنا قۇلاق اسۋدىڭ ماڭىزى قانداي؟ وسى ىسپەتتەس سۇراقتار كوكەيىمىزدە جاۋاپ تابا الماي جاتادى.

​ءوز ءىسىنىڭ مامانى اتانۋ ەكىنىڭ بىرىنە بۇيىرا بەرمەيتىن ب ا ق. «ومىردە جار تاڭداۋدان جانە ماماندىق تاڭداۋدان قاتەلەسپەۋ كەرەك» دەگەن ءسوز وسىدان شىقسا كەرەك. كەز كەلگەن نارسەگە ماحاببات كەرەك. ماماندىق تا سونى تالاپ ەتەدى. مىنە سونىڭ دالەلى. ءبىرىنشى كۋرس كەزى ءتۇسىرىلىم ءساتى بولاتىن، ءبارىمىزدى كورەرمەن رەتىندە شاقىردى. قۋانا - قۋانا كەلىستىك. جانە سول ءساتتى پايدالانا، تەلەارنادا جۇمىس ىستەيتىن جۋرناليستكە قىزىعىپ، ءبىر ەكى سۇراق قويعان بولاتىنمىن. اڭگىمە اراسىندا ءوزىنىڭ نەگىزگى وقىعان ماماندىعى بۋحگالتەر ەكەنىن ايتتى. تاڭىرقاعانىمدى جاسىرا الماي نەگە ءقازىر ديپلوم بويىنشا جۇمىس ىستەمەيسىز؟  دەپ سۇراق قويدىم.  سويتسەم ديپلوم شاڭ باسقان كۇيى ءۇيدىڭ ءبىر بۇرىشىندا ەكەن. جۋرناليستيكا ماماندىعىنا بالى جەتپەي، بۋحگالتەر فاكۋلتەتىنە گرانت ۇتىپ العان. مىنە جۇرەك قالاۋى بارىنەن جوعارى بولاتىنىڭ دالەلى.

​"زامانىنا قاراي مامانى" جاھاندانۋ داۋىرىندە ءبارى دە قالتاسىن قالىڭ ەتەتىن، بەدەلدى ءارى جەڭىل جۇمىس ىستەگەندى جانى جاقسى كورەدى. اتا انالارىمىز دا كىشكەنتاي كەزىمىزدە بالام دارىگەر بولادى نەمەسە زاڭگەر دەپ ماقتانىپ جاتادى. ءبىراق وسە كەلە ءبىزدىڭ ماقساتىمىز، بويىمىزداعى دارىندىلىق، قابىلەت ساي كەلمەي،  قوعامداعى ءوز ورنىمىزدى جوعالتىپ الۋعا ءوز اسەرىن تيگىزەدى. مەن دە بالالىق شاعىمنان تەلەديدار كورىپ، تەلەجۇرگىزۋشىلەرگە قاتتى قىزىقتىم. جۋرناليست اتانۋ مەن ءۇشىن ەڭ ۇلكەن ارمان بولدى. الايدا اكەم مەنىڭ بۇل شەشىمىمدى قۇپتاعان  جوق، ماعان قارسى بولىپ باس تارتقانىمدى قالادى. بىلسەڭىز عوي تۇندە ۇيقىمنان ايرىلدىم، مەنىڭ باسقا تاڭداۋىم جوق. اتا - اناما تۇسىندىرۋگە تىرىسىپ، جۋرناليست بولۋ ءۇشىن كەدەرگىلەردىڭ بارىنە شىدامدىلىق تانىتتىم. ءدال سول شىدامدىلىق ارقاسىندا ارمانىمدى ماقساتقا اينالدىرىپ، ءوزىمنىڭ قولىمنان كەلەتىنىن دالەلدەدىم.

​قازاقستان  ەكونوميكالىق ساياسي تۇرعىدان دامىعان مەملەكەتتەر قاتارىندا بولۋ ءۇشىن بىزگە ءوز كاسىبىنىڭ  ماماندارى قاجەت. دالىرەك ايتقاندا ەل بولاشاعى ۇرپاقتىڭ قولىندا،  ۇرپاق  پاتريوتتىق تاربيەنى بويىنا ءسىڭىرىپ، حالقى ءۇشىن ادال قىزمەت ەتسە، كەلەر كۇنىمىز جارقىن بولاتىنى سەنىمىمىز كامىل.

سامات ۇلى مادي

---