Photo: Aleksandar Andreev (https://www.pexels.com/@andreevaleksandar) / Pexels
Mango نەگىزىن قالاعان يساك انديكتىڭ ۇلى اكەسىن ءولتىردى دەگەن كۇدىكپەن قاماۋعا الىندى
يسپانيانىڭ كاتالونيا پوليسياسى تانىمال Mango ءسان يمپەرياسىنىڭ نەگىزىن قالاعان يساك انديكتىڭ ۇلى، 45 جاستاعى دجوناتان انديكتى اكەسىن ءولتىردى دەگەن كۇدىكپەن قاماۋعا الدى. بۇل تۋرالى ەۋروپاداعى Kazinform اگەنتتىگىنىڭ مەنشىكتى ءتىلشىسى حابارلادى.
Mango كومپانياسىنىڭ ديرەكتورلار كەڭەسىنىڭ ۆيسە-پرەزيدەنتى دجوناتان انديك كەشە تاڭەرتەڭ بارسەلوناداعى ۇيىندە ۇستالىپ، دەرەۋ تەرگەۋ سوتىنا جەتكىزىلدى.
اكەسىنىڭ ءولىمى: باستاپقىدا جازاتايىم وقيعا بولعان
Mango برەندىنىڭ نەگىزىن قالاعان يساك انديك 2024 جىلدىڭ 14 جەلتوقسانىندا 71 جاسىندا قايتىس بولدى. ول مونتسەررات تاۋلارىندا جاياۋ سەرۋەندەپ جۇرگەندە شامامەن 100 مەتر بيىكتىكتەن قۇلاپ كەتكەنى ايتىلادى. سول كەزدە ۇلى دجوناتان انديك جالعىز كۋاگەر بولعان.
باستاپقىدا بۇل وقيعا جازاتايىم جازاتايىم وقيعا رەتىندە تىركەلىپ، 2025 جىلدىڭ باسىندا ءىس جابىلىپ قالعان. الايدا، 2025 جىلدىڭ قازان ايىندا دجوناتاننىڭ كورسەتپەلەرىندەگى سايكەسسىزدىكتەر انىقتالعان سوڭ، تەرگەۋ قايتا باستالدى. پوليسيا دجوناتاننىڭ ۇيالى تەلەفونىن تاركىنىپ، باسقا دا دالەلدەردى زەرتتەدى.
دجوناتان انديك كىناسىن جوققا شىعارۋدا
دەگەنمەن، دجوناتان انديك اكەسىنىڭ ولىمىنە قاتىسى بار ەكەنىن ءارقاشان جوققا شىعارىپ، بۇل تراگەديالىق جازاتايىم وقيعا بولعانىن ايتىپ كەلدى. انديكتەر وتباسى دا ۇلدارىنىڭ كىناسىز ەكەنىن مالىمدەپ، تەرگەۋگە ىنتىماقتاستىققا دايىن ەكەنىن ءبىلدىردى.
Mango – الەمگە تانىمال برەند
تۇركيادا تۋعان يساك انديك 1984 جىلى كاتالونيادا Mango كومپانياسىن قۇردى. بۇگىندە بۇل جەلى الەم بويىنشا شامامەن 2900 دۇكەنگە يە. 2024 جىلعى قارجى جىلىنىڭ قورىتىندىسى بويىنشا ساتىلىم 3،3 ميلليارد ەۋرودان اسىپ، رەكوردتىق كورسەتكىشكە جەتتى. Forbes نۇسقاسى بويىنشا، يساك انديك يسپانيانىڭ ەڭ باي بەس ادامىنىڭ قاتارىنا كىرگەن.
-
A brown bear's determined attempt to enter a hotel in Kazakhstan's Zhongar-Alatau National Park was captured on video، highlighting wildlife encounters in the region.
-
Jonathan Andic، vice-president of Mango، is under investigation for the death of his father، founder Isak Andic، after initial findings of a tragic accident were questioned.
