InfoHub Logo

بەلگىلى ءانشى ماقپال ءجۇنىسوۆا تۋعان كۇنىن وتباسى مەن جاقىندارىنىڭ ورتاسىندا اتاپ ءوتتى. مەرەكەلىك كەشتە قىزى مەرەي زامانبەك قىزى اناسىنا گۇل شوعىن ۇسىنىپ، جۇرەك تەبىرەنتەرلىك تىلەگىن ارنادى.

بۇل تۋرالى Infohub.kz اقپارات اگەنتتىگى حابارلايدى.

مەرەيدىڭ اناسىنا ارناعان تىلەگى

مەرەي اناسىنا دەگەن شەكسىز سۇيىسپەنشىلىگىن ءبىلدىرىپ، بولاشاقتا تۇرمىسقا شىعىپ، بالا سۇيگەنىن كورگىسى كەلەتىنىن ايتتى. "جانىم، مامام، ءاردايىم جانىمدا بول. ەرتەڭ، اللا قالاسا، مەن دە تۇرمىسقا شىعىپ، بالا سۇيسەم، سونىڭ بارىنە كۋا بولىپ ءجۇر. نەمەرەڭدى باۋىرىڭا باسىپ، قاسىمدا ادەمى اجە بولىپ جۇرسەڭ – مەن ءۇشىن ەڭ ۇلكەن باقىت سول. سەنى قاتتى جاقسى كورەمىن. ماعان سەندەي انا بەرگەن اللاعا مىڭ العىس"، – دەدى مەرەي.

بۇل اسەرلى ءسات جەلى قولدانۋشىلارىنىڭ دا نازارىن اۋداردى. كوپشىلىك مەرەيدىڭ اناسىنا دەگەن قۇرمەتى مەن تاربيەسىنە ءتانتى بولىپ، جىلى لەبىزدەرىن ءبىلدىردى.

"تىلەگى قابىل بولسىن"، "اللا ارماندارىڭدى ورىنداسىن"، "انا مەن قىزدىڭ اراسىنداعى بايلانىس ەرەكشە"، – دەپ جازدى وقىرماندار.