ماسەلە باستان اسادى: كولىك ءمينيسترى نە ءۇشىن كۇتپەگەن جەردەن قىزمەتىنەن كەتتى؟
ماسەلە باستان اسادى: كولىك ءمينيسترى نە ءۇشىن كۇتپەگەن جەردەن قىزمەتىنەن كەتتى؟
مارات قارابايەۆتىڭ وتستاۆكاسى – ساياسي ساحنادا كۇتپەگەن ءارى ەلەۋلى وقيعا. ونىڭ قىزمەتىنەن بوساتىلۋى دەمالىس كۇنى جاريالانىپ، ءوزى ءىسساپاردا جۇرگەندە بىلگەنى بۇل جاعدايدى ودان سايىن جۇمباققا اينالدىردى.
كوپشىلىك قارابايەۆتىڭ ورنىن بوساتۋىنا ەلدەگى اۆتوجولداردىڭ مۇشكىل جاعدايى، اسىرەسە جەزقازعان – قىزىلوردا باعىتىنداعى جول قۇرىلىسىنداعى ۇزاققا سوزىلعان پروبلەمالار سەبەپ بولدى دەپ توپشىلايدى. ءبىراق ايتا كەتەرلىك جايت: بار بولعانى ءۇش اپتا بۇرىن مەملەكەت باسشىسى بۇل ماسەلە ءۇشىن مينيسترگە سوگىس جاريالاپ، قىزمەتىندە قالدىرعان ەدى.
ساياسي تاجىريبەدە ءبىر شەنەۋنىكتى ءبىر ماسەلە ءۇشىن ەكى رەت جازالاۋ — سيرەك جاعداي. سوندىقتان قارابايەۆتىڭ وتستاۆكاسىنا باسقا دا ىشكى سەبەپتەر مەن ىقپالدار اسەر ەتۋى مۇمكىن دەگەن بولجامدار ايتىلۋدا.
قازىرگى ۋاقىتتا ۇكىمەت تە، پرەزيدەنت اكىمشىلىگى دە وتستاۆكانىڭ ناقتى سەبەبى تۋرالى رەسمي تۇسىنىكتەمە بەرگەن جوق. ال قارابايەۆتىڭ ءوزى بۇل شەشىمگە تۇسىنىكسىز كۇيدە قالعانىن ءبىلدىردى.
You Might Also Like
-
مەملەكەت باسشىسى قاسىم-جومارت توقايەۆ قارجى سەكتورىنداعى ىنتىماقتاستىقتى كەڭەيتۋ ىسىندە ورتالىق بانكتەر باستى ءرول اتقاراتىنىن اتاپ ءوتتى. ونىڭ ايتۋىنشا، ولار ەكونوميكالىق جانە ينۆەستيسيالىق سەرىكتەست...
-
قازاقستاننىڭ تۇڭعىش پرەزيدەنتى نۇرسۇلتان نازاربايەۆ رەسەي استاناسى ماسكەۋگە ساپارى بارىسىندا رەسەي فەدەراسياسىنىڭ پرەزيدەنتى ۆلاديمير پۋتينمەن جەكە كەزدەسۋ وتكىزدى. بۇل جايلى كرەملدىڭ باسپا ءسوز حاتش...
