InfoHub Logo

قازاقستاندا مۇقتاج جاندارعا جاسىرىن كومەكتەسىپ جۇرگەن «ماسكاداعى جىگىت» تۋرالى اڭگىمە كوپتەن بەرى ايتىلىپ جۇرگەن ەدى. وسى تاقىرىپقا قاتىستى «ونەر قىراندارى» تەاترىنىڭ جەتەكشىسى ماديار سەرىكبايدىڭ جاڭا ۆيدەوسى جەلىدە قىزۋ تالقىعا ءتۇستى.

بۇل تۋرالى Infohub.kz اقپارات اگەنتتىگى حابارلايدى.

اكتەر ءوزىنىڭ الەۋمەتتىك جەلى پاراقشاسىندا «ماسكاداعى جىگىتپەن» كەزدەسكەنىن مالىمدەپ، جۇرتتان ءسۇيىنشى سۇرادى. ۆيدەودا ول: «ال، حالايىق، ءسۇيىنشى! ەلىمىزدەگى مۇقتاج جاندارعا كومەكتەسىپ جۇرگەن جاناشىر ازاماتپەن كەزدەسۋ ءساتى تۋدى»، — دەپ قۋانىشىن ءبولىستى. سونداي-اق، الداعى ۋاقىتتا اتالعان ازاماتپەن بىرلەسىپ جۇمىس ىستەيتىندەرىن دە ايتىپ قالدى.

پرانككە اينالعان كەزدەسۋ

ۆيدەونىڭ قىزىقتى تۇسى – «ماسكاداعى جىگىت» بەتپەردەسىن شەشۋگە ىڭعايلانعاندا، كوپشىلىك ونىڭ كىم ەكەنىن بىلۋگە اسىقتى. الايدا، ماسكا الىنعان ساتتە بارلىعىن كۇتپەگەن جاعداي كۇتىپ تۇردى. كادردان ماديار سەرىكبايدىڭ ارىپتەسى، اكتەر جانبولات نايزابەكوۆتىڭ ءجۇزى كورىندى. بۇل كورىنىس كوپشىلىكتىڭ كۇلكىسىن كەلتىرىپ، جەلىدەگى شۋدى ءازىل-وسپاققا اينالدىردى.

كورەرمەندەردىڭ پىكىرى

جاريالانعان ۆيدەوعا پىكىر قالدىرعان جەلى قولدانۋشىلارى بۇل جاعدايدى ازىلكەشتەردىڭ كەزەكتى پرانكى دەپ باعالادى. «اقىرى كىم ەكەنىن بىلەتىن بولدىق پا دەپ كۇتىپ ەدىم»، «ماسكالى ادام قالايشا بەتپەردەسىن شەشتى دەسەم…»، «پرانك ەكەن عوي» دەپ جازدى ولار.