InfoHub Logo

تاقىرىبى: «ماتەماتيكا – ءومىر ءسۇرۋ فورمۋلاسى» اتتى ينتەللەكتۋالدى ويىنى.
ماقساتى: 1) وقۋشىلاردىڭ ماتەماتيكا پانىنە دەگەن قىزىعۋشىلىعىن ارتتىرۋ؛
2) لوگيكالىق ويلاۋ قابىلەتتەرىن انىقتاۋ، ەستە ساقتاۋ، شاپشاڭدىق، بايقاعىشتىق قابىلەتتەرىن دامىتۋ؛
3) سويلەۋ مادەنيەتىن قالىپتاستىرۋ؛
ءتۇرى: سايىس ساباق.
ساباقتا قولدانىلاتىن قۇرالدار: مۋلتيمەديالىق ەكران، كەسپە قاعازدار، ءتۇرلى - ءتۇستى قاعازدار، ماركەرلەر، پلاكات، ت. ب.
بارىسى:
عىلىم جولى بىردە جەڭىل، بىردە قاتتى،
اقىل - ويلار الەمدى ارباپ الدى.
ماتەماتيكا عىلىمدار پاتشاسى اتتى
تاڭىرقاتىپ، اڭىز قىلعان ادامزاتتى.
كەلەر ۇرپاق دانالارعا ۇقساپ تۋسا.
ومار - حايام، ءال - فارابي جولىن قۋسا،
ەلىمنىڭ بولاشاعى گۇلدەنەدى،
عىلىمنىڭ شامشىراعى جانىپ تۇرسا، - دەي وتىرىپ، بۇگىنگى «ماتەماتيكا – ءومىر ءسۇرۋ فورمۋلاسى» اتتى ينتەللەكتۋالدى ويىنىمىزعا قوش كەلدىڭىزدەر.

ءومىر ءسۇرۋ تەتىگى ماتەماتيكا فورمۋلاسىنان قالانعان،- دەگەندەي ءومىر دە ولەڭ سەكىلدى ۇزاقتىعىمەن ولشەنبەيدى، مازمۇنىمەن ولشەنەدى. دەمەك ءومىر اعىمى – بىزگە قويار تالاپ. سول سياقتى حالىققا قىزمەت ەتەر عيماراتتاردى زامان اعىمىنا ساي ءار ءتۇرلى ءپىشىندى تۇرعىزۋ دا ماتەماتيكانى قاجەت ەتەدى. ال بۇل دامىعان جۇيە كوڭىلدى جاقسارتادى، ءومىردى جاڭارتادى. سوندىقتان دا «ماتەماتيكا – ءومىر ءسۇرۋ فورمۋلاسى».
ەندەشە بۇگىنگى ويىنىمىزعا قاتىساتىن وقۋشىلارىمىزبەن تانىستىرىپ وتەيىن:
9 «ا» كلاسس وقۋشىلارىنان قۇرالعان «ەۆكليد» توبى،
9 «ءا» كلاسس وقۋشىلارىنان قۇرالعان «ارحيمەد» توبى.

ويىنىمىزدىڭ جوسپارى:
1. توپ تانىستىرۋى. (3مين)
2. «ءۇشبۇرىشتار الەمىندە». (5مين+2مين)
3. «ويىمدى جالعاستىر».
4. «فورمۋلالار سىرى». (2مين)
5. گازەت شىعارۋ. (3مين)
6. لوگيكالىق ەسەپتەر.
7. «قاس قاعىم ءسات». (3مين)
8. «كىم كوپ بىلەدى؟».

ويىنشىلارىمىزدىڭ ءبىلىمىن باعالايتىن ءازىلقازى مۇشەلەرىمەن تانىستىرىپ وتسەك،
-----------------------
ويىندى قاي توپ باستايتىنىن انىقتاۋ ءۇشىن، لوگيكالىق ەسەپ بەرىلەدى. تەز ءارى دۇرىس جاۋاپ بەرگەن توپ ويىندى ءبىرىنشى باستايدى.
ەسەپ. جۇمادان كەيىن 17 تاۋلىكتەن كەيىن اپتانىڭ قاي كۇنى سايكەس كەلەدى؟ جاۋابى: دۇيسەنبى.
1. توپ تانىستىرۋى (3مين). وزدەرى تاڭداپ العان ماتەماتيك عالىمنىڭ ومىرىمەن، ەڭبەكتەرىمەن تانىستىرادى، توپ مۇشەلەرىمەن تانىستىرادى.
2. «ءۇشبۇرىشتار الەمىندە» (5مين+2مين). ءۇشبۇرىشتار تاراۋى بويىنشا بىلەتىندەرىن سىزبا ارقىلى ايتىپ شىعۋ. سىزبانى سىزۋ ءۇشىن 5مين، ايتىپ شىعۋعا 2مين ۋاقىت بەرىلەدى.
3. «ويىمدى جالعاستىر». ەكى توپ ءبىر - بىرىنە 6 سۇراقتان قويادى. دۇرىس جاۋاپقا 10 بالل بەرىلەدى، قاتە جاۋاپقا ەكىنشى توپقا 10 بالل قوسىلادى.
4. «فورمۋلالار سىرى» (2مين). بەرىلگەن فورمۋلالاردى جالعاستىرىپ جازۋ كەرەك. دۇرىس جاۋاپقا 10 بالل، قاتە جاۋاپ 10 بالل شەگەرىلەدى.
5. گازەت شىعارۋ (3مين). ءۇي تاپسىرماسىنا گازەت شىعارۋ بەرىلگەن بولاتىن. شىعارعان گازەتتەرىن قورعاپ شىعۋ.
6. لوگيكالىق ەسەپتەر. ۇياشىقتاعى لوگيكالىق ەسەپتەردى توپ مۇشەلەرى اقىلداسا وتىرىپ شەشەدى.
7. «قاس قاعىم ءسات» (3مين). بەرىلگەن فيگۋرادا قانشا ءۇشبۇرىش بار ەكەنىن انىقتاۋ.
8. «كىم كوپ بىلەدى؟» سانى بار ماقال ايتۋ. ءار ماقال - 5بالل.
9. ءادىلقازى مۇشەلەرىنە ءسوز بەرىلەدى.
جەڭىمپاز توپ ماراپاتتالادى.

الدىڭىزدا جايناعان جۇزدەر ءانى،
سىزدەرمەن كەزدەسەرمىز بىزدەر ءالى.
ءادىل - قازى، كورەرمەن ساۋ تۇرىڭدار،
كۇتەدى ءبىزدى جارقىن كۇندەر ءالى، - دەي وتىرىپ، «ماتەماتيكا – ءومىر ءسۇرۋ فورمۋلاسى» اتتى ينتەللەكتۋالدى ويىنىمىزدى اياقتايمىز. كوڭىل قويىپ تىڭداعاندارىڭىز ءۇشىن كوپ راحمەت!
ساۋ بولىڭىزدار!