InfoHub Logo

ماتەماتيكالىق ەستافەتا
ماقساتى: 1) ويناپ ءجۇرىپ، ويلاۋ بىلۋگە؛
2) اۋىزشا جانە تەز ەسەپتەۋگە؛
3) لوگيكالىق ويلاۋ قابىلەتىن دامىتۋعا؛
4) تاپقىرلىققا، ىزدەمپازدىلىققا، بەلسەندىلىككە ۇيرەتۋ.
كورنەكىلىكتەر: ماگنيت تاقتا، قالام، ەسەپتەر، تاپسىرمالار، ەكى توپتىڭ ەمبلەماسى، سالەمسدەسۋ ولەڭدەرى، سپورتتىق ويىندار، سپورتتىق قۇرالدار.
جوسپار:
1. جۇرگىزۋشى ءسوزى
2. ەكى توپتىڭ سالەمدەسۋى
3. 1 - ويىن. سەكىرتپەمەن جۇگىرىپ بارىپ، تاقتاعا ەسەپ شىعارۋ
4. 2 - ويىن. دوپتى جەرگە سوعا جۇگىرىپ بارىپ، سانداردى سالىستىرۋ
5. 3 - ويىن. شەڭبەردى دومالاتا ءجۇرىپ بارىپ بەرىلگەن سانداردى جازۋ.
6. 4 - ويىن. نىعىزدالعان دوپتى كەدەرگىلەر ارقىلى دومالاتىپ ءوتىپ، ولشەم بىرلىكتەردى دۇرىس تابۋ
7. 5 - ويىن. جۇمباقتار شەشۋ(توپ باسشىلار سايىسى
8. 6 - ويىن. قاناتتى سوزدەردىڭ جالعاسىن تاپ!
9. قورىتىندى ءسوز.
جۇرگىزۋشى: بۇگىنگى ءبىلىمدى وقۋشىلاردى انىقتايتىن، بىلىمگە قىزىعۋشىلىعىن ارتتىراتىن «ماتەماتيكالىق ەستافەتا» اتتى تانىمدىلىق ويىنىمىزدى باستاۋعا رۇقسات ەتىڭىزدەر.
قوش كەلىپسىزدەر قۇرمەتتى وقۋشىلار، قوناقتار! سىزدەر بۇگىن ماتەماتيكا جايلى كوپتەگەن ماعلۇماتتارمەن تانىساسىزدار. ماتەماتيكا ادام ويى ارقىلى عانا جۇزەگە اسادى. سوندىقتان ماتەماتيكا - ادام ويىن تارتىپكە كەلتىرەتىن عىلىم دەپ سانالادى. ءقازىر ءبىز سەندەردىڭ بويلارىنداعى قابىلەتتەرىڭدى شىڭداۋعا ماتەماتيكالىق سايىسىمىزدى باستايمىز.
سەندەردەن تەك شاپشاڭدىق، ۇقىپتىلىق، شىدامدىلىق تالاپ ەتىلەدى. سىزدەرگە ساتتىلىك تىلەيمىن.
الدارىڭىزدا بۇگىنگى سايىسقا قاتىساتىن «العىرلار» جانە «تاپقىرلار» توبى، ءار توپتىڭ توپ باسشىسى بار.
«العىرلار» توبى
ۇرانى
شارشى الاڭعا جارىسقا
شىقتى ءبىزدىڭ توبىمىز.
جەڭىلسەك تە، جەڭسەك تە،
اشىق بولسىن جولىمىز!
«تاپقىرلار» توبى
ۇرانى
قۇرمەتتەپ بار عىلىمدى، وي - سانانى
تاپقىرلار توبى سالەم بەرىپ قارسى الادى
ساندار سىرىنىڭ قۇپياسى سايىسىندا
قاشاندا تاپقىر بولام دەپ وي سالادى!
جۇرگىزۋشى:
قۇرمەتتى وقۋشىلار! بۇگىنگى ماتەماتيكالىق ەستافەتا ويىنىمىزدى ءادىل باعالايتىن ءادىل - قازىلار القاسىمەن تانىس بولىڭىزدار.
ولار: 1.————
2.—————
3.—————
جۇرگىزۋشى:
ءادىلقازى، اق قازىعا ءبىر سالەم!
ادىلدىككە باس يەدى كۇللى الەم.
جۇيرىك وزار سايىستاردا نەشە ءبىر،
ساراپقا ساپ ادىلدىكپەن شەشە ءبىل.
دوستىقپەنەن بىرلىكتى ەتىپ تۇلعا،
جەڭىسكە جەتكەن ەدىك تالاي سىندا.
قاراقىلدى قاق جارىپ ءادىلقازىم،
ەڭبەگىن «تاپقىرىڭنىڭ» ءادىل سىنا.- دەي كەلە 1 - ويىنىمىزدى باستايمىز.
1 - ويىن «سەكىرتپەمەن جۇگىرىپ بارىپ، تاقتاعا ەسەپ شىعارۋ»
​ماتەماتيكالىق ەستافەتا. جۇكتەۋ​​​