Photo: Ayazhan (https://www.pexels.com/@ayazhan-3173683) / Pexels
ماۆزولەي ءياسساۋيدىڭ كۇمبەزى جوسپارلى تۇردە قيراتىلدى ما؟ قابىرعا جابىنىنىڭ جوعالۋى ءتۇسىندىرىلدى
تۇركىستان قالاسىنداعى يۋنەسكو-نىڭ الەمدىك مۇرا نىسانى، كيەلى قوجا احمەت ياسساۋي كەسەنەسىنىڭ سىرتقى قاپتاماسىنىڭ سىرتقا شىعىپ كەتكەنى تۋرالى فوتوسۋرەتتەر الەۋمەتتىك جەلىدە تاراپ، جۇرتشىلىقتى الاڭداتتى. الايدا، بۇل جاعداي جوسپارلى تۇردە جۇزەگە اسىرىلعان عىلىمي-رەستاۆراسيالىق جۇمىستاردىڭ ناتيجەسى بولىپ شىقتى.
بۇل تۋرالى Infohub.kz اقپارات اگەنتتىگى حابارلايدى.
قازاقستان رەسپۋبليكاسى مادەنيەت جانە اقپارات مينيسترلىگىنىڭ مالىمەتىنشە، بۇل ارەكەت «عىلىمي-رەستاۆراسيالىق جۇمىستارعا دايىندىق ماقساتىندا گلازۋرلەنگەن پليتكالاردى جەرگىلىكتى اۋقىمدا جاپپاي بولشەكتەۋ» ءراسىمى بولعان. قازىرگى ۋاقىتتا كەسەنە كۇمبەزىنىڭ باسقا دا قاپتاما بولىكتەرىنىڭ جاي-كۇيى زەرتتەلىپ، ولاردى تولىق الىپ تاستاۋ جۇمىستارى جۇرگىزىلۋدە.
كۇمبەزدىڭ جاعدايى مەن رەستاۆراسيا جۇمىستارى
مينيسترلىك وكىلدەرىنىڭ ايتۋىنشا، سوڭعى جىلدارى قوجا احمەت ياسساۋي كەسەنەسىنىڭ كۇمبەزىندەگى گلازۋرلەنگەن جابىننىڭ كەيبىر ۋچاسكەلەرىندە دەفورماسيالىق وزگەرىستەر بايقالعان. بۇل وزگەرىستەر 2019-2020 جىلدارى جۇرگىزىلگەن رەستاۆراسيا كەزىندە سالىنعان جابىنعا قاتىستى بولعان.
وسىعان بايلانىستى، «قازقالپىنا كەلتىرۋ» رمك ماماندارى كۇمبەزدىڭ تەحنيكالىق جاي-كۇيىن ۇنەمى باقىلاپ، عىلىمي-رەستاۆراسيالىق جۇمىستارعا دايىندىق جاساپ وتىرعان. مامىر ايىندا گلازۋرلەنگەن قاپتامانىڭ السىرەگەن ۋچاسكەلەرىن كەزەڭ-كەزەڭىمەن الىپ تاستاۋ جۇمىستارى باستالدى. ساراپشىلار اپاتتىق جاعدايداعى بولىكتەردى تولىق ءبولىپ الۋ قاجەتتىگىن انىقتاعان. ناتيجەسىندە، 27 مامىردا «قازقالپىنا كەلتىرۋ» ماماندارى گلازۋرلەنگەن پليتكالاردى جاپپاي بولشەكتەۋدى جۇزەگە اسىردى.
جۇمىستار جوعارى دەڭگەيدە باقىلاۋدا
بۇل جۇمىستاردى پرەمەر-مينيستردىڭ ورىنباسارى – مادەنيەت جانە اقپارات ءمينيسترى ايدا بالايەۆانىڭ جەكە باقىلاۋىندا ءوتىپ جاتقانى ايتىلدى.
«جاعدايدى ۇنەمى باقىلاۋ قامتاماسىز ەتىلگەن. بارلىق شەشىمدەر ساراپشىلىق قورىتىندىلار، عىلىمي تاسىلدەر جانە مادەني مۇرا نىساندارىن ساقتاۋدىڭ حالىقارالىق ستاندارتتارى نەگىزىندە قابىلدانادى. الاڭداۋعا نەگىز جوق. جۇرگىزىلىپ جاتقان جۇمىستار – جوسپارلى، عىلىمي نەگىزدەلگەن جانە كەسەنە ساقتالماعىن، ودان ءارى زاقىمدانۋىن بولدىرماۋدى جانە بىرەگەي ەسكەرتكىشتى بولاشاق ۇرپاق ءۇشىن ۇقىپتى ساقتاۋدى قامتاماسىز ەتۋگە باعىتتالعان»، – دەپ حابارلادى مينيسترلىك.
-
پرەزيدەنت بەلارۋسي الەكساندر لۋكاشەنكو پريزۆال سترانى ەاەس ۆەرنۋتسيا ك يزناچالنىم يدەيام ينتەگراسيي ي سوسرەدوتوچيتسيا نا سوۆمەستنىح پرويزۆودستۆەننىح پروەكتاح.
-
Concerns over the facade of the Khoja Ahmed Yasawi Mausoleum have been addressed by the Ministry of Culture، clarifying that the removal is part of planned restoration efforts.
