مەديسينا قىزمەتكەرلەرى كۇنىنە قۇتتىقتاۋلار
ءار ادام ءوز ءومىر جولىندا اق حالاتتى ابزال جاندارمەن كەزدەسىپ، ولاردىڭ ىستىق ىقىلاسى مەن الاقاندارىن سەزىنەدى. بۇنىڭ ءبارىن مەديسينا قىزمەتكەرلەرى عانا بەرە الادى. ولاردىڭ كومەگىمەن توقتاعان جۇرەك قايتا سوعىپ، ءۇمىتىمىزدى جالعاپ سىزداعان بالتىرىمىزدى توقتاتادى. وسى اق حالاتتى ابزال جانداردى ءتول مەرەكەلەرىمەن شىن جۇرەكتەن قۇتتىقتايمىز!
*** *** *** ***
“دەنساۋلىق — ادام ءۇشىن باعا جەتپەس بايلىق. بۇل كۇن قۇرمەت پەن العىسقا بولەنگەن، گيپپوكرات انتىن قابىلداپ، قاي كەزدە بولماسىن ءاردايىم سەنىمدىلىكتى ساقتايتىن، اسقان شەبەرلىكتىڭ يەسى اق حالاتتى ابزال جانداردىڭ مەرەكەسى”. “مەديسينا كاسىبى — ادامگەرشىلىكتىڭ اسىلى” سوندىقتان بارلىق مەديسينا قىزمەتكەرلەرىنە باقىت، ەڭبەكتە تابىس، توزىمدىلىك پەن كۇش قايرات جانە وتباسىلارىنا بەرەكە تىلەيمىز.
*** *** *** ***
جاس پەن كارىگە، جالپى ادامزاتتىڭ بارىنە كومەك قولىن سوزىپ، جانىن قويارعا جەر تاپتىرماي ازاپتاعان اۋرۋىنان ايىقتىرىپ، اق حالاتتى پەرىشتەدەي كوز الدىندا كولبەڭدەي ءجۇرىپ، جانىنا داۋا، تانىنە شيپا بولارداي ەم بەرىپ، ءسوزىنىڭ تاتتىسىمەن، كوزىنىڭ جاقسىسىمەن ناۋقاستىڭ كوڭىلىن كوتەرىپ، ومىرگە دەگەن قۇلشىنىسىن ارتتىرىپ، ەرتەلى-كەش ەرىنبەي، ەل ءۇشىن ەڭبەك ەتىپ، حالىقتىڭ العىس-ساۋابىن ارقالاعان اق حالاتتى ابزال جاندار.
*** *** *** ***
الەمدە بىرنەشە ارداقتى دا قۇرمەتتى ماماندىقتار بار. سونىڭ ءبىرى — دارىگەرلەر. ولاردى “اق جەلەڭدى ابزال جاندار، ادام جانىنىڭ اراشاشىسى” دەپ جاتامىز. قالاي اتاساق تا ارتىقتىق ەتپەيدى. دارىگەردى ۇلىعىلاۋ، قۇرمەتتەۋ — ءار پەندەنىڭ ازاماتتىق بورىشى. اۋىرساق، سىرقاتتانساق بىردەن وسى ادامدارعا جۇگىرەمىز. الدىنا بارعان بىزگە مەيىرىم توگە قاراپ، ەمدەپ، اقىل-كەڭەستەرىن بەرەدى. كۇن دەمەي، ءتۇن دەمەي قاجەت كەزدە جانىمىزدان تابىلادى. وسىنداي ابزال جانداردى مەرەكەلەرىمەن قۇتتىقتايمىز.
*** *** *** ***
اق حالاتتى ابزال جاندار بولماسا، جەر بەتىندە تىرشىلىك بولار ما؟ باس اۋىرىپ، بالتىرىمىز سىزداسا دارىگەرلەردىڭ كومەگىمەن عانا جانىمىزعا جاي تاباتىنىمىز شىندىق.
*** *** *** ***
وپەراسيا ۇستەلى — ءومىر مەن ءولىمنىڭ ارپالىسقان مەكەنى. وسى جەردە دارىگەرلەر ادام ومىرىنە تىرشىلىك ءنارىن بەرەمىن دەپ جانتالاسىپ جاتادى. سولاردىڭ شيپالى قولدارىنىڭ ارقاسىندا ومىردەن كۇدەرىن ۇزگەن ناۋقاس ادامدار امان-ەسەن جارىق دۇنيەگە قايتا ورالادى. وسىنداي باقىتتى جانداردىڭ اتىنان بارلىق مەديسينا قىزمەتكەرلەرىنە ريزاشىلىعىمىزدى ءبىلدىرىپ، ەڭبەكتەرىنە ساتتىلىك تىلەيمىز.
*** *** *** ***
مانساپتىڭ دا، قىزمەتتiڭ دە، اتاقتىڭ دا، بايلىقتىڭ دا ءدارiگەر ءۇشiن قۇنى كوكتيىن. ءدارiگەرگە ەڭ قاجەتi — ادامنىڭ دەنساۋلىعى، ونىڭ تاعدىرى. ناۋقاس ادام جانىنا ءدارۋ iزدەپ، ءدارiگەرگە بارارى حاق. ءۇمiتكە ءۇمiت جالعاپ، عۇمىردىڭ ۇزاقتىعىن ساباقتاستىرىپ جاتاتىن دا وسى اق حالاتتى ابزال جاندار. وسىنداي بiلiم مەن مەيiرiمدiلiكتi ۇشتاستىرا بiلگەن اق حالاتتى ابزال جانداردى ءتول مەرەكەسىمەن قۇتتىقتاپ، دەندەرىنە ساۋلىق، وتباسىلارىنا بىرلىك، بەرەكە تىلەيمىز.
*** *** *** ***
اق حالاتتى ابزال جاندار رەتىندە ءار ناۋقاستىڭ جانىنا جەلەۋ بولىپ، اۋرۋعا قارسى تۇرىپ، ساۋلىعىن قالىپتاستىرىپ قانا قويماي، ادام بويىنا ومىرلىك كۇش-قۋات بەرىپ، «گيپپوكرات انتىن» ءوزىنىڭ ومىرلىك كرەدوسى رەتىندە قابىلداپ، قوعامنىڭ باستى بايلىعى سانالاتىن ادام ءومىرىنىڭ ساقشىسى بولا بىلگەن اق حالاتتى ابزال جانداردىڭ ەرەن ەڭبەگى، اتقارعان ىستەرى، ءارقاشاندا حالىقتىڭ كوڭىلىنەن شىعادى.
*** *** *** ***
ويلانىپ قاراساڭ، كۇللى بايلىقتىڭ جيىنتىعى نە اقشا، نە بولماسا تاۋداي ۇيىلگەن التىن ەمەس، دەننىڭ ساۋلىعى عانا. سول سەبەپتەن، باسىمىز اۋىرىپ، بالتىرىمىز سىزداي قالسا ەم ىزدەپ، ءبارىمىز الدىنا باراتىن دارىگەرلەر قاۋىمىنىڭ قوعامداعى ورنى ەرەكشە. ولاردىڭ ءار ەڭبەگىن باعالاپ وتىرۋ، ولارعا دەگەن قۇرمەتىمىزدى كورسەتەدى. اق حالاتتى ابزال جانداردىڭ ەڭبەكتەرi قانداي ماراپاتقا بولسا دا لايىق. اق حالاتتى ابزال جاندار دا ايانباي تەر توگىپ، ءار ادامنىڭ ءومىرى ءۇشىن قولدان كەلگەنىن ايانار ەمەس.
*** *** *** ***
ءوز ىستەرىنە تياناقتى، جىلى ءسوز، ىزگى لەبىزدەرىمەن ادام جانىن جادىراتادى. ءارى جاساعان ەم-دومدارى دا كوڭىلگە قونىمدى. ءاربىر مامان ەمدەلۋشى ادامداردىڭ جاعدايىن جاساپ، ولاردىڭ تەز جازىلۋىنا ىقپال ەتەدى. وسىنداي ابزال مامانداردان ەم الىپ، سىرقاتىمىزدان ايىعامىز. بارلىق جانى تازا، ابزال اق حالاتتى ماماندار مەن مەدبيكەلەردى شىن كوڭىلدەن ءتول مەرەكەلەرىمەن قۇتتىقتايمىن.
*** *** *** ***
ارداقتى اق حالاتتى ابزال جاندار!
سىزدەردى كاسىپتىك مەرەكەلەرىڭىز — مەديسينا قىزمەتكەرلەرى كۇنىمەن شىن جۇرەكتەن قۇتتىقتايمىن! ادام ءومىرىن ۇزارتۋعا سەپتىگىن تيگىزىپ، اجالدان اراشالاۋشى دارىگەر ماماندىعىن حالقىمىز ەجەلدەن قاستەرلەپ، قۇرمەتتەگەن.
ادام ومىرىنە اراشاشى ابزال جانداردى ءتول مەرەكەلەرىمەن قۇتتىقتاي وتىرىپ، وتباسىلارىنا اماندىق، دەندەرىنە ساۋلىق تىلەي وتىرىپ، كاسىبي بىلىكتىلىكتەرىڭىزدىڭ ارقاسىندا بيىك اسۋلاردان كورىنە بەرىڭىزدەر دەگەن تىلەگىمدى بىلدىرەمىن.
You Might Also Like
-
باستاۋىش سىنىپتارعا قازاقتىڭ ءداستۇرى تۋرالى قوسىمشا ساباق ەنگىزۋ ۇسىنىلدى.
