InfoHub Logo

مەكسيكادا ەسىرتكى بيزنەسىنىڭ ءىرى تۇلعاسى، «حاليسكونىڭ جاڭا بۋىنى» (CJNG) ەسىرتكى كارتەلىنىڭ باسشىسى رۋبەن نەمەسيو وسەگەرا سەرۆانتەس، ەل مەنچو لاقاپ اتىمەن تانىمال، جەرلەۋ راسىمىنە ەرەكشە جاعدايدا جەتكىزىلدى. ول التىن جالاتقان تابىتپەن سوڭعى ساپارعا شىقتى.

بۇل تۋرالى Infohub.kz اقپارات اگەنتتىگى حابارلايدى.

قارالى كورتەج 2 ناۋرىز كۇنى گۆادالاحارا قالاسىنداعى جەرلەۋ بيۋروسىنان رەسينتو دە لا پاس زيراتىنا دەيىن ءوتتى. باسىلىمداردىڭ حابارلاۋىنشا، كاتافالكتاعى التىن تابىتتى كورۋگە بولادى. جەرلەۋ كەزىندە وركەستر ويناپ، ءراسىم جابىق فورماتتا ۇيىمداستىرىلعانىمەن، ب ا ق وكىلدەرى تابىتتىڭ جارقىراعان بەينەسىن ءتۇسىرىپ ۇلگەردى.

كۇشتىك قۇرىلىمدار باقىلاۋىنداعى جەرلەۋ

زيرات اۋماعىن جەرگىلىكتى جانە فەدەرالدىق كۇشتىك قۇرىلىمدار قىزمەتكەرلەرى قاتاڭ باقىلاۋعا الدى. ارميانىڭ بروندى تەحنيكالارى دا جۇمىلدىرىلىپ، كاتافالك جۇرەتىن جول بويىندا بلوكبەكەتتەر ورناتىلدى. بۇل شارالار ەسىرتكى كارتەلىنىڭ ىقپالى مەن قاۋىپسىزدىك جاعدايىن كورسەتەدى.

ەرەكشە جەرلەۋ ورنى

قىزىعى سول، ەل مەنچو جەرلەنگەن زيرات ءسان-سالتاناتتى جەرلەۋلەرمەن تانىمال ەمەس. مۇندا ءىرى مازارلار نەمەسە ماۆزولەيلەر جوق. الايدا، بۇل جەردە بۇرىنعى گۆادالاحارا كارتەلىنىڭ نەگىزىن قالاۋشى رافاەل كارو كينتەرونىڭ كەيبىر تۋىستارى جەرلەنگەن. كينتەرو 1985 جىلى اقش ەسىرتكى اگەنتتىگىنىڭ قىزمەتكەرىن ولتىرگەنى ءۇشىن سوتتالعان بولاتىن.

كارتەل باسشىسىنىڭ ۇستالۋى

ەسكە سالا كەتەيىك، رۋبەن نەمەسيو وسەگەرا سەرۆانتەس 22 اقپاندا مەكسيكالىق كۇشتىك قۇرىلىمدارمەن قاقتىعىس كەزىندە ۇستالعان بولاتىن. ول العان جاراقاتتارىنان اۋرۋحانادا قايتىس بولدى. ونىڭ ۇستالۋىنان كەيىن ەلدە اۆتوجولداردىڭ جابىلۋى جانە كولىكتەر مەن كاسىپورىنداردىڭ ورتەلۋى سياقتى جاپپاي تارتىپسىزدىكتەر ورىن العان ەدى.