tengrinews.kz
مەكسيكاداعى قاۋىپسىزدىك: شەتەلدىكتەرگە ەلدە قالۋعا كەڭەس بەرىلدى
مەكسيكاداعى ەسىرتكى كارتەلدەرىنىڭ باسشىسى ولتىرىلگەننەن كەيىن ەلدە تارتىپسىزدىكتەر مەن قىلمىس ءورشي ءتۇستى. وسىعان بايلانىستى اقش، كانادا جانە باسقا دا ءبىرقاتار مەملەكەتتەر ءوز ازاماتتارىنا مەكسيكادا قاۋىپسىزدىك شارالارىن كۇشەيتىپ، مۇمكىندىگىنشە ۇيدەن شىقپاۋعا كەڭەس بەردى.
بۇل تۋرالى Infohub.kz اقپارات اگەنتتىگى حابارلايدى.
حاليسكو شتاتىندا «قىزىل كود» جاريالاندى
«حاليسكو — جاڭا بۋىن» (CJNG) ەسىرتكى كارتەلىنىڭ باسشىسى نەمەسيو وسەگەرا سەرۆانتەس («ەل مەنچو») اسكەري وپەراسيا كەزىندە ولتىرىلگەننەن كەيىن، حاليسكو شتاتىنىڭ گۋبەرناتورى پابلو لەمۋس «قىزىل كود» رەجيمىن، ياعني توتەنشە جاعدايدى جاريالادى. ەلدە جولدار جابىلىپ، ءورت شىعۋ فاكتىلەرى تىركەلدى. اسكەري بولىمشەلەر قالالارعا كىرگىزىلدى.
كولىك قاتىناسى مەن اۋە رەيستەرى توقتاتىلدى
قاۋىپسىزدىك جاعدايىنا بايلانىستى مەكسيكانىڭ اۋە كومپانيالارى حاليسكو شتاتىنا باراتىن كەيبىر رەيستەرىن توقتاتتى. سونداي-اق، ەل بويىنشا اۆتوبۋس قاتىناسى دا بۇزىلدى. ەڭ ءىرى وقيعالار گۆادالاحارا مەن پۋەرتو-ۆاليارتا قالالارىندا بولدى.
باسقا ايماقتارعا دا تارادى
زورلىق-زومبىلىق تولقىنى ميچواكان، كوليما جانە تاماۋليپاس شتاتتارىنا دا تارادى. اقش ەلشىلىگى ءوز ازاماتتارىنا اينالاسىنا نازار اۋدارۋدى، قۇقىق قورعاۋ ورگاندارى جۇمىس ىستەيتىن جەرلەردەن اۋلاق بولۋدى جانە مۇمكىندىگىنشە ۇيدەن شىقپاۋدى ۇسىندى.
كانادا ۇكىمەتى پۋەرتو-ۆاليارتادا «ءوز ۇيىندە قالۋ رەجيمى» ەنگىزىلگەنىن حابارلادى. ۇلىبريتانيا، اۆستراليا جانە ءۇندىستان دا ءوز ازاماتتارىنا ساقتىق شارالارىن كۇشەيتۋ تۋرالى ەسكەرتۋ جاسادى.
-
سۋد ۆ سيەۆەرو-كازاحستانسكوي وبلاستي ۆىنەس پريگوۆور پو رەزونانسنومۋ دەلۋ وب ۋبييستۆە يزۆەستنوگو فەرمەرا ازاماتا باتانوۆا. پودروبنوستي.
-
Following the death of a cartel leader، several countries have issued travel advisories for Mexico، urging citizens to exercise caution and remain indoors.
