مەكتەپ اسحانالارىنداعى قاۋىپسىزدىك: دەنساۋلىق ساقتاۋ مينيسترلىگى باقىلاۋ تاسىلدەرىن وزگەرتەدى
ماڭعىستاۋ وبلىسىندا وقۋشىلاردىڭ جاپپاي ۋلانۋ فاكتىسى ءبىلىم بەرۋ ۇيىمدارىنداعى تاماقتانۋ ساپاسىن باقىلاۋدىڭ ءالسىز تۇستارىن ايقىنداپ بەردى. وسىعان بايلانىستى ق ر دەنساۋلىق ساقتاۋ مينيسترلىگى مەكتەپ اسحانالارىن مەملەكەتتىك باقىلاۋ تاسىلدەرىن قايتا قاراۋعا كىرىستى.
جاڭا تاسىلدەر اياسىندا بالالار مەكەمەلەرىنە ەرەكشە مارتەبە بەرىلەدى، باقىلاۋ جۇرگىزەر الدىندا ەسكەرتۋ تالاپتارى الىنىپ تاستالادى جانە سانيتاريالىق تالاپتاردىڭ ورىندالۋىن تەكسەرۋ ءۇشىن مونيتورينگتىك ساپارلار ەنگىزىلەدى.
بۇگىندە قولدانىستاعى كاسىپكەرلىك كودەكس نورمالارى مەملەكەتتىك باقىلاۋدى تولىق قامتۋعا مۇمكىندىك بەرمەي وتىر. وسىنى ەسكەرە وتىرىپ، دەنساۋلىق ساقتاۋ مينيسترلىگى مەن باس پروكۋراتۋرانىڭ بىرلەسكەن شەشىمىمەن ماڭعىستاۋ وبلىسىنداعى ءبىلىم بەرۋ ۇيىمدارىندا جوسپاردان تىس تەكسەرۋلەر باستالدى.
تەكسەرۋ جۇمىستارى شەڭبەرىندە وڭىردەگى 72 ءبىلىم بەرۋ نىسانى انىقتالىپ، قازىرگى ۋاقىتتا 14 مەكتەپ اسحاناسىنا مونيتورينگ جۇرگىزىلدى.
وقيعانىڭ سەبەپتەرىن انىقتاۋ جانە مەكتەپ تاماقتانۋ قاۋىپسىزدىگىن كۇشەيتۋ ماقساتىندا ارنايى ۆەدومستۆوارالىق جۇمىس توبى قۇرىلدى. وعان اقتوبە، جامبىل، قوستاناي وبلىستارى مەن الماتى قالاسىنىڭ سانيتاريالىق-ەپيدەميولوگيالىق ماماندارى، سونداي-اق قوعامدىق دەنساۋلىق ساقتاۋ ۇلتتىق ورتالىعىنىڭ ساراپشىلارى تارتىلدى.
You Might Also Like
-
قازاقستاندا ورمان ورتتەرىن بولدىرماۋدىڭ جاڭا ءارى تابيعي جولى — كيىكتەر بولۋى مۇمكىن. ەكولوگ ساكەن دىلداحمەتتىڭ ايتۋىنشا، كيىكتەردىڭ تابيعي مىنەز-قۇلقى مەن تىرشىلىك سالتى ەلدەگى دالا جانە ورمان ەكوج...
-
مەملەكەت باسشىسى بۇۇ اياسىنداعى بىتىمگەرلىك ميسسيا كەزىندە ەرلىك كورسەتكەن قازاقستاندىق اسكەري قىزمەتشىلەردى ماراپاتتاۋ تۋرالى جارلىققا قول قويدى، – دەپ حابارلايدى Infohub.kz.
