مەكتەپتە اقشا جيناعان مۇعالىمدەر جۇمىستان كەتەدى
قازاقستاندا مەكتەپ وقۋشىلارىنان اقشا جيناعان مۇعالىمدەر قاتاڭ جازاعا ۇشىرايدى. ءتىپتى جۇمىستان قۋىلۋى مۇمكىن. بۇل تۋرالى بۇگىن ق ر ءبىلىم جانە عىلىم ۆيسە-مينيسترى ەلميرا سۋحانبەردييەۆا ءمالىم ەتتى.
«بىزدە مينيستر بۇيرىعىمەن مەكتەپتە ءتۇرلى ماقساتتارعا اقشا جيناۋعا تىيىم سالۋ بويىنشا ناقتى قاعيدالار بەكىتىلگەن. ول بۇرىننان بار، بۇل ءبىرىنشى بۇيرىق ەمەس. ول تۋرالى بارلىق ءبىلىم بەرۋ دەپارتامەنتتەرى مەن بولىمشەلەرىنە ايتىلدى. ءبىز مەكتەپتەردە اقشا جيناۋعا تىيىم سالۋعا قاتىستى ساياساتتى قاتاڭ ۇستانامىز. ءبىراق بۇل تالاپ جەرگىلىكتى جەرلەردە بۇزىلىپ جاتادى»، - دەدى ۆيسە-مينيستر ورتالىق كوممۋنيكاسيالار قىزمەتىندە وتكەن بريفينگتە.
ونىڭ ايتۋىنشا، وسى بۇيرىقتى بۇزعان قىزمەتكەرلەرگە قاتاڭ جازا قولدانىلادى. ءتىپتى جۇمىستان شىعارۋعا دەيىن بارۋى مۇمكىن.
«ءبىز بارلىق وقيعالارعا قاتاڭ شارالار قولدانىپ كەلەمىز. ونى ءجىتى باقىلاپ، اتا-انالارمەن بىرگە اقشا جيناۋعا مۇلدەم قارسى ەكەنىمىزدى بىلدىرەمىز. مەكتەپتە وقۋشىلاردىڭ اتا-انالارىنان اقشا جيناۋعا تىيىم سالۋ تۋرالى مينيستر بۇيرىعى بارلىق وبلىستىڭ، استانا مەن الماتى قالالارىنىڭ ءبىلىم بەرۋ دەپارتامەنتتەرىنە جولدانعان. اقشا جيناۋعا جول بەرگەن قىزمەتكەرلەردى جۇمىستان شىعارۋعا دەيىن بارامىز»، - دەدى ەلميرا سۋحانبەردييەۆا.
You Might Also Like
-
ەكىباستۇز قالالىق “وتارقا” گازەتىنىڭ 1998 جىلعى 31 شىلدەدەگى № 31،32 ساندارى “دارحان دالانىڭ دانىشپان ۇلى ءماشھۇر ءجۇسىپ كوپەيەۆ 140 جاستا” دەگەن ايدارمەن جارىق كوردى. گازەتتىڭ...
-
ەلباسى نۇرسۇلتان نازاربايەۆ ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆتى قابىلدادى.
