Tengrinews.kz / تۋرار كازانگاپوۆ
مەكتەپتە سمارتفونعا تىيىم سالىنا ما؟ وقۋشىلار اسحانادا قالاي تولەيدى؟
قازاقستان مەكتەپتەرىندە وقۋشىلارعا سمارتفون قولدانۋعا تىيىم سالۋ ماسەلەسى كوتەرىلدى. بۇل تىيىم تەك ساباق ۋاقىتىمەن شەكتەلمەي، ءتىپتى ءۇزىلىس كەزىندە دە قولدانىلماق. بۇل جاڭالىق كوپشىلىكتىڭ، اسىرەسە اتا-انالار مەن وقۋشىلاردىڭ الاڭداۋشىلىعىن تۋدىردى. ەندىگى كەزەكتە، بالالار مەكتەپ اسحاناسىندا قالاي تاماقتاناتىنى جانە تولەم جاسايتىنى تۋرالى سۇراقتار تۋىنداۋدا.
بۇل تۋرالى Infohub.kz اقپارات اگەنتتىگى حابارلايدى.
سمارتفونسىز اسحاناداعى تولەم ماسەلەسى
ءماجىلىس دەپۋتاتى اسحات ايماعامبەتوۆ بۇل ماسەلەگە قاتىستى پىكىر ءبىلدىردى. ونىڭ ايتۋىنشا، مەكتەپتەردە POS-تەرمينالداردىڭ سانى كوبەيەدى. بۇل وقۋشىلارعا بانك كارتاسىمەن نەمەسە قولما-قول اقشامەن تولەم جاساۋعا مۇمكىندىك بەرەدى. دەپۋتات بۇعان دەيىن دە وسى ماسەلەنى كوتەرىپ، تەك QR-كود ارقىلى تولەۋدىڭ زاڭسىز ەكەنىن اتاپ وتكەن بولاتىن. ونىڭ ويىنشا، ءاربىر اسحانادا POS-تەرمينال مىندەتتى تۇردە بولۋى ءتيىس.
مەكتەپتەردە ۇيالى تەلەفونداردى ساقتاۋ ءتارتىبى
جۋرناليستەردىڭ «امەريكاداعىداي شكافتار بولادى ما؟» دەگەن سۇراعىنا دەپۋتات جاۋاپ بەردى. ول بۇل نورمانى ەنگىزۋگە بولاتىنىن، ءبىراق ونىڭ پراكتيكادا قالاي جۇمىس ىستەيتىنىن مۇقيات قاراستىرۋ كەرەكتىگىن ايتتى. مەكتەپ ديرەكتورلارى تەلەفون جوعالعان جاعدايدا جاۋاپكەرشىلىكتەن قورقاتىنىن جەتكىزدى. كەيبىر مەكتەپتەردە ارنايى بەينەباقىلاۋ كامەرالارى ورناتىلعان، ال كەيبىرىندە تەلەفوندى سالىپ قوياتىن ارنايى چەحولدەر قولدانىلادى. كەيبىر مەكتەپتەردە سمارتفونداردى ساقتايتىن ارنايى بولمەلەر دە بار.
«بۇل نورمانى ەرتەڭ-اق ەنگىزەمىز دەمەيمىز، بۇل دايىندىقتى، تالقىلاۋدى تالاپ ەتەدى»، — دەدى ايماعامبەتوۆ.
اتا-انالار بالالارىمەن قالاي بايلانىسادى؟
دەپۋتاتقا اتا-انالاردىڭ بالالارىن ساباقتان كەيىن قالاي الىپ كەتەتىنى تۋرالى دا سۇراق قويىلدى. ايماعامبەتوۆ بۇرىنعى ۋاقىتتى ەسكە الىپ، ءمۇعالىم ارقىلى حابارلاسۋعا بولاتىنىن ايتتى. ول ءوزىنىڭ بالالارىنىڭ دا سمارتفونسىز مەكتەپكە باراتىنىن جانە بۇل ەشقانداي قيىندىق تۋدىرمايتىنىن جەتكىزدى.
قازىرگى تاڭدا مەكتەپ اكىمشىلىگى وقۋشىلاردىڭ سمارتفوندى پايدالانۋىنا قاتىستى ءوز شەشىمىن قابىلداي الادى. زاڭ جۇزىندە تەك ساباق كەزىندە عانا تىيىم سالىنعان، ال ءۇزىلىس كەزىندە قولدانۋعا رۇقسات ەتىلگەن. ەگەر تەلەفون وقۋ ماقساتىندا قاجەت بولسا، ءمۇعالىمنىڭ شەشىمىمەن پايدالانۋعا بولادى.
بۇل زاڭ جوباسى ءالى دە ەكى رەت قارالىپ، سەناتتا تالقىلانادى. پرەزيدەنت قول قويعاننان كەيىن عانا كۇشىنە ەنەدى.
-
قازگيدرومەت قازاقستاننىڭ ەكى ءىرى قالاسى – استانا مەن الماتىداعى الداعى ءۇش كۇنگە ارنالعان اۋا رايى بولجامىن جاريالادى. ەلوردادا قاتتى اياز كۇتىلسە، الماتىدا جاۋىن-شاشىن مەن كوكتايعاق بولادى.
-
A proposed law in Kazakhstan could ban smartphone use for students during breaks، raising questions about lunch payments and communication.
