Photo: Aleksandar Andreev (https://www.pexels.com/@andreevaleksandar) / Pexels
مەكتەپتەردە ديكتانت پەن باقىلاۋ جۇمىستارى قايتا ورالۋى مۇمكىن بە؟
قازاقستان مەكتەپتەرىندە وقۋشىلاردىڭ ءبىلىمىن باعالاۋ تاسىلدەرى وزگەرۋى مۇمكىن. قازىرگى تاڭدا وقۋ-اعارتۋ مينيسترلىگى ءبىرىڭعاي جيىنتىق باعالاۋ (بجب) مەن توقساندىق جيىنتىق باعالاۋ (تجب) جۇيەسىن مۇقيات زەرتتەپ جاتىر. بۇل جاڭالىق وقۋشىلار مەن مۇعالىمدەر ءۇشىن قانداي وزگەرىستەر اكەلەدى دەگەن ساۋال تۋىنداۋدا.
بۇل تۋرالى Infohub.kz اقپارات اگەنتتىگى حابارلايدى.
وقۋ-اعارتۋ ءمينيسترى جۇلدىز سۇلەيمەنوۆانىڭ ايتۋىنشا، ۆەدومستۆو قازىرگى باعالاۋ ادىستەرىن كەزەڭ-كەزەڭىمەن قايتا قاراۋدى جوسپارلاپ وتىر. ورتا ءبىلىم كوميتەتى بارلىق سىنىپتارداعى تاپسىرمالار مەن وقۋشىلاردىڭ جاۋاپتارىنا ساراپتاما جاساپ، بجب مەن تجب-نىڭ ءبىلىم دەڭگەيىنە، ءمۇعالىمنىڭ جۇمىسىنا جانە جالپى وقۋ پروسەسىنە اسەرىن انىقتاۋدا.
ءداستۇرلى باعالاۋ تۇرلەرى قايتا ەنگىزىلە مە؟
ءمينيستردىڭ سوزىنشە، كريتەريالدى باعالاۋ جۇيەسى ءبىلىم بەرۋ ستاندارتىنا ەنگىزىلگەنىمەن، ءداستۇرلى جازبا جۇمىستارىن وقۋ پروسەسىندە كەڭىرەك قولدانۋعا مۇمكىندىك بار. بۇل دەگەنىمىز، مەكتەپتەردە بۇرىننان قولدانىلىپ كەلگەن ديكتانت، مازمۇنداما، شىعارما جانە باقىلاۋ جۇمىستارى سياقتى باعالاۋ تۇرلەرى قايتا ەنگىزىلۋى مۇمكىن.
«بىرتىندەپ بجب مەن تجب-دان الىستايمىز دەپ ويلايمىز. ءبىراق ول ءۇشىن ناقتى نەگىز بەن جان-جاقتى ساراپتاما قاجەت»، – دەدى جۇلدىز سۇلەيمەنوۆا.
مينيسترلىك بۇل وزگەرىستەردى بىردەن ەنگىزۋدى كوزدەپ وتىرعان جوق. الدىمەن قولدانىستاعى جۇيەنىڭ تيىمدىلىگى جان-جاقتى زەرتتەلمەك. سەبەبى بجب مەن تجب بىرنەشە جىلدان بەرى مەكتەپ تاجىريبەسىندە قولدانىلىپ كەلەدى. ونى وزگەرتۋ مۇعالىمدەردىڭ جۇمىسىنا دا، وقۋشىلاردىڭ وقۋ پروسەسىنە دە تىكەلەي اسەر ەتەتىنى بەلگىلى.
-
Relatives claim a 29-year-old man was tortured and buried alive by his colleagues. An investigation is underway.
-
Kazakhstan's Ministry of Education is reviewing its current assessment system، potentially bringing back dictations and control works to schools.
