مەملەكەت باسشىسى ۇلىتاۋ وبلىسىنىڭ اكىمى داستان رىسپەكوۆتى قابىلدادى
پرەزيدەنت قاسىم-جومارت توقايەۆ ۇلىتاۋ وبلىسىنىڭ اكىمى داستان رىسپەكوۆتى قابىلداپ، ءوڭىردىڭ الەۋمەتتىك-ەكونوميكالىق دامۋى مەن وزەكتى ماسەلەلەرىن تالقىلادى.
اكىم بايانداماسىنان:
2023 جىلى ونەركاسىپ ءوندىرىسى – 8%-عا، قۇرىلىس جۇمىستارى – 28%-عا، ال تۇرعىن ءۇيدى پايدالانۋعا بەرۋ كورسەتكىشى – 30%-عا وسكەن.
وڭىرگە 226 ميلليارد تەڭگەدەن استام ينۆەستيسيا تارتىلىپ، ونىڭ 89%-ىن جەكە ينۆەستيسيالار قۇراعان.
جالپى سوماسى 940 ميلليارد تەڭگەنى قۇرايتىن ينۆەستيسيالىق جوبالار پۋلىن جاساقتاۋ جۇمىسى جۇرگىزىلگەن.
2024 جىلى قۇنى 138 ميلليارد تەڭگە بولاتىن 17 جوبانى ىسكە اسىرۋ جوسپارلانىپ وتىر.
كەزدەسۋدە كوتەرىلگەن ماسەلەلەر:
ءوندىرىس ورىندارىنداعى قاۋىپسىزدىك: پرەزيدەنتتىڭ تاپسىرماسىنا سايكەس، اكىمدىك ۇكىمەتپەن بىرلەسىپ ءقاۋىپتى ءوندىرىس ورىندارىندا ەڭبەك ەتەتىن ازاماتتاردىڭ قاۋىپسىزدىگىن قامتاماسىز ەتۋ شارالارىن قولعا الۋدا.
«قازاقمىس» كەنىشىندەگى اپات: رىسپەكوۆ شاحتادا قازا تاپقان جۇمىسشىلاردىڭ وتباسىلارىنا كورسەتىلىپ جاتقان كومەك جونىندە باياندادى.
بولاشاق مىندەتتەر: مەملەكەت باسشىسى اكىمگە كولىك-لوگيستيكا الەۋەتىن ارتتىرۋ، ينفراقۇرىلىمدى جاڭعىرتۋ، مەديسينالىق قىزمەت ساپاسىن جاقسارتۋ، تازا اۋىزسۋمەن قامتاماسىز ەتۋ جانە ەكولوگيالىق ماسەلەلەردى شەشۋ جونىندە تاپسىرما بەردى.
You Might Also Like
-
نازىم قىزايباي سەربيانىڭ نيش قالاسىندا وتكەن ايەلدەر اراسىنداعى الەم چەمپيوناتىندا توپ جارىپ، ءۇشىنشى مارتە الەم چەمپيونى اتاندى. فينالدا ول رەسەيلىك يۋليا چۋمگالاكوۆانى جەڭىپ، قازاقستان بوكسىنىڭ داڭ...
-
ۋكراينا پرەزيدەنتى ۆلاديمير زەلەنسكيي كۋرسك وبلىسىندا ۋكراينا قارۋلى كۇشتەرى (ۋقك) وپەراسيا جۇرگىزىپ جاتقانىن جانە ۋكراين اسكەرى قورشاۋدا قالماعانىن مالىمدەدى.
