Photo: Ayazhan (https://www.pexels.com/@ayazhan-3173683) / Pexels
مەملەكەتتىك باسپانانى تانىس-تامىر ارقىلى تاراتقان شەنەۋنىك تۇرمەگە توعىتىلدى
اقتوبەدە مەملەكەتتىك باسپانانى زاڭسىز تاراتقان شەنەۋنىككە قاتىستى سوت ۇكىمى جاريالاندى. بۇرىنعى تۇرعىن ءۇي قاتىناستارى ءبولىمىنىڭ باسشىسى جاندوس ءالىموۆ قىزمەتىن اسىرا پايدالانعانى ءۇشىن كىنالى دەپ تانىلىپ، التى جىلعا باس بوستاندىعىنان ايىرىلدى.
بۇل تۋرالى Infohub.kz اقپارات اگەنتتىگى حابارلايدى.
ءتارتىپ بۇزىلعان
سوت وتىرىسىندا ءالىموۆتىڭ كەزەكتە تۇرعانداردى اينالىپ ءوتىپ، تانىستارىنا، تۋىستارىنا جانە جەرلەستەرىنە باسپانانى كەزەكتەن تىس بەرىپ وتىرعانى انىقتالدى. 2021 جىلدان 2024 جىلعا دەيىنگى ارالىقتا اكىمدىكتىڭ بالانسىنداعى كەمىندە 15 پاتەر وسىلايشا زاڭسىز راسىمدەلگەن.
كەزەكتىڭ سوڭىنداعىلارعا دا باسپانا بۇيىرماعان
ءىس ماتەريالدارىندا كورسەتىلگەندەي، كەزەكتە مىڭىنشى ورىندا تۇرعان ازامات الدىمەن بولمە، كەيىن پاتەر الىپ، ونى كەيىننەن قىمبات باعاعا ساتىپ جىبەرگەن. مۇنداي جاعدايلار باسقا دا باسپانا يەلەرىمەن دە ورىن العان.
شەنەۋنىك كىناسىن مويىندامادى
جاندوس ءالىموۆ سوتتا وزىنە تاعىلعان ايىپتاردى مويىندامادى. ول ءوزىنىڭ بەس بالاسى بار ەكەنىن، مەملەكەتتىك قىزمەتتە 17 جىل جۇمىس ىستەگەنىن جانە ەشقانداي زاڭسىزدىق جاساماعانىن ايتتى. ءىستى قاراۋ ءتورت ايعا جۋىق ۋاقىتقا سوزىلدى.
سوت ۇكىمىمەن الىموۆكە ءومىر بويىنا مەملەكەتتىك قىزمەتتە جۇمىس ىستەۋگە تىيىم سالىندى.
-
وسكەمەندەگى «ازيا اۆتو» زاۋىتىنىڭ قۇرىلىسى اياقتالماعان نىسانى شىعىس قازاقستان وبلىسى اكىمدىگىنىڭ بالانسىنا ءوتتى.
-
قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ شوبەرەسى لورا الييەۆا TikTok الەۋمەتتىك جەلىسىندە كونتەنت جاريالاي باستادى. ول اكەسى جاعىنان اتاسى مەن اعاسىن ەسكە الدى.
