Tengrinews.kz / تۋرار كازانگاپوۆ
مەملەكەتتىك قىزمەتكەرلەردىڭ جالاقىسى ەندى جاڭاشا تاعايىندالادى
ەندى مەملەكەتتىك قىزمەتكەرلەردىڭ جالاقىسى تەك لاۋازىمىنا عانا ەمەس، كاسىبي دەڭگەيىنە قاراي وسەتىن بولادى. سەنات ماقۇلداعان جاڭا زاڭ جوباسى بويىنشا، قىزمەتتەرىن اتقارۋداعى جەتىستىكتەرى مەن بىلىكتىلىگى جوعارى ماماندارعا جوعارى جالاقى تولەنەدى.
بۇل تۋرالى Infohub.kz اقپارات اگەنتتىگى حابارلايدى.
جاڭا كارەرالىق ءوسۋ مودەلى
جاڭا جۇيە بويىنشا، مەملەكەتتىك قىزمەتشىلەر ءبىر لاۋازىمنىڭ ىشىندە ءتورت ءتۇرلى دەڭگەيدە ءوسۋ مۇمكىندىگىنە يە بولادى. بۇل «گوريزونتالدى كارەرا» دەپ اتالادى. قىزمەتكەردىڭ كەلەسى دەڭگەيگە كوتەرىلۋى ونىڭ جۇمىس ناتيجەلەرىن باعالاۋ، قوسىمشا ءبىلىم الۋى جانە تاعىلىمدامادان ءوتۋى سياقتى فاكتورلارعا بايلانىستى بولادى.
«بۇل مەملەكەتتىك قىزمەتتىڭ تارتىمدىلىعىن ارتتىرىپ، كاسىبي مامانداردى ساقتاپ قالۋعا باعىتتالعان شارالار كەشەنىن قامتيدى. ەندى قىزمەتكەرلەر تەك جوعارى لاۋازىمعا عانا ەمەس، ءوز سالاسىندا دا دامي الادى»، - دەيدى سەناتور ەۆگەنيي بولگەرت.
جالاقىنى يندەكستەۋ جانە قوسىمشا جەڭىلدىكتەر
زاڭ جوباسىندا مەملەكەتتىك قىزمەتشىلەردىڭ جالاقىسىن ءۇش جىلدا ءبىر رەت مىندەتتى تۇردە يندەكستەۋ قاراستىرىلعان. بۇل ينفلياسيانىڭ اسەرىن ازايتىپ، قىزمەتكەرلەردىڭ تابىسىن تۇراقتى ۇستاۋعا كومەكتەسەدى.
سونىمەن قاتار، باسقا قالاعا اۋىسقان قىزمەتكەرلەرگە كوتەرمە جاردەماقى مەن كولىك شىعىندارىن وتەۋ قاراستىرىلعان. 25 جىلدان استام ەڭبەك ءوتىلى بار جانە مەملەكەتتىك نەمەسە ۆەدومستۆولىق ماراپاتتارى بار قىزمەتكەرلەرگە زەينەتكە شىققاندا ءتورت جالاقى مولشەرىندە ءبىر رەتتىك سىياقى بەرىلەدى.
ەڭبەك وتىلىنە بايلانىستى قوسىمشا اقىلى دەمالىس كۇندەرى دە بەلگىلەندى: 10 جىلدان اسسا – 3 كۇن، 15 جىلدان اسسا – 5 كۇن، 20 جىلدان اسسا – 10 كۇن. وتباسىلىق جاعدايلارعا بايلانىستى 10 كۇندىك اقىلى دەمالىس تا قاراستىرىلعان.
جاڭا تارتىپتەر مەن كەپىلدىكتەر
جاڭا زاڭ بويىنشا، قىزمەتىنەن زاڭسىز بوساتىلعان نەمەسە لاۋازىمى تومەندەتىلگەن قىزمەتكەرلەرگە ەڭ كوبى التى ايعا دەيىنگى كەزەڭگە جالاقىسى نەمەسە جالاقى ايىرماشىلىعى وتەلەدى.
تارتىپتىك جاۋاپكەرشىلىك جۇيەسى دە جەتىلدىرىلىپ، جەڭىلدەتەتىن جانە اۋىرلاتاتىن ءمان-جايلاردى ەسكەرە وتىرىپ، يكەمدى تاسىلدەر ەنگىزىلدى. سونىمەن قاتار، مەملەكەتتىك قىزمەتشىلەردىڭ كاسىبي قىزمەتىنە زاڭسىز ارالاسۋدان قورعاۋ كەپىلدىكتەرى كۇشەيتىلدى.
-
بيرجان حاسانگالييەۆ پودەليلسيا تروگاتەلنىمي ستيحامي، پوسۆياششەننىمي سۆوەمۋ وتسۋ، يزۆەستنومۋ كومپوزيتورۋ، سپۋستيا پيات لەت پوسلە ەگو ۋحودا.
-
يزۆەستنايا پيەۆيسا روزا رىمبايەۆا پودەليلاس ۆوسپومينانيامي و ۆسترەچە س پەرۆىم پرەزيدەنتوم كازاحستانا نۋرسۋلتانوم نازاربايەۆىم ي ەگو پوددەرجكە ۆ ترۋدنىي پەريود.
