InfoHub Logo

ءوزىن – ءوزى تانۋ پانىنەن ساباق جوسپارى.
مەكتەپالدى دايارلىق توبى.
ساباقتىڭ تاقىرىبى: مەن باقىتتى بالامىن.
ساباقتىڭ ماقساتى: «باقىت»، «قۋانىش»، «سۇيىسپەنشىلىك» قۇندىلىقتارىنىڭ ماعىناسىن ءتۇسىندىرۋ.
مىندەتتەرى:
-«باقىت»، «سۇيىسپەنشىلىك»، «قۋانىش» تۋرالى تۇسىنىك بەرۋ؛
- ادامي قاسيەتتەرىن دامىتۋ؛
- سۇيىسپەنشىلىككە تاربيەلەۋ؛
كورنەكى قۇرالدار: داپتەر، ءتۇرلى ءتۇستى قارىنداشتار.
شاتتىق شەڭبەرى
تاربيەشى بالالارمەن بىرگە ءو. تۇرمانجانوۆتىڭ تومەنگى ولەڭ جولدارىن قايتالاپ، ءبىر - بىرىنە ادەمى كۇلكىلەرىن سىيلايدى:
كەل، بالالار، كۇلەيىك!
كۇلكىمەنەن تۇلەيىك!
قاباق دەگەن نە كەرەك؟
كوڭىلدى بوپ جۇرەيىك!
اڭگىمەلەسۋ
- بالالار! قالاي ويلايسىڭدار، «باقىتتى بالا» دەپ كىمدى ايتا الامىز؟-
دۇرىس ايتاسىڭدار! ءوز وتباسى، دوستارى بار، دەنساۋلىعى مىقتى بالانى باقىتتى بالا دەپ ايتامىز.

اڭگىمەلەۋ
تاربيەشى بالالارعا ن. قادىربايەۆتىڭ «باقىت دەگەن نە؟» اڭگىمەسىن وقىپ بەرىپ، سۇراقتار قويادى.
«باقىت دەگەن نە؟»
باقىت، سەرىك، ەربول – ءبىر كوشەنىڭ تۇرعىندارى. ۇشەۋى بىرگە وقيدى. ساباق بەرەتىن اپايىن ءبارى دە جاقسى كورەدى. بىردە اپايى ادام ەسىمدەرىنىڭ ءمانى جونىندە تىربيە ساعاتىن وتكىزدى.
- ەربول ەسىمى – ازامات بول، ەر جىگىت بول دەگەن ماعىنانى بىلدىرەدى،- دەيدى اپايى.
ال سەرىك اتاۋى – دۇنيەگە كەلگەن پەرزەنتكە سەرىك بولسىن دەگەن نيەتتەن تۋعان،- دەدى.
- باقىت دەگەن شە؟ – دەدى باقىت قىزىققاننان جاسىرا الماي.
- باقىت – بۇل ءار بالانىڭ وي - ارمانىنىڭ ورىندالۋى. قۋانىشتى كۇي كەشۋى. سول نيەتى ىسكە اسسا، باقىتقا قولى جەتكەنى. اركىمدە ارمان دا، وي دا كوپ. سوندىقتان، باقىت تا سان الۋان، - دەدى اپايى.
باقىت ۇيىنە كەلدى. اتاسىنان:
- اتا، باقىت دەگەن نە؟
- سەنىڭ امان – ساۋ جۇرگەنىڭ – مەن ءۇشىن باقىت، اينالايىن. باقىتتىڭ ۇلكەنى – وسى.
- اپاي: «باقىت دەگەن ءار بالانىڭ وي - ارمانىنىڭ ورىندالۋى»، - دەدى. مەنىڭ ارمانىم – ءسىزدىڭ جاسىڭىز جۇزگە جەتكەنىن كورۋ، - دەدى باقىت.
- ارمانىڭا جەت،- دەدى اتاسى نەمەرەسىنىڭ شىن پەيىلىنە شاتتانىپ.
باقىت ءۇشىن وسى ءسات ناعىز باقىت ەدى.
• باقىتتىڭ اتاسى نەمەرەسىنە «باقىت» دەگەندى قالاي ءتۇسىندىردى؟
• ويلانايىق، باقىت دەگەن نە؟ قالاي تۇسىنەسىڭدەر؟
• باقىتتى بولۋ ءۇشىن نە ىستەۋ كەرەك؟
بالالاردىڭ جاۋاپتارى تىڭدالادى.

دايەكسوز
تاربيەشى بالالارعا م. ماقاتايەۆتىڭ «باقىت دەگەن – سەنىڭ بالا كەزدەرىڭ»، - دەگەن جولدارىن بۇگىنگى ساباقتىڭ دايەكسوزى رەتىندە تۇسىندىرەدى.
- باقىت – سەنىڭ بالالىق شاعىڭ، دەنىڭ ساۋ بولىپ، اسىر سالىپ ويناعانىڭ.
جاتتاۋ.
«باقىت دەگەن نە؟»
س. وسپانوۆ.
ايتشى، بىلەسىڭ ەگەر دە،
پاپا، باقىت دەگەن نە؟
باقىت دەگەن، شىراعىم،
مىنا اسەم تۇراعىڭ.
نۋ ورماندار،
گۇل باعى،
كۇننىڭ كۇلىپ تۇرعانى.
باقىت – ءدانى دالانىڭ،
الاقانى اناڭنىڭ.
«بوتام» دەۋى اجەڭنىڭ،
تىنىشتىعى الەمنىڭ!
قايدا باقىت مەكەنى،
قالاي وعان جەتەدى؟
ادال ەڭبەك ەتەسىڭ!
سوندا عانا جەتەسىڭ!
كورىنبەيتىن كوزىڭە،
سوندا ونىڭ ءوزى نە؟
باقىت دەگەن، ءسوزىم شىن –
اينالايىن، ءوزىڭسىڭ!
مەن باقىتتى بالامىن، جۇكتەۋ