instagram.com/pavlov_pablo_/
«مەن – قازاقپىن»: جەڭىسكە جەتكەن بوكسشى قارسىلاسىنا ۇلتتىق ەرەكشەلىگىن ەسكەرتتى
قازاقستاندىق بوكسشى ەۆگەنيي پاۆلوۆ اقش-تان كەلگەن قارسىلاسى انتونيو دانتون ەل-ملادشييمەن بولعان ديالوگىن جاريالادى. وندا ول ءوزىنىڭ ۇلتىن قاتەلەسكەن امەريكالىققا دۇرىستاپ ايتتى.
بۇل تۋرالى Infohub.kz اقپارات اگەنتتىگى حابارلايدى.
ەۆگەنيي پاۆلوۆ پەن انتونيو ەلدىڭ جەكپە-جەگى بالتيموردا (اقش) ءوتتى. التى راۋندقا سوزىلعان كەزدەسۋدە قازاقستاندىق بوكسشى ۇپاي سانىمەن باسىمدىلىق تانىتىپ، جەڭىسكە جەتتى. الايدا، جەكپە-جەكتەن كەيىن جەڭىلگەن امەريكالىق الەۋمەتتىك جەلىدە ازىلدەپ جازعان پوست جاريالاپ، وعان پاۆلوۆتىڭ جاۋابى قىسقا ءارى نۇسقا بولدى.
قارسىلاسىنىڭ قاتەلىگىن تۇزەتتى
انتونيو ەل جەڭىلىستەن كەيىن ءوزىنىڭ Instagram پاراقشاسىندا: «مەن شىنىمەن ءبىر ورىسپەن جۇدىرىقتاستىم، ءبىراق ولگەن جوقپىن»، - دەپ جازدى. بۇعان ەۆگەنيي پاۆلوۆ: «مەن ورىس ەمەسپىن. مەن – قازاقپىن، باۋىرىم»، - دەپ جاۋاپ بەردى. امەريكالىق بوكسشى دەرەۋ قاتەلىگىن مويىنداپ: «و، كەشىرىڭىز، دوستىم»، - دەپ جاۋاپ قايتاردى.
ايتا كەتەيىك، 26 جاستاعى قازاقستاندىق بوكسشى 2020 جىلى كاسىپقوي بوكستاعى مانسابىن باستاعان. وسى ۋاقىتقا دەيىن ول قاتارىنان 11 رەت جەڭىسكە جەتكەن، ونىڭ سەگىزى مەرزىمىنەن بۇرىن نوكاۋتپەن اياقتالعان.
قىزىعى، ەل-ملادشييمەن كەزدەسۋگە دەيىن پاۆلوۆ ءۇش جىلدان استام ۋاقىت بويى رينگكە شىقپاعان.
-
اتىراۋدا بلوگەرلەر ەربولات جانابىلوۆ پەن ەلميرا تولەگەنوۆاعا قاتىستى سوت ۇكىمى جاريالاندى. ەربولات جانابىلوۆ ەكى جىلعا شارتتى تۇردە باس بوستاندىعىنان ايىرىلسا، ايەلىنىڭ جازاسى ەكى جىلعا كەيىنگە شەگەرىلدى.
-
قازگيدرومەت ماماندارى 28-30 ساۋىرگە ارنالعان اۋا رايى بولجامىن جاريالادى. ەلدىڭ كەيبىر ايماقتارىندا جاڭبىر مەن نايزاعاي، ال باسقالارىندا كۇن كۇرت جىلىنادى.
