InfoHub Logo

مەن تاڭداعان ماماندىق - ءدىنتانۋ ماماندىعى. بۇل ماماندىقتى بىتىرگەن ستۋدەنت مەشىتتە يمام بولىپ، ۋاعىز ايتاتىن ادام ەمەس. ءدىنتانۋ زايىرلى ماماندىقتاردىڭ ءبىرى، ياعني ەكونوميست، زاڭگەر، بۋحگالتەر دەگەندەرىڭىزدەن اسىپ تۇسپەسە، كەم ەمەس. بەسىنشى ءپان رەتىندە دۇنيەجۇزى تاريحىن تاڭداۋىڭىز قاجەت.
قازىرگى كەزدە ءدىنتانۋ مەملەكەت تاراپىنان ەرەكشە كوڭىل ءبولىنىپ، قاجەت دەپ تاپقان ماماندىقتاردىڭ بىرىنە اينالدى. قازاقستان قوعامىنىڭ ءتۇرلى ەتنوستىق، كونفەسسيالىق سيپاتىن ەسكەرە وتىرا، سوعان قوسا ۇلتتىق ءدىني مۇرانى ساقتاپ قالاتىنداي قازىرگى زايىرلى قوعامعا، زامان تالابىنا ساي ءدىنتانۋ ءپانىن وقىتۋ، ءدىنتانۋشى ماماندار اسا قاجەت جانە بۇل تاقىرىپ قاشان دا وزەكتىلىگىن جوعالتپايدى.
Cول سەبەپتى، ءال فارابي اتىنداعى قازۇۋ - ڭ فيلوسوفيا جانە ساياساتتانۋ فاكۋلتەتىنىڭ "ءدىنتانۋ" ماماندىعى جايىندا ءبىلىپ جۇرىڭىزدەر.
ءدىنتانۋ - فيلوسوفيا، تاريح، الەۋمەتتانۋ، پسيحولوگيا، فيلولوگيا، انتروپولوگيا جانە ت. ب. عىلىمداردىڭ ءدىني ساراپتاماداعى جەتىستىكتەرىن قامتيتىن ءپانارالىق عىلىم. جوعارعى مامانداندىرىلعان ءبىلىم جۇيەسىندە ءدىنتانۋلىق ءبىلىم الۋ زايىرلى بولىپ تابىلادى.
ءدىنتانۋشى - ساراپشى، زەرتتەۋشى جانە عالىم، جوعارعى مامانداندىرىلعان دەڭگەيدە كونفەسسياارالىق كيكىلجىڭدەردى ساراپتاۋعا قابىلەتتى، سونىمەن قاتار:
1) ءدىنتانۋ اياسىنداعى اكتۋالدى پروبلەمالارعا عىلىمي زەرتتەۋلەر جۇرگىزۋ (تاريح جانە ءدىني تەوريالار، زاماناۋي ادام بولمىسىنىڭ ءدىني - فيلوسوفيالىق پروبلەمالارى)
2) شولۋلار جازۋ، اننوتاسيا، زەرتتەلگەن تاقىرىپتار بويىنشا بيبليوگرافيا جانە رەفەرات قۇرۋ، مەملەكەتتىك ورگاندارعا ءدىني بىرلەستىكتەر مەن قوعامدىق ۇيىمداردىڭ ءوزارا ارەكەتتەسۋ بويىنشا سۇراقتارعا كەڭەس بەرۋ. مەملەكەتتىك قۇقىقتىق بيلىك ورگاندارىندا، ءىىم مادەني مەكەمەسىندە، قوعامدىق ۇيىمداردا، كوممەرسيالىق فيرمالاردا ءدىن جونىندە ەكسپەرت مىندەتتەرىن ورىنداۋ.
ءدىنتانۋ ستۋدەنتتەرى - كاسىبي تاجىريبەلەرى ۇقك جانە ءىىم اناليتيكالىق قىزمەتتەر ورگاندارىندا، مەملەكەتتىك باسقارۋ، ىشكى ساياسات بولىمدەرىندە، حالىقارالىق مادەنيەت جانە ءدىن ورتالىقتارىندا، ءدىن جايىنداعى سۇراقتار عىلىمي - زەرتتەۋ جانە اناليتيكالىق ورتالىقتاردا، ءدىن ىستەرى جانە ازاماتتىق قوعام مينيسترلىگىندە، ءدىني باسقارما بولىمدەرىندە وتەدى.
«ءدىنتانۋ» دەگەن اتاۋدىڭ استارىندا ادامزات تاريحىنىڭ بارلىق كەزەڭدەرىن قامتيتىن جانە قوعامنىڭ بارلىق سالالارىنا ۇلكەن ىقپال ەتەتىن مادەنيەتتىڭ ەڭ قىزىق، كۇردەلى سالالارىنىڭ ءبىرىن زەرتتەيتىن عىلىمي تانىم جاتىر.