tengrinews.kz
«مەن ۇيدەمىن!» – قازاق قىزدارىن قورلاعان شەتەلدىك ستريمەر كەشىرىم سۇرادى
الماتىدا قازاق قىزدارىن قورلاعانى ءۇشىن ۇستالعان شەتەلدىك ستريمەر انار ابدۋللايەۆ ۇيىنە ورالىپ، قازاقستاندىقتاردان كەشىرىم سۇرادى. بۇل تۋرالى Infohub.kz اقپارات اگەنتتىگى حابارلايدى.
ابدۋللايەۆ ءوزىنىڭ Telegram ارناسىندا جاريالاعان ەكى مينۋتتىق Lego ستيلىندەگى انيماسيالىق روليگىندە قازاقستاندا بولعان جاعدايدى بەينەلەپ، «I'm sorry» («كەشىرىڭىز») دەگەن جازۋمەن اياقتايدى.
«قازاق حالقىنىڭ الدىندا تاعى دا كەشىرىم سۇرايمىن، وسىلاي بولعانى ءۇشىن وكىنەمىن، ەشكىمدى رەنجىتۋدى ويلاعان جوقپىن، اسىرەسە قىزداردى. مەن دوس اداممىن، كورسەتكەن ۇلكەن قولداۋلارىڭىزعا راقمەت! مەن ۇيدەمىن! مەن ورالدىم!» دەپ جازدى ول.
وقيعانىڭ ءمان-جايى
اقپان ايىنىڭ باسىندا قازاقستاندا شەتەلدىك ستريمەرلەرگە قاتىستى داۋ شىقتى. تىكەلەي ەفير كەزىندە ولار قازاقستاندىق قىزدار تۋرالى قورلايتىنداي پىكىرلەر ايتىپ، بۇل ۇزىندىلەر الەۋمەتتىك جەلىلەردە تەز تاراپ كەتتى.
جەلىدە نارازىلىق تولقىنىنان كەيىن بلوگەرلەرمەن جەرگىلىكتى تۇرعىندار كەزدەسىپ، كوپشىلىك الدىندا كەشىرىم سۇراۋدى تالاپ ەتتى. كەيىن بۇل ىسكە قۇقىق قورعاۋ ورگاندارى ارالاستى.
الماتى پوليسياسى تەكسەرۋ جۇرگىزدى. سوت شەتەلدىكتەردى ۇساق بۇزاقىلىق ءۇشىن 15 تاۋلىككە قامادى.
باسقا ستريمەرلەردىڭ رەاكسياسى
بۇل داۋ ستريمەرلەر قاۋىمداستىعىندا دا بەلسەندى تالقىلاندى. كەيبىر بلوگەرلەر سوتتىڭ شەشىمىن قولداسا، ەندى ءبىرى مۇنى قىلمىس دەپ سانامايتىنىن ايتتى. وقيعاعا قاتىسۋشىلاردىڭ ءبىرى وزىنە باعىتتالعان قۋدالاۋ مەن قورقىتۋدى توقتاتۋدى سۇرادى.
-
ۋزنايتە، كاكۋيۋ پەنسيۋ موگۋت پولۋچيت كازاحستانسى، نە يمەيۋششيە ترۋدوۆوگو ستاجا ي نە ۋپلاچيۆاۆشيە پەنسيوننىە ۆزنوسى، ي كاك بۋدەت راسسچيتىۆاتسيا بازوۆوە پوسوبيە.
-
A foreign streamer، detained for insulting Kazakh women، has returned home and issued a public apology، sparking debate among influencers and the public.
