InfoHub Logo

مەنىڭ ەسىمىن مۋنيسa. مەن ءال-فارابي اتىنداعى ءقازۇۋ-نىڭ مەديسينا جانە دەنساۋلىق ساقتاۋ فاكۋلتەتىنىڭ ستوماتولوگيا ماماندىعىنا ءتۇستىم. ستۋدەنتتىك ءومىر جارقىن ساتتەرگە تولى. ستۋدەنت بولعانىم مەن ءۇشىن كەرەمەت.

مەكتەپ قابىرعاسىندا 11 جىل وقىپ، جاڭا ءومىر جولىن باستاعان ءاربىر جاس ستۋدەنت ءۇشىن ۋنيۆەرسيتەت مەكەمەسى ۇلكەن ءبىر قامالداي كورىنەدى. بالالىقتىڭ بال ءدامىن بىرگە تاتىپ وسكەن دوستارىمەن ايىرىلىسىپ، جات جەرگە تانىمايتىن ادامدار ورتاسىنا كەلۋ كەز كەلگەن جاس تۇلەكتىڭ جۇرەگىندە قورقىنىش تۋعىزارى انىق. ءدال سولاي مەن دە وسىدان ءال فارابي اتىنداعى قازاق ۇلتتىق ۋنيۆەرسيتەتىنە كەلگەن ەدىم.

تۋعان جەرىمدى، وتباسىمدى، جاقىن دوستارىمدى اتامەكەندە تاستاپ، جالعىز ءوزىم تانىمايتىن قالاعا، مۇلدە بىلمەيتىن ءبىلىم ورداسىنا اياق باستىم. باسىندا ۇلكەن قورقىنىشقا بوي الدىرعانمەن، جاڭا تۇسكەن توبىمداعى بالالار دا ءوزىم سياقتى بولىپ شىقتى. بىردەن دوستاسىپ كەتىپ، وسى 3اي وتباسىنىڭ بالالارىنداي بولىپ كەتتىك. قازىرگى  قاراسام، ءوز توبىمىزبەن تالاي وقيعانىڭ كۋاسى بولدىق.

ءالى ەسىمدە، كازنۋ تابالدىرىعىن اتتاعان كەزدەگى تولقىنىسىم، العاشقى ساباققا كىرگەندە ۇستاز الدىنداعى قورقىنىش، بولاشاققا باستاۋ، ماماندىقتى يگەرۋدەگى جاۋاپكەرشىلىك پەن ءتۇرلى-تۇرلى سەزىمدەر بويىمدى بيلەپ العان ەدى. الايدا جوعارعى ءبىلىم ورداسىنىڭ ۇستازدار قاۋىمى وسى ورايدا ماعان كوپ قولداۋ كورسەتتى. جانىمداعى دوستارىم دا، گرۋپپالاستارىم دا ءارقاشان قاسىمنان تابىلىپ، قول ۇشىن بەرىپ ءجۇردى. سول ءۇشىن دە ريزامىن.

جالپى ادامنىڭ ءومىرىنىڭ ەڭ قىزىقتى شاعى – جاستىق شاق دەيدى. سونىڭ ىشىندە ستۋدەنتتىك جىلدارعا تۇسپا-تۇس كەلگەن شاق بولسا كەرەك. نەگە؟ سەبەبى ادامنىڭ ومىرلىك كاسىبىن، ءوز ماماندىعىن مەڭگەرىپ، ارمانىنا جول باستايتىن، كەيبىر جاستاردىڭ ماحابباتىن نە شىن دوسىن تاۋىپ جاتاتىن ۋاقىت ەمەس پە بۇل؟ ءدال سولاي مەن دە ءوزىمنىڭ وسى 3اي ۋاقىتىمدا كوپ نارسەگە يە بولدىم دەپ ويلايمىن. سونىمەن قاتار الماتى قالاسىنا كەلگەندە مەنى بىردەن وزىنە تارتىپ تۇراتىن ءبىر مەكەمەنىڭ بولارى انىق. ول – ۋنيۆەرسيتەت. مەنىڭ جالىندى جاستىعىمنىڭ كۋاسى بولعان قارا شاڭىراق ورداسى.

ستۋدەنتتىڭ ۋاقىتى وقۋمەن وتەدى ەكەن دەپ ويلاپ قالماڭىز. بۇل مەنىڭ تەك ءبىر كۇندىك ءومىرىم. ستۋدەنتتىك شاقتىڭ بۇدان دا باسقا ەستەن كەتپەيتىن قىزىقتارى بولادى. ءمولدىر ماحاببات، العاشقى قيىندىقتار، ويىن-ساۋىققا تولى كەشتەر، جاتاقحاناداعى ءومىر دە وسىندا بولادى. ونى ءبىر جازباعا سىيدىرۋ دا مۇمكىن ەمەس شىعار. الايدا ماڭگى ستۋدەنت بولۋ ەشكىمنىڭ ماڭدايىنا جازىلماعان. كۇن ارتىنان كۇن جالعاسىپ وسى ساتتەر دە وتە شىقپاق. باستىسى حالقىما قىزمەت ەتىپ،  ەتكەن  دارىگەر بولسام ەكەن دەپ تىلەيمىن.

ءال-فارابي اتىنداعى قازۇۋ

مەديسينا جانە دەنساۋلىق ساقتاۋ فاكۋلتەتىنىڭ

1 كۋرس ستۋدەنتى سابۋروۆا مۋنيسا

اعا وقىتۋشى: كايراكبايەۆا گ.س. جەتەكشىلىگىمەن

---