InfoHub Logo

ماقساتى: وقۋشىلارعا ادام بويىنداعى ادامگەرشىلىك قاسيەتتەردىڭ قۇندىلىقتارىن ءتۇسىندىرۋ، مىنەز ادامنىڭ ەڭ نەگىزگى كورسەتكىشى ەكەنىن دالەلدەۋ.
مىندەتتەرى:
- جاقسىلىق پەن جاماندىقتى سارالاي بىلۋگە ۇيرەتۋ؛
- جاقسى مىنەز تۋرالى ايتا وتىرىپ، جاقسىلىقتى جاساۋ، ونى قولداۋ، جامان مىنەزدى تىزگىندەۋ ادامدىق مىندەت ەكەنىن ءتۇسىندىرۋ؛
- ادام بويىنداعى جاعىمسىز قاسيەتتەردىڭ قوعامعا كەرى اسەر ەتەتىنىن، ادامنىڭ ءوزىن - ءوزى دامىتىپ تاربيەلەۋدەگى الاتىن ورنىن ءتۇسىندىرۋ؛
- وزىنە - ءوزى سىني كوزقاراسپەن قاراۋ داعدىلارىن دامىتۋ؛
- ءوزىنىڭ مىنەز - قۇلقىن، فيزيكالىق جانە پسيحيكالىق جاعدايىن ەركىن باسقارۋعا، جاقسى ادەتتەرىن كورسەتە الۋعا، جاقسى قاسيەتتەرگە ۇمتىلۋعا تاربيەلەۋ.
ءادىس - تاسىلدەر: تىنىشتىق ءساتى، رەلاكساسيا، ارت - تەراپيا، شىعارماشىلىق جۇمىس، توپتاستىرۋ.
ءپان ارالىق بايلانىس: ادەبيەت، مۋزىكا، سۋرەت
كورنەكىلىكتەر: ءۇنتاسپا، ناقىل سوزدەر، جۇلدىزشا - كارتوچكالار، الما اعاشىنىڭ سۋرەتى سالىنعان پلاكات.
ساباقتىڭ بارىسى:
ءى. ۇيىمداستىرۋ كەزەڭى
ءىى. تىنىشتىق ءساتى
ءىىى. ءۇي تاپسىرماسىن سۇراۋ
ءىۇ. اڭگىمە /ءمۇعالىمنىڭ سىيى/
ءۇ. دايەكسوز
ءۇى. شىعارماشىلىق جۇمىس
ءۇ. توپتاستىرۋ
ءۇى. ءان ايتۋ
ءۇىى. ارت - تەراپيا
ءۇىىى. قورىتىندىلاۋ
ءىح. ۇيگە تاپسىرما ءى. وقۋشىلاردى ساباقتىڭ ماقساتىمەن تانىستىرۋ.
ءىى. تىنىشتىق ءساتى /رەلاكساسيا ءادىسى/
- بالالار، تىنىشتىق ساتىنەن العان اسەرلەرىڭ قانداي؟
- ەندەشە، وسىنداي جاقسى كوڭىل كۇيمەن ساباعىمىزدى باستايىق.
ءىىى. ءۇي تاپسىرماسىن سۇراۋ. ق. ناقىسبەكوۆتىڭ «جاقسى مىنەز، جىلى ءسوز» ولەڭىن جانە ابايدىڭ «ويعا ءتۇستىم، تولعاندىم» ولەڭىن جاتقا ايتۋ.
- نەلىكتەن «مىنەز – ادام كورسەتكىشى بولادى» دەپ ويلايسىڭدار؟
- ادامنىڭ جاقسى مىنەزىنە نە جاتادى؟
- مىنەزى جامان ادامدا جاقسى قاسيەت بولا ما؟
- جامان مىنەزدى قالاي تۇزەۋگە بولادى دەپ ويلايسىڭدار؟
- اباي ايتقان ادام بويىنداعى مىندەردىڭ بۇگىنگى كۇندەگى كورىنىستەر قانداي؟
- ءوز بويىڭداعى ءمىنىڭىز تۋرالى ويلانىپ كوردىڭ بە؟

ءىۇ. ءمۇعالىمنىڭ سىيى. «اكە مەن بالا» اڭگىمەسىن ايتىپ بەرۋ.
ءبىر ادامنىڭ مىنەزى شورقاق، كىم - كورىنگەنگە ۇرىنىپ جۇرەتىن سوتقار ۇلى بولىپتى. ونىڭ مىنەزىن قايتسەم تۇزەيمىن دەپ باسى قاتقان اكەسى ءبىر كۇنى ۇلىنا ايتادى: بۇگىن كۇنى بويى نەشە ادامدى رەنجىتسەڭ، مىنا ەسىككە سونشا شەگەنى قاعىپ وتىر». ءسويتىپ ءبىر اپتا وتەدى. ۇلى اكەسىنە: «اكە، ايتقانىڭىزدى ورىندادىم. ەسىككە شەگە قاعاتىن ورىن قالمادى» دەيدى. اكەسى: «بالام، ەندى سول رەنجىتكەن ادامدارىڭنان كەشىرىم سۇرا، الگى ادامنىڭ كەشىرىمىن العان سايىن شەگەنى سۋىرىپ وتىر» دەيدى. ءبىر اپتا وتەدى، ءبىر اي، ەكى اي، ۋاقىت وتە بەرەدى. ءبىر جىل وتكەندە بالاسى اكەسىنە شەگەلەردىڭ ءبارىن الىپ تاستاعانىن قۋانا حابارلايدى. سوندا اكەسى بالاسىنا: «ەندى مىنا ەسىككە قاراشى، نەنى كورىپ تۇرسىڭ؟...
- وسى اڭگىمەدەن نە وي تۇيدىڭدەر؟
ءۇ. دايەكسوز
وقۋشىلار تاقتادا ىلىنگەن دايەكسوزدى حورمەن وقيدى:
كىسىگە ەكى دۇنيەدە پايدالى نارسە – ىزگى ءىس نەمەسە مىنەزى تۇزۋلىك.
ەكىنشىسى – ۇيات، ءۇشىنشىسى – ادىلدىك.
بۇل ۇشەۋى ارقىلى ادام شىن باقىت تابادى. ج. بالاساعۇني

- ناقىل ءسوزدى داپتەرلەرىڭە جازىپ الىڭدار.

ءۇى. شىعارماشىلىق جۇمىس
وقۋشىلارعا فيشكالاردى تاڭداۋ ۇسىنىلادى (جاپىراق، گۇل، جۇلدىز).
تاپسىرما: جاقسىلىق – جان جادىراتادى تاقىرىبىن قورعاۋ. جاپىراق تاڭداعاندار - سۋرەتشىلەر توبى / سۋرەت سالۋ/، گۇل تاڭداعاندار – اقىندار توبى /ولەڭ شىعارۋ/، جۇلدىز تاڭداعاندار – اكتەرلار توبى/كورىنىس قويۋ/ - ويلانۋعا 5مين. بەرىلەدى.
توپتاستىرۋ ءادىسى: ءمۇعالىم پارتاسىندا جاتقان كارتوچكالاردا ادام مىنەزىنە قاتىستى سوزدەر جازىلعان. تاقتادا ءىلىنىپ تۇرعان «جاقسىلىق» اعاشى مەن «جاماندىق» اعاشىنا وسى كارتوچكالاردى ءىلۋ كەرەك.
ءۇىى. ءان ايتۋ.
م. ماقاتايەۆتىڭ «باقىت دەگەن» ءانىن وقۋشىلار ورىندايدى./مۋزىكامەن بىرگە/
ءۇىى. ارت - تەراپيا /رەفلەكسيا ءادىسى/
ا4 قاعاز بەتىنە ءارقايسىسى وزدەرى جاقسى كورەتىن تۇستەردى كيست قولدانىپ شاشىراتادى. قاعازدى ءدال ورتاسىنان بۇكتەپ، قايتادان اشادى. ارنايى سالىنعانداي سۋرەت شىعادى. وقۋشىلار ءوز سۋرەتتەرىن كورگەندەگى ويلارىن ايتادى. سالىنعان وبەكتىلىرگە تۇسىندىرمە بەرۋ جانە تۋىنداعان اسسوسياسيالاردى تالقىلاۋ.

ءۇىىى. ساباقتى قورىتىندىلاۋ
وقۋشىلارعا المانىڭ سۋرەتتەرى سالىنعان كارتوچكالار تاراتىلادى. ولاردىڭ ارتىنا اركىم ءوزىنىڭ اتىن جازادى دا، كورشىسىنە ۇسىنادى. ول دوسىنىڭ مىنەزىنىڭ جاعىمدى جاقتارىن جازادى. وسىلايشا اينالىپ كەلىپ اركىم ءوزى تۋرالى جازىلعان پىكىردى وقيدى. وسى المالاردى تاقتاداعى «جاماندىق» اعاشىنا ىلەدى. ويلارىن قورىتادى.
ءىح. ۇيگە تاپسىرما
75 بەتتەگى «ءوزىن - ءوزى باقىلاۋ» تاپسىرماسىن ورىنداپ كەلۋ.