InfoHub Logo

مىنەزدەمە قۇرىلىمى 1. قۇجاتتىڭ اتاۋى تاقىرىپقا قوسىلادى. ول پاراقتىڭ جوعارعى جولىنىڭ ورتاسىنا ورنالاسادى، سيرەكتەتىپ تەرمەي باس ارىپتەرمەن جازىلادى. مىسال. مىنەزدەمە قىزمەتتىك مىنەزدەمە اتتەستاسيالىق مىنەزدەمە مىنەزدەمە-ۇسىنىس 2. مىنەزدەمە بەرىلۋشى تۋرالى قىسقاشا مالىمەتتەردە ول تۋرالى ماڭىزدى بيوگرافيالىق دەرەكتەرى – تەگى، اتى، اكەسىنىڭ اتى جانە ءبىلىمى، ۇيىمداعى جۇمىس ءوتىلى، سول ساتتە اتقاراتىن لاۋازىمى مازمۇندالادى. وزگە دە كەيبىر مالىمەتتەر قوسىمشا كورسەتىلۋى مۇمكىن (مىسالى، ديپلومى بويىنشا ماماندىعى، سوڭعى لاۋازىمداعى جۇمىس ءوتىلى، ءبىلىمى، اسكەري قىزمەتكە قاتىستىلىعى، ۇلتى، وتباسىلىق جاعدايى، ازاماتتىلىعى جانە ت.س.س.) قىسقاشا مالىمەتتەر پاراق بەتىنىڭ ورتاسىنا ينتەرۆال ارقىلى ورنالاسادى. مىسال. مىنەزدەمە باتىربەكوۆ ميراس مۇراتۇلىنا، 1964 جىلى تۋعان، ءبىلىمى جوعارى تەحنيكالىق، كاسىپورىندا 1992 جىلدان باستاپ جۇمىس ىستەيدى، باقىلاۋ-ولشەۋ اپپاراتۋرالارى ءبولىمىنىڭ اعا ينجەنەرى، اتقاراتىن لاۋازىمىنداعى جۇمىس ءوتىلى – 11 جىل. 3. نەگىزگى ءماتىننىڭ باسىندا مىنەزدەمە بەرىلۋشىنىڭ قىزمەتى جالپى قىسقاشا تالداۋى، ونىڭ تاپسىرىلاتىن ىسكە كوقاراسى باياندالادى. بۇدان كەيىن ماماندىقتى مەڭگەرۋى، كاسىبي بىلىمدەرى مەن داعدىلارىنىڭ بولۋى جانە دامۋ دەڭگەيى، مىنەزدەمە بەرىلەتىن كەزەڭدەگى قىزمەتىنىڭ نەگىزگى جەتىستىكتەرى مەن كەمشىلىكتەرىنىڭ قىسقاشا تىزبەسى، قىسقاشا الەۋمەتتىك-پسيحولوگيالىقبەينەسى، ارىپتەستەرىمەن جۇمىس بابىنداعى قارىم-قاتىناسى، وتباسىلىق جاعدايى، كوماندادا جۇمىس ىستەي ءبىلۋى،جۇمىسىنداعى سىنعا جانە كەمشىلىكتەرگە كوزقاراسى جان-جاقتى سيپاتتالادى. ءبىر قاتار جاعدايلاردا (وقۋعا نەمەسە ءىسساپارعا جىبەرگەندە) ۇمىتكەردىڭ دەنساۋلىق جاعدايى تۋرالى دا ەسكەرگەن ءجون. (قوسىمشا). قاجەت بولسا نەگىزگى ماتىنگە وسى مىنەزدەمە ءۇشىن ماڭىزى بار وزگە دە اقپاراتتار قوسىلۋى مۇمكىن، مىسالى، جەكە جۇمىس جۇرگىزۋ تاجىريبەسى جانە زەرتتەۋ جۇرگىزۋ، ۇيرەنۋ، باسشىلىق ەتۋ، شەتەلدە ءىسساپارلاردا بولۋ سياقتى جەكە قاسيەتتەرىن دامىتۋ جانە ت.س.س. ءماتىن، تيپتىك ءسوز ورامدارى مەن ءسوز تىركەستەرىن، قىسقارتۋسىز الىنعان ستاندارتتى تەرمينولوگيالاردى پايدالانا وىترىپ قاراپايىم سويلەمدەردەن تۇرۋى ءتيىس. مىسالى. ي.م.لوموۆ باقىلاۋ-ولشەۋ اپپاراتۋرالارى ءبولىمىنىڭ اعا ينجەنەرى لاۋازىمىندا جۇمىس ىستەگەن ۋاقىتىندا ءوزىن قابىلەتتى، ءبىلىمدى جانە ۇقىپتى مامان رەتىندە كورسەتە ءبىلدى. ول جۇمىس جۇرگىزۋ تەحنولوگيالارى مەن تەحنيكالىق باقىلاۋ قۇرالدارىنىڭ مۇمكىنددىكتەرىن جەتكىلىكتى تۇردە بىلەدى. جەكە ەەم-ىن تاجىريبەلى پايدالانۋشى. فرانسۋز ءتىلىنىڭ باستاۋىش ءبىلىمى بار. ي.م.لوموۆ ماماندىعى بويىنشا 1999 جىلى سانكت-پەتەربۋرگ ەلەكتروتەحنيكالىق ينستيتۋتىندا قوسىمشا دايارلىقتان ءوتتى. ول تۋرالى وقۋ ورنىنىڭ پىكىرى – ويداعىداي. كوپشىلىكپەن ءتىل تابىسا بىلەتىن ادام. ۇيىمداستىرۋشىلىق قابىلەتى بار. قيىن جاعدايلاردا ءوز بەتىنشە دۇرىس شەىم قابىلداي الادى. ءاردايىم ارىپتەستەرىمەن جۇمىس بابىندا ىسكەرلىك قارىم-قاتىناستا بولادى. سىن-ەسكەرتپەلەرگە دۇرىس قارايدى. ۇيلەنگەن. ءبىر ۇل، ءبىر قىز تاربيەلەپ وتىر. 4. تۇجىرىمدار مىنەزدەمە ءماتىنىنىڭ قورىتىندى بولىگىن بىلدىرەدى جانە ادەتتە مىنەزدەمە بەرىلۋشىنىڭ كەلەشەكتەگى قىزمەتىنە قاتىستى ناقتى ءبىر ۇسىنىمدارى بار بىر-ەكى سويلەمدەردەن تۇرادى. كاسىپتىك دايىندىق دەڭگەيى مەن باسشىلىق قىزمەتتەگى تاجىريبەسىن ەسكەرە وتىرىپ، ي.م.لوموۆتى كونكۋرستىق نەگىزدە ءبولىم باسشىسىنىڭ ورىنباسارى لاۋازىمىنا تاعايىنداۋ ءۇشىن ۇسىنۋعا بولادى. 5. مىنەزدەمە بەرىلگەن ۇيىمنىڭ اتاۋىنا، مىنەزدەمە دايارلانعان ۇيىمنىڭ تولىق رەسمي اتاۋى قوسىلادى. كەيدە، وسى قۇجات قانداي ماقساتقا بەرىلگەندىگىن كورسەتەدى، سول كەزدە «مىنەزدەمە» ءسوزى جازىلمايدى. ەلەكتروتەحنيكالىق ينستيتۋتتىڭ كونكۋرستىق كوميسسياسىنا ۇسىنۋ ءۇشىن بەرىلدى. 6. مىنەزدەمەنى بەرگەن تۇلعانىڭ قولتاڭباسىنا، مىنەزدەمەنى بەرگەن تۇلعانىڭ تولىق رەسمي اتاۋى، قولى، تەگى جانە ءاتى-جونى قوسىلادى. ەلەكتروتەحنيكالىق ينستيتۋتتىڭ كادرلار ءبولىمىنىڭ باستىعى _______________ يۆانوۆ ۆ.ۆ. (قولى) 7. مىنەزدەمەگە قول قويۋ كۇنىنە وسى مىنەزدەمەگە قول قويىلعان كۇنى، ايى جانە جىلى قوسىلادى. ول ۇيىم اتاۋىنىڭ تومەنگى جاعىنا قاعازدىڭ سول جاق بولىگىنە ينتەرۆال ارقىلى ورنالاسادى. 25 ناۋرىز 2011 جىل 8. قوسىمشالار. ەگەر مىنەزدەمەگە قوسىمشالار قوسىلسا، وندا بۇل جونىندە قاعازعا (قولتاڭبادان تومەن) ءتيىستى جازۋ جازىلادى.

---