InfoHub Logo

الماتىنىڭ جاڭا اكىمى دارحان ساتىبالدىنىڭ باۋىرلارى قۇرىلىس سالاسىندا بيزنەس جۇرگىزەتىنى بەلگىلى. «ۆلاست» سايتىنىڭ مالىمەتىنشە، ولاردىڭ كىشى تالدىكول اۋماعىنداعى قۇرىلىس جوبالارىنا قاتىسى بار. 2023 جىلى بۇل تۋرالى سۇرالعاندا ساتىبالدى تۋىستارىنىڭ جۇمىسىنا ارالاسپايتىنىن، اتالعان قۇرىلىس جونىندە حابارى جوعىن ايتقان.

جۋىردا جۋرناليستەر ونەركاسىپ جانە قۇرىلىس ءمينيسترى ەرسايىن ناعاسپايەۆتان: «جاڭا اكىم كەلگەن سوڭ الماتىدا ءتيىمسىز قۇرىلىس كوبەيمەي مە؟» دەپ سۇرادى. مينيستر ناقتى جاۋاپتان جالتارىپ، تەك:

– ءقازىر ءبىز ەگجەي-تەگجەيلى جوسپارلاۋ جانە باس جوسپارعا وزگەرىستەر ەنگىزۋ پروسەسىنىڭ سوڭعى كەزەڭىنە مينيسترلىكتى قوسۋدى قاراستىرىپ جاتىرمىز. بۇل پروسەستى قاتاڭ باقىلايمىز، – دەدى.

ال ءجۋرناليستىڭ «اعايىندى ساتىبالدىلاردىڭ بيزنەسى قالادا ەتەك جايمايتىنىنا كەپىلدىك بەرە الاسىز با؟» دەگەن سۇراعىنا مينيستر قىسقا قايىرىپ: «قۇزىرەتىمىزگە سايكەس باقىلايمىز»، – دەپ جاۋاپ بەردى.