InfoHub Logo

ءانشى ءمولدىر اۋەلبەكوۆا كەلىنىنە جاڭا كولىك سىيلاپ، كوپشىلىكتى ءسۇيسىنتتى. بۇل جاڭالىقتى ءانشى ءوزىنىڭ Instagram پاراقشاسىندا جاڭا كولىكپەن بىرگە تۇسكەن ۆيدەوسىن جاريالاپ، كوپشىلىككە جەتكىزدى.

بۇل تۋرالى Infohub.kz اقپارات اگەنتتىگى حابارلايدى.

كەلىنىنىڭ ارمانى ورىندالدى

ءانشى جازباسىندا: «اۋلەتىمىزدىڭ ەركەتوتايى! كەلىنىم انەليانىڭ ارمانىن ورىنداۋ ماعان بۇيىرىپتى! سۋ جاڭا تۇلپارىڭ جاقسىلىققا جۇرگىزسىن! ورتامىزدا وسىلاي جارقىراپ جۇرە بەر، بوتاقان! جۇعىستى بولسىن!» دەپ جازدى. بۇل سوزدەر كوپشىلىكتىڭ ىستىق ىقىلاسىنا بولەندى.

جەلىدەگى جىلى لەبىزدەر

الەۋمەتتىك جەلى قولدانۋشىلارى مەن ونەردەگى ارىپتەستەرى جاس كەلىنگە اق تىلەكتەرىن جاۋدىردى. پىكىر بىلدىرگەندەردىڭ ءبىرى: «انەل اپكە، قۇتتى بولسىن! بەرەكەلى بولسىن. ءمولدىر، سەن ءاردايىم قۋانىش سىيلاعاندى جاقسى كورەسىڭ»، – دەپ جازسا، ەندى ءبىرى: «كەرەمەت! قۇتتى كولىك بولسىن. انەل كەلىنشەككە ابدەن لايىق. اقجولتاي كولىك بولسىن، قاتتى قۋانىپ وتىرمىن. ءمولدىر قانداي جومارت جان»، – دەپ ريزاشىلىعىن ءبىلدىردى.

تاعى ءبىر وقىرمان: «كەلىنىڭىز سىزگە ۇقسايدى ەكەن. ءوز ءۇيىن تاستاپ، جات-جۇرتتىق بولىپ كەلگەن كەلىنىڭىزگە قۋانىش سىيلاي بىلگەن جاندارعا اللانىڭ بەرەر ريزىعى تاۋسىلماسىن. قۇتتى، بەرەكەلى كولىك بولسىن. ءار قازاققا وسىنداي سالوننان سۋ جاڭا كولىك الۋدى ءناسىپ ەتسىن»، – دەپ تىلەك ءبىلدىردى. جەلىدە «تىزگىنىڭ بەرىك، جولىڭ اشىق بولسىن. كولىگىڭ تەك قۋانىش پەن جاقسى جاڭالىقتارعا جەتكىزە بەرسىن» دەگەن اقجارما تىلەكتەر دە جازىلدى.