TengriAuto
موپەد جۇرگىزۋشىلەرىنە جاڭا تالاپتار: مىڭداعان جۇرگىزۋشى كۋالىگى مەن نومىرلەر
2025 جىلدىڭ 5 ساۋىرىنەن باستاپ قازاقستاندا موپەد جۇرگىزۋشىلەرىنە قاتىستى جاڭا ەرەجەلەر كۇشىنە ەندى. ەندى موپەد ايداۋ ءۇشىن ارنايى جۇرگىزۋشى كۋالىگى قاجەت بولادى جانە كولىك مىندەتتى تۇردە تىركەلىپ، مەملەكەتتىك ءنومىر الۋى ءتيىس.
بۇل تۋرالى Infohub.kz اقپارات اگەنتتىگى حابارلايدى.
جۇرگىزۋشى كۋالىگىن العاندار قانشا؟
ىشكى ىستەر مينيسترلىگىنىڭ مالىمەتىنشە، سوڭعى ءبىر جىلدا 3652 ادام ا ساناتىنداعى، ال 3141 ادام ا1 ساناتىنداعى جۇرگىزۋشى كۋالىگىن العان. ا1 ساناتى 125 تەكشە سانتيمەترگە دەيىنگى قوزعالتقىش كولەمى بار موتوتەحنيكالاردى باسقارۋعا مۇمكىندىك بەرسە، ا ساناتى قۋاتتى موتوسيكلدەردى دە جۇرگىزۋگە رۇقسات ەتەدى.
قىزىعى، موپەدتەردى باسقارۋ ءۇشىن ۆ ساناتى سياقتى باسقا كاتەگورياداعى جۇرگىزۋشى كۋالىكتەرى دە جارامدى. بۇل ەرەجە ەلەكتر موتوسيكلدەرىنە دە قاتىستى.
موتوتەحنيكاعا ارنالعان ەمتيحاننىڭ قيىندىعى
«ازاماتتارعا ارنالعان ۇكىمەت» مەملەكەتتىك كورپوراسياسىنىڭ دەرەكتەرى بويىنشا، بيىلعى جىلدىڭ باسىنان بەرى ا ساناتى بويىنشا تەوريالىق ەمتيحاندى 1297 ادام تاپسىرسا، 1056 ادام ءساتسىز اياقتاعان. ا1 ساناتى بويىنشا 603 ادام ەمتيحاننان وتسە، 592 كانديدات تەستتەن وتە الماعان. بۇل كورسەتكىشتەر موتوترانسپورتقا ارنالعان تەوريالىق ەمتيحاندى العاشقىدا تاپسىرا المايتىنداردىڭ ۇلەسى شامامەن جارتىسىنا جۋىقتايتىنىن كورسەتەدى.
مەملەكەتتىك ءنومىر العان موپەدتەر سانى
ءىىم مالىمەتتەرىنە سۇيەنسەك، ەلىمىزدە ءبىر جىل ىشىندە 30 248 موپەد تىركەلگەن. ۇلتتىق ستاتيستيكا بيۋروسىنىڭ دەرەگىنشە، قازاقستاندا بارلىعى 46 079 ا1 ساناتىنداعى كولىك بار.
موپەدتى قالاي تىركەۋگە بولادى؟
موپەدتى تىركەۋ ءۇشىن تۇرعىلىقتى جەرىڭىز بويىنشا ارنايى حقكو-عا جۇگىنۋ قاجەت. جەكە باستى كۋالاندىراتىن قۇجاتتاردى، كولىكتىڭ تەحنيكالىق قۇجاتىن نەمەسە تەحنيكالىق سيپاتتامالارى تۋرالى مالىمەتتەردى ۇسىنۋ كەرەك. سودان كەيىن ءوتىنىش تولتىرىپ، موپەدتى تەكسەرۋدەن وتكىزىپ، مەملەكەتتىك باجداردى تولەۋ قاجەت. ولار: تىركەۋ ءۇشىن – 0،25 مرپ، تىركەۋ كۋالىگىن بەرۋ ءۇشىن – 1،25 مرپ جانە مەملەكەتتىك ءنومىر ءۇشىن – 1،4 مرپ.
موپەد جۇرگىزۋشىلەرىنىڭ بۇزۋشىلىقتارى
ەرەجەلەر قاتايتىلعانىنا قاراماستان، موپەد جۇرگىزۋشىلەرى اراسىندا ءتارتىپ پەن مادەنيەت ءالى دە جەتكىلىكتى دەڭگەيدە ەمەس. مىسالى، ءساۋىردىڭ 11-12 كۇندەرى الماتى وبلىسىندا 438 اكىمشىلىك قۇقىق بۇزۋشىلىق انىقتالدى. ولاردىڭ قاتارىندا قۇجاتسىز كولىك باسقارۋ، قورعانىس شلەمىنسىز ءجۇرۋ، قارسى جولاققا شىعۋ، جىلدامدىقتى اسىرۋ جانە مانيەۆر جاساۋ ەرەجەلەرىن بۇزۋ بار.
-
سەنات ءتوراعاسى ماۋلەن اشىمبايەۆ قازاقستاندا ۆيسە-پرەزيدەنت لاۋازىمىن ەنگىزۋ ماسەلەسىنە قاتىستى پىكىر ءبىلدىردى.
-
الەۋمەتتىك جەلىدە ينتيمدىك ۆيدەوسى تاراپ كەتكەن تامادا حان ايەلىنىڭ جۇكتى ەكەنىن مالىمدەپ، جۇرتشىلىقتى مازالاماۋىن سۇرادى.
