موتيۆاسيا: شابىتتى قايدان تابۋعا بولادى
ومىردەگى بارلىق ادامدار ءبىر ورىندا وتىرۋدان شارشايدى جانە ءبىر نارسە جاساۋدى باستاعىسى كەلەدى. كەيدە كوپتەگەن ادامدارعا شابىت جەتىسپەيدى، ءتىپتى ەگەر ولار ءبىر جۇمىسقا كىرىسسە دە، ولار كوپ ۇزاماي ول جۇمىستى دا تاستايدى، ويتكەنى ولاردى العا يتەرمەلەيتىن ىس-ارەكەتكە دەگەن موتيۆاسيانىڭ جوقتىعى باستى سەبەپ بولادى.
بۇعان جول بەرمەۋ ءۇشىن ادامعا ءاردايىم بەلگىلى ءبىر موتيۆاسيا مولشەرىن نەمەسە شابىت الۋ كەرەك. ءسىز ونى بارىنەن ىزدەي الاسىز، كوبىرەك وقىپ، كۇن سايىن سۇيىكتى ءىسىڭىز تۋرالى كوبىرەك بىلە الاسىز.
سونداي-اق، ءبىر مەجەلەنگەن ورىندا وتىرماي، جۇمىسىڭىزدىڭ ساپاسىن جاقسارتىپ، باسقا جوسپسرلارىڭىزدى ىسكە اسىرۋىڭىز ءتيىس. بارعان سايىن كەرەمەت جانە قىزىقتى جوبالار جاساڭىز جانە باسقا ادامداردىڭ سىن-پىكىرلەرىن قابىلداماڭىز، ويتكەنى “بەس ساۋساق بىردەي ەمەس” بارلىعىنا جاعۋ مۇمكىن ەمەس. ءارقاشان ادامنىڭ ىستەگەن ىس-ارەكەتىن ۇناتپايتىن ادامدار تابىلادى.
موتيۆاسيانى قايدان الۋعا بولادى؟
ونى بارلىق جەردەن تابۋعا بولادى. ومىردە كوپ نارسەگە قول جەتكىزگەن تانىمال تۇلعاردىڭ تابىسقا جەتۋ تاريحى نەمەسە ءارتۇرلى كىتاپتار وقىپ، تانىمدى مازمۇندى فيلمدەردى كورۋگە بولادى.
كەيبىرەۋلەر جوسپارلانعان جۇمىستى كەيىنىرەك باستاۋعا بولادى دەپ ويلايدى، ءبىراق ولاي ەمەس. جاڭا نارسەنى ۇيرەنۋگە ەشقاشان ەرتە نەمەسە كەش ەمەس، ونى ءدال ءقازىر قولعا الۋ قاجەت. مۇنىڭ ءبارى-وتىرعان جەرىڭىزدەن تۇرىپ، الدىعا قاراي العاشقى قادامداردى باستاۋ. ارينە، ءبارى ءبىرىنشى رەت ناتيجە بەرمەيدى، ءبىراق كىشكەنتاي سەرپىلىستەرمەن، كىشكەنتاي نىق قادامدارمەن ادام ءوز ماقساتىنا جەتەدى.
ەڭ باستىسى - تۋرا جولدان اۋىتقىماۋ جانە قاتاڭ باعىتتا قوزعالۋ. ادەتتە ادامداردى مازالايتىن نارسە - ولاردىڭ جالقاۋلىعى مەن ءوز قابىلەتتەرىنە دەگەن سەنىمسىزدىگى، ءبىراق بارلىعى ءبىرىنشى رەت باستاپ، بىردەن جەتىستىككە جەتە بەرمەيدى، ادامعا ماقساتىنا جەتۋ ءۇشىن بىرنەشە ايلار، كەيدە ءتىپتى ونداعان جىلدار قاجەت ەكەندىگىن ءتۇسىنۋ كەرەك.
ەندى ويلانىپ كورەيىك -" مەنىڭ باسقالاردان قاي جەرىم كەم؟». ەگەر باسقانىڭ قولىنان كەلسە، وندا مەنىڭ قولىمنان دا كەلەدى، تەك ءوزىڭىزدى اقتاۋعا دەگەن سەبەپتەردى ويلاپ تابۋدى توقتاتۋ قاجەت. بىرەۋ ءۇشىن ەمەس، ءوزىڭىز ءۇشىن بىردەڭە جاساۋدى باستاۋ كەرەك. وسىنى تۇسىنگەن ادامنىڭ جۇمىسقا دەگەن ىنتاسى ارتادى.
ىس-ارەكەتكە ىنتالاندىرۋ: بىرنەشە كەڭەستەر
1. موتيۆاسيالىق فيلمدەر كورىڭىز
ءومىر ۇلگىسى سياقتى ەشتەڭە ىنتالاندىرمايدى. كينو-جاڭا جەتىستىكتەرگە شابىت الۋدىڭ تاماشا ءتاسىلى. جانىڭىزعا جاقىن، كوڭىلىڭىزدەن شىعاتىن قىزىقتى ءارى مازمۇندى فيلمدەر كورۋدى جاقسى ادەتكە اينالدىرىڭىز.
2. ءوز ءومىرىڭىزدى جەڭىلدەتىڭىز
ءومىر قانشالىقتى قيىن بولسا، سوعۇرلىم ونىڭ موتيۆاسياسى ازايادى. ءومىردى جەڭىلدەتۋ ءىس -ارەكەتكە ۇلكەن موتيۆاسيا بەرەدى. سول سەبەپتى دە بارلىعىنا جەڭىل قاراپ، ءومىردىڭ تەك باقىتتى ساتتەرىن عانا ەسىڭىزدە ساقتاڭىز.
3. ءوزىن-وزى دامىتۋمەن اينالىسىڭىز
ءوزىن-وزى دامىتۋ وتە پايدالى. ءدال وسى نارسە ادامدى ماقساتىنا جەتۋگە يتەرمەلەيدى.
4. سالاۋاتتى ءومىر سالتىن ۇستانىڭىز
بۇل ادامعا باسقا نارسەلەردى جاساۋ ءۇشىن قۋات بەرەدى. ءبىراق بۇل سىزگە قاتاڭ ديەتالارعا وتىرۋ كەرەك دەگەندى بىلدىرمەيدى. جوق، تەك كوكونىستەردى كوبىرەك جەپ، دۇرىس تاماقتانۋدى باستاڭىز. ال، كۇندەلىكتى ءومىر سالتىڭىزعا فيزيكالىق بەلسەندىلىكتى قوسساڭىز،ءوزىڭىزدى الدەقايدا جەڭىل سەزىنەسسىز. ادام سپورتپەن شۇعىلدانعان كەزدە دەنە باقىت گورموندارىن شىعارادى.
5. ءپوزيتيۆتى كوڭىل-كۇي
ءپوزيتيۆتى ادامدارعا جۇمىسقا كىرىسۋ، جاڭا تانىستار، جاڭا دوستار تابۋ الدەقايدا جەڭىل.ەگەر ادام ءوزىن ىنتالاندىرعىسى كەلسە، وندا ول ءارقاشاندا ءپوزيتيۆتى كوڭىل كۇيدە بولعانى وڭ اسەرىن تيگىزەدى.
"تۇران" ۋنيۆەرسيتەتى جۋرناليستيكا ماماندىعىنىڭ 3ء-شى كۋرس ستۋدەنتى قادىلبەكوۆا ادەما
You Might Also Like
-
مەملەكەت باسشىسىنىڭ تاپسىرماسىن جانە «نۇر وتان» پارتياسىنىڭ سايلاۋالدى باعدارلاماسىن جۇزەگە اسىرۋ اياسىندا اعىمداعى جىلدىڭ 1 قىركۇيەگىنەن باستاپ قازاقستاندىق جوعارى وقۋ ورىندارىنىڭ ستۋدە...
