InfoHub Logo

بۇگىن ساباققا ەكى قىزىل ادەمى الما الىپ كەلدىم. بالالار مۇنى كورمەدى، ءبىراق المانىڭ بىرەۋىن بىلدىرتپەي، بىرنەشە رەت ەدەنگە ۇرىپ الدىم، ال سىرتىنان ولار بىردەي-تۇعىن.

مەن المانى قولىما الىپ (ەدەنگە قۇلاعانىن)، ونىڭ قانداي سۇرىقسىز ەكەنىن ايتا باستادىم: قيسىق جانە ءتۇسى دە جامان دەدىم. كەيىن بالالارعا ماعان قوسىلۋىن سۇرادىم (ولار مەنى ەسىنەن اداستى دەپ ويلاپ قالدى، بىلەم) جانە المانى بىردەڭە دەپ كەلەمەجدەۋلەرىن سۇرادىم. وعان قانداي عانا ات قويمادىق دەسەڭشى: «ساسىق الما»، «سەنى كىم جەيدى دەيسىڭ» جانە ت.ب. مەنىڭ ءتىپتى وعان جانىم اشىپ كەتتى.

ال كەيىن مەن ەكىنشى المانى الدىم، ءبىز ونى بارىنشا ماقتاۋعا تىرىستىق: «سەن تاماشا الماسىڭ»، «سەنىڭ قابىعىڭ سونداي بالعىن»، «ءتۇسىڭ جارقىن». مەن بالالارعا ەكى المانى دا كورسەتتىم – ولاردى ايىرۋ مۇمكىن ەمەس ەدى، ەكەۋى دە سىرتىنان تارتىمدى. ءبىراق وسى كەزدە مەن قولىما پىشاق الىپ، ەكى جەمىستى دە ورتاسىنان ءبولدىم: ولاردىڭ بىرەۋى تەگىس، ءىشى ادەمى بولدى، ال ءبىز جامان سوزدەر ايتىپ تاستاعان ەكىنشىسىنىڭ ىشىندە داقتار پايدا بولىپ، كوگەرىپ قالعانى بايقالدى.

وسى كەزدە بالالاردىڭ ويىندا بىردەڭە جارق ەتە قالدى دەپ ويلايمىن. ومىردە دە وسىلاي: ادامنىڭ كوڭىلىنە تيەتىن سوزدەر ايتقاندا، ونىڭ جانىن جارالايمىز – ءدال المانىڭ ىشىندەگى داقتار سياقتى. كەلەمەجدەردىڭ قۇربانى بولعان ادامدار (بالالار) ىشكى دۇنيەسىندە نە بولىپ جاتقانىن بىلدىرمەيدى، الما بولماسا، ءبىز مۇنى كورمەيتىن دە ەدىك. سىرتىنان ادام باقىتتى، كوڭىلدى بولىپ ءجۇرۋى مۇمكىن، ءبىراق ىشىندە بىرەۋدىڭ جاساعان اۋىرتپالىعىنان قايعىرىپ ءجۇرۋى مۇمكىن.

جانە ءبىزدىڭ مۇنى تۇزەۋگە مۇمكىندىگىمىز بار. جاعىمسىز، كوڭىلگە تيەتىن سوزدەر ادامعا قانشالىقتى زيان تيگىزەتىنىن ءبىز بالالارعا كورسەتە الامىز. ءبىز بالالارىمىزدى ءبىر-بىرىن قورعاۋعا، مەيىرىمدى بولۋعا ۇيرەتە الامىز. ءسوز – بۇل جۇدىرىق ەمەس، ۇرا المايدى، ءبىراق ول جۇرەكتى جارالاۋى مۇمكىن. سوندىقتان ايتاتىن سوزىڭىزگە اباي بولىڭىز.

دەرەككوز: Relax Kids Tamworth / Facebook

پريەۆيۋگە سۋرەت: Relax Kids Tamworth / Facebook

اۋدارما: bilim-all.kz

---