InfoHub Logo

ساباقتىڭ تاقىرىبى: م. ماقاتايەۆ «رايىمبەك، رايىمبەك» پوەماسى، تاقىرىبى، يدەياسى.
ساباقتىڭ ماقساتى: شىعارمانىڭ مازمۇنىن مەڭگەرتۋ، تاقىرىبى مەن يدەياسىن اشقىزۋ، ءتىل كوركەمدىگىن مەڭگەرتۋ.
ساباقتىڭ مىندەتى: شىعارمانى بولىمدەرگە ءبولىپ جۇمىستاندىرا وتىرىپ، ادەبي تىلدە سويلەۋ داعدىلارىن قالىپتاستىرۋ.
نە ارقىلى: ءۇش جاقتى كۇندەلىك، ۆەنن دياگرامماسى، كۋبيزم، سەمانتيكالىق كارتا ت. ب.
ساباقتىڭ بارىسى: ءى. ءۇي تاپسىرماسىن تەكسەرۋ.
سىنىپ وقۋشىلارى ءۇش توپقا بولىنەدى. وقۋشىلار ۇيگە بەرىلگەن اقىن شىعارماشىلىعىنىڭ باستى تاقىرىپتارىنا توقتالادى.
1. اقىن ولەڭدەرىنىڭ تاقىرىپتارى، ەرەكشەلىگى.
2. پوەمالارى.
3. مۇقاعاليدىڭ پروزالىق شىعارمالارى، دراماسى.
4. اۋدارمالارى

ءىى. قىزىعۋشىلىعىن وياتۋ.
وي قوزعاۋ
«مەن ءبىر نارسەگە – پوەزيانىڭ تىرشىلىكپەن بىرگە، ياعني اداممەن، تابيعاتپەن بىرگە ولەتىنىنە - كامىل سەنەمىن. ادامزات جانى قاتىگەز تارتسا تارتا بەرسىن. قايتسە دە ءبىر پاراساتتى ادام قالادى. ول – اقىن. اقىرعى ءسوز سونىكى»،- دەپ ءوزى كۇندەلىگىندە جازعانداي مۇقاعالي پوەزياسى ومىرمەن بىرگە جاساسىپ كەلەدى. اقىن جىرلارىن وقي وتىرىپ اركىم ودان ءوزىنىڭ بۇگىنى مەن وتكەنىن، كەلەشەگى مەن ارمانىن كورەدى. كورەدى دە سودان ساباق الادى.
جەتكىز جۇرتقا بۇگىنى، وتكەندەرىن،
قىسىن، كۇزىن، جازى مەن كوكتەمدەرىن.
جادىندا تۇتسىن ۇرپاق جاسىرماي ايت،
اقتابان شۇبىرىندى وتكەلدەرىن،
ارۋدى ارام جاندار وپكەندەرىن،
بوز ىنگەن بوتاسى ولگەن بوي جازا الماي،
«ەلىم - اي»
ارۋانا شوككەن جەرىن.
ولشەسىن بۇگىنى مەن وتكەندەرىن! – اقىن ءوزىنىڭ شىعارمالارى ارقىلى تۋعان جەرىنىڭ قادىر - قاسيەتىن، تاريحىن كەلەشەك ۇرپاققا ۇعىندىرىپ كەتۋگە تىرىسادى. سوعان مىسال رەتىندە «رايىمبەك» پوەماسىن الۋعا بولادى. (رايىمبەكتىڭ پورترەتى كورسەتىلەدى)

ءىىى. ماعىنانى تانۋ.
«كۋبيزم» ستراتەگياسى بويىنشا پوەماعا جان - جاقتى تالداۋ جاسالادى.
بۇگىنگى ساباقتا م. ماقاتايەۆتىڭ «رايىمبەك، رايىمبەك!» پوەماسىنا تالداۋ جاساي وتىرىپ وقيمىز. اقىننىڭ تەرەڭ ويمەن جازىلعان بۇل شىعارماسى جوڭعار شاپقىنشىلىعى كەزىندە ەلىنە قورعان بولعان رايىمبەك باتىرعا ارنالادى.
تاقتاعا جوسپار ىلىنەدى.
1.«قاراتاۋدىڭ باسىنان كوش كەلەدى».
2. «- ءوزىڭ بالا بولساڭ دا، ءسوزىڭ دانا، وتتى ەكەن،
اق كۇن تۋسىن الدىڭنان، باسقا ايتارىم جوق بوتەن».
3. «داۋاسى جوق جان ەكەن، وتى جانعان،
ىلەسىڭدەر وسىعان وتى بارلار!»

وقۋشىلار بىرلەسە وتىرىپ شىعارمانىڭ كومپوزيسيالىق جوسپارىن قۇرادى. وسى جوسپار بويىنشا شىعارمانىڭ مازمۇنى ايتىلادى.
كومپوزيسيالىق جوسپار:
وقيعانىڭ باستالۋى: جاۋ شاپقان قازاق اۋىلى.
وقيعانىڭ بايلانىسى: جىراۋدىڭ بالاعا كەزدەسۋى.
وقيعانىڭ ءوربۋى: جىراۋ مەن بالانىڭ اۋليەگە بارىپ ءتاۋ ەتۋى.
وقيعانىڭ شيەلەنىسۋى: بالانىڭ ءوز اتىن ۇرانداۋى، حالىقتىڭ نارازىلىعى.
وقيعانىڭ شارىقتاۋ شەگى: قاتال سىن.
وقيعانىڭ شەشىمى: رايىمبەكتىڭ قولباسشىلىققا قول جەتكىزۋى.

ءى توپ. تالداۋ. اقىن شەبەرلىگىن تانىتاتىن كوركەمدىك قۇرالداردىڭ شىعارمانىڭ يدەياسىن اشۋداعى ءرولىن انىقتايدى. (ءۇش جاقتى كۇندەلىككە تولتىرادى )
ءىى توپ. سيپاتتاۋ. پوەماداعى كەيىپكەرلەردىڭ ءىس - ارەكەتىنە تالداۋ جاساي وتىرىپ، وزىنشە باعالايدى، مىنەزدەمە بەرەدى.
ءىىى توپ. سالىستىرۋ. تاريحي دەرەكتەر مەن پوەماداعى رايىمبەكتىڭ ادەبي بەينەسىن سالىستىرادى. وسى پوەمانىڭ تاقىرىبىن، يدەياسىن، كەيىپكەرلەرىن وزگە شىعارمالاردىڭ كەيىپكەرلەرى، يدەياسى، تاقىرىبىمەن سالىستىرادى (ۆەنن دياگرامماسى).

«تالقىلاۋ كەستەسىن» تولتىرا وتىرىپ وسى ساباق بارىسىندا العان بىلىمدەرىن جيناقتايدى.
پوەمانىڭ اۆتورى
پوەمانىڭ تاقىرىبى
پوەمانىڭ يدەياسى
وقيعا بولعان جەر
باستى كەيىپكەرلەرى
ءتۇيىن.

ءىۇ. تولعانىس.
«حات جازۋ» ستراتەگياسى بويىنشا اۆتورعا، پوەما كەيىپكەرلەرىنە ءوز پىكىرلەرىن ءبىلدىرىپ حات جولدايدى.
ءۇ. ءۇي تاپسىرماسى.
1. پوەمادان ءۇزىندى جاتتاۋ.
2. «بولار بالا ون بەسىندە باسپىن دەر» دەگەن تاقىرىپتا رايىمبەكتىڭ ءىس - ارەكەتىنە تالداۋ جاساي وتىرىپ ەسسە جازۋ.