InfoHub Logo

تانىمال «مۋزارت» توبىنىڭ مۇشەسى، ءانشى ساكەن مايعازييەۆتىڭ Instagram جەلىسىندەگى سوڭعى جازباسى جۇرتشىلىقتىڭ قىزۋ تالقىسىنا اينالدى. ءانشى رامازان ايىندا قۇران باعىشتاپ، زيارات جاساپ وتىرعان ساتىنەن ۆيدەو جاريالاپ، كوپشىلىكتىڭ سىنىنا ىلىكتى.

بۇل تۋرالى Infohub.kz اقپارات اگەنتتىگى حابارلايدى.

جەلىدەگى پىكىرلەر

ءانشى جازباسىندا: «يا، راببىم! باعىشتاعان قۇران، جاساعان زياراتىمىزدى قابىل ەتە گور. قاسيەتتى رامازان ايى قۇتتى بولسىن، قازاق ەلى!» دەپ جازعان. الايدا، بۇل ارەكەتى كوپشىلىكتىڭ كوڭىلىنەن شىقپادى. جەلى قولدانۋشىلارى مۇنى «ەرسى كورىنىس» دەپ اتاپ، ءتۇسىرىلىمنىڭ قاجەتسىزدىگىن العا تارتتى.

«وسىنى ءتۇسىرىپ جۇرگەن ادام قول جايماي ما؟»، «ۆيدەو تۇسىرگەنشە قۇرانعا قاتىسپايسىڭ با؟»، «قابىل بولسىن. ءتۇسىرۋدىڭ ەش قاجەتى جوق»، «مىناۋ نە ەركەكتەر وتىرىپ العان، قىز-كەلىنشەكتەر تىزە بۇگىپ وتىر»، «مىندەتتى تۇردە ءتۇسىرۋ كەرەك پە؟» دەگەن سياقتى پىكىرلەر جازىلدى.

كەيبىر پىكىرلەردە ءانشىنىڭ ارەكەتى ءدىني راسىمدەردى كورسەتۋدەگى جاۋاپكەرشىلىكتىڭ جوقتىعىن بىلدىرەدى دەگەن وي ايتىلعان. دەگەنمەن، بۇل جاعدايعا قاتىستى ءانشىنىڭ وزىنەن ازىرگە رەسمي جاۋاپ بەرىلمەدى.