Photo: Ayazhan (https://www.pexels.com/@ayazhan-3173683) / Pexels
مىڭداعان كاسىپكەر شىعىندا: قازاقستاندا ج ش س جاپپاي جابىلۋدا
قازاقستاندا شاعىن جانە ورتا بيزنەس سانى كۇرت ازايدى. جىل باسىنان بەرى 64 مىڭنان استام كاسىپورىن جۇمىسىن توقتاتتى، ولاردىڭ باسىم كوپشىلىگى – جەكە كاسىپكەرلەر.
بۇل تۋرالى Infohub.kz اقپارات اگەنتتىگى حابارلايدى.
ستاتيستيكا نە دەيدى؟
ۇلتتىق ستاتيستيكا بيۋروسىنىڭ دەرەگىنشە، جىل باسىنان بەرى ەلىمىزدە شاعىن جانە ورتا بيزنەس سۋبەكتىلەرىنىڭ 64،2 مىڭى جۇمىسىن توقتاتقان. ەڭ كوپ جابىلۋ – جەكە كاسىپكەرلەر اراسىندا. ولاردىڭ سانى شامامەن 5%-عا ازايعان. بۇل كورسەتكىش اسىرەسە ساۋدا جانە كولىك سالالارىندا ايقىن بايقالادى. بۇل – ءداستۇرلى تۇردە شاعىن بيزنەس وكىلدەرى كوپ شوعىرلانعان سالالار.
نەگە مۇنداي جاعداي ورىن الدى؟
ساراپشىلار مۇنى ەكى نەگىزگى سەبەپپەن تۇسىندىرەدى. ءبىرىنشىسى – نارىقتىڭ «اعارۋى». بۇرىن سالىقتى ازايتۋ ءۇشىن كاسىپكەرلەر ءوز بيزنەسىن بىرنەشە جشس-كە ءبولىپ جۇرگەن. الايدا، ءقازىر باقىلاۋ كۇشەيىپ، مۇنداي سحەمالار جويىلىپ، ارتىق جشس-تەر جابىلۋدا. ەكىنشى سەبەپ – حالىقتىڭ تۇتىنۋىنىڭ ازايۋى. سۇرانىس تومەندەپ، شاعىن بيزنەسكە ءومىر ءسۇرۋ قيىنداپ بارادى. ساۋدانىڭ ءوسۋ قارقىنى دا باسەڭدەگەن. وتكەن جىلى بۇل كورسەتكىش شامامەن 6% بولسا، بيىلعى جىلدىڭ باسىندا 3،4% شاماسىندا. بۇل تىكەلەي كاسىپكەرلەرگە اسەر ەتەدى: ساتىپ الۋشىلار ازايسا، تابىس تا ازايادى، سايكەسىنشە، بيزنەس جابىلۋعا ءماجبۇر بولادى.
-
Planned maintenance will temporarily disrupt electricity in parts of Almaty on March 26 and 27. Find out which streets will be affected and when.
-
Thousands of small and medium-sized enterprises، primarily sole proprietorships، have ceased operations in Kazakhstan due to market 'whitening' and declining consumer demand.
