InfoHub Logo

بەلگىلى پروديۋسەر گۇلزيرا ايداربەكوۆا الداعى ۋاقىتتا جاسايتىن وتاسى الدىنداعى قورقىنىشىن جاسىرمادى. ول الەۋمەتتىك جەلىدەگى پاراقشاسىندا جاقىندا وتەتىن وپەراسياعا بايلانىستى الاڭداۋشىلىعىن ءبىلدىرىپ، وقىرماندارىنان دۇعا ەتۋدى سۇرادى.

بۇل تۋرالى Infohub.kz اقپارات اگەنتتىگى حابارلايدى.

الاڭداۋشىلىق پەن ءۇمىت

ايداربەكوۆانىڭ ايتۋىنشا، سوڭعى كۇندەرى ونى ءتۇرلى ويلار مازالاپ ءجۇر. ول ءتىپتى وپەراسيا كەزىندە ەسىن جيماۋدان قورقاتىنىن جەتكىزدى. "پەندە بولعان سوڭ ۋايىمسىز بولمايمىز عوي. بۇيىرتسا، ءوتىمدى قالدىرىپ، ۇلكەن تاستاردى الدىرتۋعا جولعا شىعىپ جاتىرمىن، ەرتەڭ وتا جاسالىنۋ كەرەك. كەشە بالالارىممەن قىدىرۋعا شىعىپ بارا جاتىپ ويلاپ قويامىن، مەن نەگە سونشا ساندەنىپ كيىنىپ جاتىرمىن، بوي تۇزەپ جاتقان جوقپىن با، وپەراسيا كەزىندە ناركوزدان ويانباي قالمايمىن با، ءار زاتىما قىزىعۋشىلىقپەن، قيماستىقپەن قاراپ كەتتىم بە، نەگە ميىمدى قورقىنىشتى جامان ويلار تورلاپ الدى دەپ، وزىمنەن-وزىم كوڭىلىم ءار نارسەگە بوساۋمەن ءجۇردىم"، - دەپ جازدى پروديۋسەر.

ءتۇس جانە قولداۋ

سونىمەن قاتار، گۇلزيرا ايداربەكوۆا تۇسىندە العان بەلگىلەر مەن كۇتپەگەن جەردەن ەستىگەن جۇباتۋ سوزدەرىنە ەرەكشە توقتالدى. ول @aigul.ag ەسىمدى جاننىڭ وزىنە حابارلاسىپ، جىلى لەبىز بىلدىرگەنىن ايتىپ، مۇنىڭ وزىنە ۇلكەن جىگەر بەرگەنىن اتاپ ءوتتى. "ءتۇن جارىمدا @aigul.ag ەسىمە ءتۇستى. الدىندا ءتۇس كورىپ، يستورياسىندا قايراتتىڭ ماماسىن نە ءۇشىن كورگەنىمدى بىلمەيمىن، دەنساۋلىعىنا كوڭىل ءبولسىنشى دەپ ايتقانىن، ەلدەر ماعان كوپ جىبەردى. دايرەگىنە تانىماسام دا سمس جازىپ، ءبىراق جاۋاپ الماعانمىن. قايتا كىرىپ قاراسام سمس جازىپتى، ۆاتساپ ءنومىرىن دە جازا كەتىپتى. ءبىر اللا عوي رەتكە كەلتىرۋشى، ءبىراق ءتۇسى دە ايانى دا تۋرا كەلەتىنىڭ قاراپ جۇرگەنمىن. ءبارى جاقسى بولادى دەگەن جىلى ءسوزىن ەستىپ قۋانىپ قالدىم. ءبىر اۋىز جىلى ءسوز ادامعا قانشالىقتى جىگەر بەرەدى دەسەڭشى. كوپشىلىك دۇعاسىن اللا ەش قالدىرمايدى عوي، سىزدەردە ساتتىلىك تىلەپ كەتىڭىزدەرشى، مەنىڭ ءومىرىمنىڭ ءبىر بولشەگى، بار سىرىمدى اقتارار وقىرماندارىم!"، - دەدى ول.