InfoHub Logo

استاناداعى باس مەشىتتە وتكەن اۋىزاشارعا قاتىسقان ازاماتشانىڭ اسەرلى جازباسى الەۋمەتتىك جەلىدە قىزۋ تالقىعا اينالدى. ول بۇرىنعى پرەزيدەنت نۇرسۇلتان نازاربايەۆتىڭ ۇيىمداستىرعان اۋىزاشارىنان العان اسەرىن بولىسكەن.

بۇل تۋرالى Infohub.kz اقپارات اگەنتتىگى حابارلايدى.

Threads جەلىسىندە بالەركە قۇرمانعالييەۆا ەسىمدى پايدالانۋشى: "بۇگىن استانا قالاسىندا باس مەشىتكە، جاماعاتتىڭ اۋىزاشارىنا باردىم. قانشا ۋاقىت ورازا ۇستاپ جۇرسەم دە، ءبىرىنشى رەت مەشىت جاماعاتىمەن اۋىز اشتىم. اۋىز اشاردى كىم بەرىپ جاتقانىن ءوزىم دە ەستىپ تاڭ قالدىم. اللانىڭ قۇدىرەتى شەكسىز عوي. تۇڭعىش ەلباسىمىزدىڭ اۋىزاشارى ەكەن. بىلمەيمىن، ءبىر كەرەمەت اسەر دە بولىپ قايتتىم، ارتىنان تاراۋيحقا قالدىق. اللاھ سول ريزىقتى بۇيىرتىپ تۇرعانىن ايتام دا. تانىس، تۋعان، دوس-جاران اۋىزاشارعا بارعان ءبىر باسقا دا. نۇرسۇلتان ءابىش ۇلى نازاربايەۆتىڭ اۋىزاشارىنا قوناق بولۋ ءبىر باسقا"، - دەپ جازدى.

اتالعان جازبا كوپشىلىكتىڭ نازارىن اۋدارىپ، ءتۇرلى پىكىرلەر تۋدىردى. كەيبىر وقىرماندار ەكس-پرەزيدەنتكە يگى تىلەكتەرىن بىلدىرسە، ەندى بىرەۋلەرى "حالىقتىڭ اقشاسىنا ىستەپ جاتىر"، "اۋىزاشار بەرىپ، ساۋاپ جيناعىسى كەلگەن بولار"، "سونشا جازاتىنداي ەمەس قوي، بۇكىل وبلىستا اۋىزاشار بەرەتىن ميللياردتارى بار ەمەس پە ونىڭ" دەگەندەي سىن پىكىرلەر ايتتى.