InfoHub Logo

بۇدان بىرنەشە جىل بۇرىن ەكس-پرەزيدەنت نۇرسۇلتان نازاربايەۆتىڭ تىكەلەي تاپسىرماسىمەن قىزمەتىنەن بوساتىلعان حايرات كارىبجانوۆ قازىرگى ۋاقىتتا «QazTrade» ساۋدا ساياساتىن دامىتۋ ورتالىعىنىڭ باس ديرەكتورلار كەڭەسىنىڭ ءتوراعاسى قىزمەتىن اتقارىپ وتىر.

بۇل تۋرالى Infohub.kz اقپارات اگەنتتىگى حابارلايدى.

كارىبجانوۆ اتالعان مەكەمەگە 2023 جىلدىڭ قاراشا ايىندا تاۋەلسىز ديرەكتور رەتىندە كەلگەن. ال بيىلعى جىلدىڭ مامىر ايىنان باستاپ «QazTrade» اكسيونەرلىك قوعامىنىڭ باس ديرەكتورلار كەڭەسىنىڭ ءتوراعاسى لاۋازىمىنا تاعايىندالىپ، كادرلار جانە سىياقىلار كوميتەتىن دە باسقارۋ قۇقىعىنا يە بولدى. ول سونداي-اق تاۋەلسىز ديرەكتورلار قاۋىمداستىعىنىڭ مۇشەسى سانالادى.

نازاربايەۆتىڭ نارازىلىعى

ەستەرىڭىزگە سالا كەتەيىك، 2006 جىلدىڭ قىركۇيەك ايىندا قاۋىپسىزدىك كەڭەسىنىڭ وتىرىسىندا ەكس-پرەزيدەنت نۇرسۇلتان نازاربايەۆ سول كەزدەگى ۇكىمەت باسشىسى دانيال احمەتوۆكە «قازاقتەلەكوم» كومپانياسىنىڭ باسشىسى حايرات كارىبجانوۆتى قىزمەتىنەن بوساتۋدى تاپسىرعان بولاتىن. نازاربايەۆ كارىبجانوۆتىڭ ايىنا 364 مىڭ دوللار جالاقى مەن 2 ميلليون دوللاردان اساتىن جىلدىق سىياقىسىنا قاتتى نارازىلىق ءبىلدىرىپ، ونىڭ جۇمىس ىستەۋگە مورالدىق قۇقىعى جوق ەكەنىن ايتقان.

«قازاقتەلەكوم» كومپانياسىنىڭ پرەزيدەنتى جۇمىستان تەز ارادا بوساتىلسىن. وزبىرلىققا بوي الدىرعانداردىڭ بارىنە اقشانى ءوز بەتىمەن قايتارۋعا نۇسقاۋ بەرىلسىن. قايتارماعانداردى جەكە تىزىمگە قامتىپ، باسپا ءسوز بەتتەرىندە جاريالاۋ كەرەك. ارتىنان زاڭدى تۇردە تەكسەرۋ جۇرگىزىلەتىن بولادى»، – دەگەن ەدى سول كەزدە نۇرسۇلتان نازاربايەۆ.

وسى جيىننان كەيىن حايرات كارىبجانوۆ وزىنە بونۋس رەتىندە بەرىلگەن قاراجاتتى مەملەكەتكە قايتارىپ بەردى. ۇلتتىق كومپانيانى 6 جىل باسقارعان ول قىزمەتىنەن كەتكەن سوڭ «قازينفورمتەلەكوم» مەكەمەسىنە اۋىسقان بولاتىن.

«QazTrade» ورتالىعىنىڭ جاڭا باسشىسى

بۇگىندە حايرات كارىبجانوۆ باسقاراتىن «QazTrade» ورتالىعى – ساۋدا جانە ينتەگراسيا مينيسترلىگىنە باعىناتىن ۇلتتىق ينستيتۋت. جاقىندا بۇل مەكەمەنىڭ ءتۇرلى ءىس-شارالارعا 151 ميلليون تەڭگە جۇمساۋدى جوسپارلاپ وتىرعانى انىقتالدى.