Photo: Ayazhan (https://www.pexels.com/@ayazhan-3173683) / Pexels
"نەتانياحۋ ءولدى" دەگەن جالعان اقپارات: يزرايل پرەمەرىنىڭ جاعدايى جاقسى
يزرايل پرەمەر-مينيسترىنىڭ كەڭسەسى الەۋمەتتىك جەلىدە تاراعان بينيامين نەتانياحۋدىڭ قازا تاپقانى تۋرالى جالعان اقپاراتتى رەسمي تۇردە جوققا شىعاردى. بۇل تۋرالى تۇركيانىڭ Anadolu اگەنتتىگىنە بەرگەن تۇسىنىكتەمەدە ايتىلىپ، مۇنداي مالىمەتتەردىڭ شىندىققا جاناسپايتىنى جانە پرەمەر-مينيستردىڭ جاعدايى جاقسى ەكەنى حابارلاندى.
بۇل قاۋەسەتتەر تاياۋ شىعىستاعى جاعدايدىڭ ۋشىعۋى اياسىندا، اسىرەسە اقش پەن ءيزرايلدىڭ يرانعا جاساعان سوققىلارىنان كەيىن الەۋمەتتىك جەلىلەردە راستالماعان اقپاراتتاردىڭ كوبەيۋىمەن بايلانىستى تاراي باستاعان. كەيبىر جازبالاردا پرەمەر-مينيستردىڭ قايتىس بولعانى نەمەسە جوعالىپ كەتكەنى تۋرالى بولجامدار ايتىلدى.
بۇل اڭگىمەلەر 13 ناۋرىز كۇنى نەتانياحۋدىڭ X جەلىسىندەگى ۆيدەوۇندەۋىنەن كەيىن كۇشەيە ءتۇستى. كەيبىر قولدانۋشىلار ۆيدەوداعى ءبىر كادردا ونىڭ قولىندا التى ساۋساق بار سياقتى كورىنگەنىن ايتىپ، بەينە جاساندى ينتەللەكت ارقىلى جاسالعان بولۋى مۇمكىن دەگەن پىكىر ءبىلدىردى. الايدا ساراپشىلار مۇنداي كورىنىس تەحنيكالىق اقاۋ نەمەسە بەينەنىڭ ءساتسىز تۇسىرىلگەن ساتىنە بايلانىستى بولۋى مۇمكىن ەكەنىن ايتادى.
بۇعان دەيىن يراننىڭ يسلام ريەۆوليۋسياسى ساقشىلارى كورپۋسى نەتانياحۋدىڭ تاعدىرى بەلگىسىز ەكەنىن مالىمدەپ، ونىڭ قازا تاپقان بولۋى نەمەسە ەلدەن كەتىپ قالعان بولۋى مۇمكىن دەگەن بولجام ايتقان. ال يزرايل تاراپى بۇل اقپاراتتىڭ شىندىققا جاناسپايتىنىن مالىمدەدى.
-
كۋبانىڭ سىرتقى ىستەر ءمينيسترىنىڭ ورىنباسارى ەلدىڭ قارۋلى كۇشتەرى اقش-تىڭ اسكەري اگرەسسياسىنا دايىن ەكەنىن مالىمدەدى.
-
زاياۆلەنيە ۆەرۋيۋششەگو و توم، چتو ناۋرىز نە ياۆلياەتسيا كازاحسكيم ي پروتيۆورەچيت يسلامۋ، ۆىزۆالو بۋرنۋيۋ ديسكۋسسيۋ ۆ وبششەستۆە.
