InfoHub Logo

17 ناۋرىزدان باستاپ «نۇرلى جول» – سەمەي باعىتىنداعى پويىز جاڭا، زاماناۋي ۆاگوندارمەن قاتىنايدى. بۇعان دەيىن بۇل باعىتتا 1993 جىلعى ۇلگىدەگى ەسكى ۆاگوندار قولدانىلعان بولاتىن.

بۇل تۋرالى Infohub.kz اقپارات اگەنتتىگى حابارلايدى.

جاڭا ۆاگونداردىڭ ەرەكشەلىكتەرى

جاڭارتىلعان پويىز قۇرامىندا توعىز ۆاگون بار: ۇشەۋى كۋپە، بەسەۋى پلاسكارت جانە بىرەۋى شتابتىق ۆاگون. بۇل ۆاگوندار ءبىر باعىتتا 350-دەن استام جولاۋشىنى تاسىمالداۋعا ارنالعان.

ءار كۋپەدە ىڭعايلى جاتىن ورىندارى، جەكە جارىقديودتى شامدار، USB پورتتارى جانە جەلىلىك روزەتكالار ورناتىلعان. مۇمكىندىگى شەكتەۋلى جاندارعا ارنالعان ارنايى كۋپەلەر مەن اربالارعا ارنالعان ورىندار قاراستىرىلعان. سونداي-اق، جولسەرىكتى شاقىرۋ باتىرماسى دا بار.

ۆاگونداردىڭ قىزمەت ەتۋ مەرزىمى – 40 جىلعا دەيىن.

جولاۋشىلارعا ارنالعان جايلىلىق

«RWS Wagon» ۇلگىسىندەگى ۆاگونداردىڭ تەحنيكالىق سيپاتتامالارى بارلىق ساناتتاعى جولاۋشىلارعا – مۇمكىندىگى شەكتەۋلى ازاماتتارعا، بالالى وتباسىلارعا، قارت ادامدارعا جانە حالىقارالىق تۋريستەرگە ىڭعايلىلىق پەن قاۋىپسىزدىكتى قامتاماسىز ەتەدى.

ۆاگونداردىڭ ىشكى جابىندارى ەكولوگيالىق، گيپواللەرگەندى ماتەريالداردان جاسالعان. اۋانى زالالسىزداندىرۋ جۇيەسى ينفەكسيا ءقاۋپىن ازايتادى. شتابتىق ۆاگوندا مۇمكىندىگى شەكتەۋلى ازاماتتارعا ارنالعان كەڭەيتىلگەن ورىن جانە سانيتارلىق تورابى بار ارنايى كۋپەلەر جابدىقتالعان.

جاڭا ۆاگونداردىڭ قولدانىسقا ەنگىزىلۋى

سوڭعى ەكى جىلدا «جولاۋشىلار تاسىمالى» اق 219 «RWS Wagon» ۆاگونىن ساتىپ الدى. ولار اقتوبە – اتىراۋ، پاۆلودار – تۇركىستان، پاۆلودار – الماتى، قىزىلوردا – سەمەي، الماتى – ساراتوۆ، الماتى – وسكەمەن، استانا – كوكشەتاۋ، استانا – بۋراباي كۋرورتى، قاراعاندى – استانا باعىتتارىندا قولدانىسقا بەرىلدى.