InfoHub Logo

وليمپيادا چەمپيونى ولگا رىپاكوۆا قازاقستاننىڭ جەڭىل اتلەتيكا فەدەراسياسىنىڭ پرەزيدەنتتىگىنەن كەتتى. ونىڭ ورنىنا بۇرىنعى ەنەرگەتيكا ۆيسە-مينيسترى جانە قازىرگى "قازمۇنايگاز" باسقارما ءتوراعاسى اسحات حاسەنوۆ تاعايىندالدى.

بۇل تۋرالى Infohub.kz اقپارات اگەنتتىگى حابارلايدى.

اسحات حاسەنوۆ كىم؟

اسحات حاسەنوۆ 2024 جىلدىڭ 29 مامىرىندا "قازمۇنايگاز" ۇلتتىق كومپانياسىنىڭ باسقارما ءتوراعاسى بولىپ تاعايىندالعان. ول قانىش ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىن "مۇناي جانە گاز ۇڭعىمالارىن بۇرعىلاۋ" ماماندىعى بويىنشا ءتامامداعان. سونداي-اق، حالىقارالىق بيزنەس ۋنيۆەرسيتەتىندە "مەنەدجمەنت" ماماندىعىن وقىعان.

ەڭبەك جولىن 2005 جىلى "تۇران پەترولەۋم" اق-دا مۇناي جانە گاز ءوندىرۋ سەحىنىڭ 3-رازريادتى وپەراتورى رەتىندە باستاعان. 2006-2010 جىلدارى "نەگىزگى ديسپەچەرلىك باسقارما" اق-دا تەحنيكالىق رەتتەۋ باسقارماسىنىڭ جەتەكشى مامانىنان باستاپ ۆيسە-پرەزيدەنتكە دەيىنگى قىزمەتتەردى اتقارعان.

2022 جىلدىڭ قاڭتارىنان 2024 جىلدىڭ مامىرىنا دەيىن ەنەرگەتيكا ۆيسە-مينيسترى قىزمەتىن اتقارعان. ول "قۇرمەت" وردەنىمەن ماراپاتتالعان.

ولگا رىپاكوۆا نە دەيدى؟

ولگا رىپاكوۆا فەدەراسيا باسشىلىعىنان كەتكەنىن راستادى. "مەن الىسقا كەتپەيمىن، فەدەراسيادا قالامىن"، - دەدى ول. تولىعىراق اقپارات جاقىن ارادا فەدەراسيانىڭ رەسمي دەرەككوزدەرىندە جاريالاناتىن بولادى.