InfoHub Logo

قازاقستاندىق بوكسشى، وليمپيادا ويىندارىنىڭ قولا جۇلدەگەرى جانە ەكى دۇركىن الەم چەمپيونى ساكەن بيبوسىنوۆ WBA Asia تيتۋلى ءۇشىن جەكپە-جەككە شىعادى. بۇل تۋرالى Tengri Sport Saikou Lush پروموۋشەنىنە سىلتەمە جاساپ حابارلايدى.

بۇل تۋرالى Infohub.kz اقپارات اگەنتتىگى حابارلايدى.

28 جاستاعى قازاقستاندىق بوكسشىنىڭ قارسىلاسى يندونەزيالىق بوكسشى سۋريا دحارما بولادى. دحارما ءالى جەڭىلمەگەن (4-0، 4 كو) سپورتشى.

جەكپە-جەك 23 مامىردا قىرعىزستاننىڭ بىشكەك قالاسىندا وتەدى.

ايتا كەتەيىك، بۇل كەزدەسۋ العاشقىدا 17 ساۋىرگە جوسپارلانعان بولاتىن. الايدا، تاياۋ شىعىستاعى شيەلەنىس سالدارىنان جاپوندىق پروموۋشەن جەكپە-جەكتى كەيىنگە شەگەرگەن.

بۇل بيبوسىنوۆتىڭ كاسىپقوي مانسابىنداعى العاشقى تيتۋلدىق جەكپە-جەگى بولۋى مۇمكىن. بۇعان دەيىن قازاقستاندىق بوكسشى كاسىپقوي رينگتەگى دەبيۋتىن مەرزىمىنەن بۇرىن جەڭىسپەن باستاپ، كەيىن تاعى ءبىر جەڭىسكە جەتكەن.

بيبوسىنوۆتىڭ پىكىرى

«بۇل وتە ماڭىزدى جەكپە-جەك. مەنىڭ العاشقى تيتۋلدىق كەزدەسۋىم. مۇنداي مۇمكىندىك بەرگەن پروموۋتەرلەرگە العىس ايتقىم كەلەدى. مەن بۇل كەزدەسۋگە ۇزاق دايىندالدىم جانە جەڭىسكە جەتىپ، جانكۇيەرلەردى قۋانتقىم كەلەدى. سۋريا دحارما – وتە مىقتى قارسىلاس. مەن ونىڭ جەكپە-جەكتەرىنىڭ ۆيدەوسىن كوردىم. ءبىز وعان مۇقيات دايىندالامىز، تاماشا جەڭىس كورسەتەمىن دەپ ۇمىتتەنەمىن»، - دەدى ساكەن بەينەۇندەۋىندە.

ەستەرىڭىزگە سالا كەتەيىك، ساكەن بيبوسىنوۆ – قازاقستاننىڭ ەڭ ۇزدىك بوكسشىلارىنىڭ ءبىرى. ونىڭ قورجىنىندا الەم چەمپيوناتىنىڭ ەكى التىن (2021، 2025)، توكيو وليمپياداسىنىڭ قولا جۇلدەسى (2020) جانە ازيا چەمپيوناتىنىڭ ءۇش مەدالى (2021، 2022) بار.