ونەر ادامىمەن سۇحبات
— قالايسىز، رۋحيا اپكە؟ ءسىزدى ونەردەگى ۇلگى تۇتار جاندارىمنىڭ قاتارىندا سانايمىن. سول سەبەپتى وزىڭىزبەن سۇحباتتاسقىم كەلىپ ەدى، قالاي قارايسىز؟
— شۇكىر، راقمەت ءوزىڭىز؟ جارايدى، مەن كەلىسەمىن.
— كوپ راقمەت، ەندى سىزگە ساۋالدارىمدى جولداي كەتەيىن.
— ءسىز ءۇشىن ءومىردىڭ ءمانى نەدە؟
— مەن ءۇشىن ءومىردىڭ ءمانى – سەنىمدە، وتباسىدا، ارمان، ماقساتتا.
—اعىلشىن ءتىلىن بىلەسىز بە؟
— تولىق سويلەي الامىن دەپ ايتا المايمىن، ءبىراق تۇسىنەمىن، ۇعامىن.
— ءسىزدىڭ 2021 جىلعى «سلاۆيان بازارى» بايقاۋىنىڭ گران-پري يەگەرى ەكەنىڭىز بەلگىلى. الداعى ۋاقىتتا تاعى دا وسىنداي «سلاۆيان بازارى» سەكىلدى كونكۋرستارعا قاتىسۋ ويىڭىزدا بار ما؟
— ارينە، ءبىراق تا ءدال قازىرگى ۋاقىتتا ءدال وسى، مىناۋ كونكۋرسقا قاتىسامىن دەپ ايتا المايمىن. سەبەبى، ناقتى ءالى ءبىر شەشىمى بولعان جوق.
— ءانشى رەتىندە سۇرايتىنىم – ءان قالاي دۇنيەگە كەلەدى ياعني قالاي جازىلادى؟
— ءار ءاننىڭ تۋىنداۋى ءارتۇرلى. كوبىنە ومىرلىك جاعدايلارعا بايلانىستى. ياعني، ىشكى جان دۇنيە قانداي، ءان دە سونداي بولىپ شىعادى.
— ءان دۇنيەگە قالاي كەلەتىنىن ءتۇسىندىم، ءبىراق جازىلۋى شە؟ ستۋديادا دەگەن سەكىلدى. كادىمگى قاعازعا نوتا بولىپ تۇسە مە؟الدە قالاي؟
— مەن ەندى ورىنداۋشىمىن عوي. كومپوزيتورلار ءارتۇرلى بولىپ كەلەدى. كەيبىرەۋى قازىرگى زاماندا ديكتوفونعا جازادى نەمەسە ءبىرىنشى ارانجيروۆكادان كەيىن مەلودياسىن شىعارادى دەگەندەي. ال، ءوزىمنىڭ داۋىس جازۋ تەحنيكاما كەلەتىن بولسام، مەن ءاندى جاتتاپ، ءسوزىن جاتتاپ، قاي جەرىندە قانداي تەحنيكا قولداناتىنىمدى ويلانىپ، سولاي جازامىن.
— ءان ايتۋعا قىزىعاتىن جاستارعا كەڭەسىڭىز: مىسالى، مەن ءان ايتۋعا 2 جىلدان بەرى قىزىعىپ كەلەمىن. ارينە ۆوكالعا قاتىسىپ، جاتتىققىم كەلەدى. الايدا ازىرگە ۆوكالعا قاتىسۋعا مۇمكىندىك جوق. ءبىراق الداعى ۋاقىتتا مىندەتتى تۇردە قاتىساتىن بولامىن. ال سول ۆوكالعا قاتىسقانعا دەيىن ءانشى رەتىندە قانداي كەڭەستەر بەرەسىز؟ Youtube جەلىسىندە ۆوكال جاتتىعۋلارى بار، ءتۇرلى راسپيەۆكا سەكىلدى دۇنيەلەر بار. سولارمەن جاتتىعا تۇرۋىما بولا ما، الدە ءاندى كوپ ايتا بەرگەن دۇرىس پا؟
— مەنىڭشە،ەگەر ءقازىر ۆوكالعا قاتىسۋعا مۇمكىندىك جوق بولاتىن بولسا، ساپالى مۋزىكالاردى تىڭداپ، ءارتۇرلى ۆوكالدىق كوۋچتار، ترەنەرلەر بار Youtube، Instagram جەلىلەرىندە. ءقازىر دامىعان زامان عوي. تىڭداپ كورىپ، ازىرشە زەرتتەۋگە بولاتىن سياقتى. سەبەبى، زەرتتەلىپ بولعاننان سوڭ، ۇيرەنگەن نارسە ول ناتيجەسىن بەرەدى مەنىڭ ويىمشا.
— ونەردەگى ۇلگى تۇتار ادامىڭىز كىم؟
— ءدال قازىرگى تاڭدا ۇلگى تۇتار ونەر ادامى ول،الەمدىك ارەنادان الاتىن بولساق، Mariah Carey.
— ونەردەن بولەك ومىردەگى ۇلگى تۇتار ادامىڭىز كىم؟
— ومىردەگى ۇلگى تۇتار ادامىم – اكەم.
— شىعارماشىلىعىڭىزداعى جاڭالىقتارىڭىز قانداي؟
— شىعارماشىلىعىمدا ازىرشە ايتارلىقتاي جاڭالىقتار جوق. ءوزىمنىڭ ۆوكال ستۋديامدى اشپاقشىمىن جانە دە الداعى ۋاقىتتا اۆتورلىق اندەرىمدى شىعاراتىن بولامىن.
— سىزگە تاعى دا كوپ راقمەت، وسىلاي كىشىگىرىم بولسا دا قاراپايىم بولىپ، سۇحباتىما كەلىسىپ، سۇراقتارعا جاۋاپ بەرىپ جاتقانىڭىزعا. بۇيىرسا، استاناعا بارعاندا وزىڭىزدەن ۆوكالدىق ساباق الاتىن بولامىن. سىزگە شىعارماشىلىق تابىس تىلەيمىن!
— يا، بۇيىرسا كەلىڭىز. كوپ راقمەت!
بۇل سۇحبات – مەنىڭ ونەرگە دەگەن قىزىعۋشىلىعىمنىڭ ايناسى دەسەم، ارتىق ايتپاعانىم. ياعني ءوزىمنىڭ مۋزىكا، ءان سالاسىنا قىزىعاتىنىمدى جەتكىزگىم كەلەدى. وسى تۇستا وزىمە ۇنايتىن، ۇلگى ەتەر ءانشى اپكەممەن كىشىگىرىم سۇحباتتاسىپ، سانامدا جۇرگەن ساۋالدارعا جاۋاپ الدىم. سۇحباتتىڭ مەن سەكىلدى انگە قىزىعاتىن جاندارعا تيتتەي دە بولسىن پايداسى تيەدى دەگەن ۇمىتتەمىن.
سۇحبات الۋشى: اقىلحان اسىلزات (بولاشاق جۋرناليست)
سۇحبات بەرۋشى: رۋحيا بايدۇكەنوۆا (ءانشى)
You Might Also Like
-
«Chucke Cheese`s» اتتى بالالار ويناتاتىن جەردىڭ Cشا، كاليفورنياسىندا اتى شىققان، بالالار ءسۇيىپ ۇناتار جەردىڭ ءبىرى. ال وعان بارۋشىلار دا ازداپ قالعان جوق. نەلىكتەن؟ ءقازىر ءبارىن ايتاتىن ب...
-
الەۋمەتتىك-تاريحي تاجىريبە ءاربىر جاڭا ۇرپاق ءوز حالقىنىڭ وتكەن تاجىريبەسىن قايتا ويلاپ، ۇلتتىق دامۋدىڭ ماقساتتارى مەن مىندەتتەرىن ايقىنداۋىمەن قاتار، ونىڭ پەرسپەكتيۆالارىن تۇجىرىمداپ، ناقتى ۋاقىتتا ...
