InfoHub Logo

«ونەر الەمىنە ساياحات» تاربيە ساعاتى

اشىق تاربيە ساعاتىنىڭ تاقىرىبى: «ونەر الەمىنە ساياحات»
ماقساتى: وقۋشىلارعا «ونەر» ۇعىمىن ءتۇسىندىرۋ، ونەرگە قۇشتارلىق سەزىمدەرىن وياتۋ، ونەرلى ادامداردىڭ جەتىستىكتەرى ارقىلى قىزىعۋشىلىقتارىن قالىپتاستىرۋ جانە ەستەتيكالىق تۇرعىدا تاربيەلەۋ؛
ءتۇرى: ساياحات ساباق.
ءادىس – ءتاسىلى: جەكەلەي، توپتىق جۇمىس، ەۆريستيكالىق، ميۋنستەرنبەرگ ادىستەمەسى.
كورنەكىلىك، قۇرال - جابدىقتار: سلايدتىق كورسەتىلىم، بۋكلەت، «چۋپا – چۋپس» كامپيتتەرى، قيمالار، شاشۋ، اتا – انالار ازىرلەگەن قولونەر بۇيىمدار،
/سىنىپ ساباققا دايىن، سلايدتىق كورسەتىلىم قوسىلادى، دومبىرانىڭ سۇيەمەلدەۋىمەن كۇي ورىندالادى/

سىنىپ جەتەكشى:
- بۇگىنگى «ونەر الەمىنە ساياحات» اتتى اشىق تاربيە ساعاتىمىزعا قوش كەلدىڭىزدەر!
«بليس - تۋرنير» شيراتۋ ساۋالدارى:
1. ونەرلى دەگەنىمىز كىمدەر؟
2. ونەردىڭ تۇرلەرى بار ما؟
3. اۋىلىمىزدا ونەر ادامدارى بارما؟

سىنىپ جەتەكشى:
- راحمەت، ال، ەندى ءبىز بۇگىن ساياحاتقا شىعامىز. ساياحاتىمىزدى باستاماس بۇرىن مىنا مەنىڭ سوزدەرىمنەن نە تۋرالى ايتقانىمدى تابۋلارىڭىز كەرەك. وندا ەرتەدەگى كونە زاتتار بار. ءبىز سول زاتتار ارقىلى وتكەن تاريحىمىزدى بىلەتىن بولامىز. سەندەر قىزىقتى كوپ نارسەلەردى كورە الاسىڭدار. قانە كىم ايتادى؟ مەن قانداي مادەني ورىن تۋرالى ايتىپ تۇرمىن؟» /جاۋاپ: مۇراجاي/
- ءيا، بالالار دۇرىس تاپتىڭدار مۇراجاي ءبىز ءۇشىن وتە قۇندى مادەني ورىن. ەندەشە مەكتەبىمىزدىڭ مۇراجايىنا ساياحات جاساپ وتەيىك
- قانداي ساز اسپاپتارىن بىلەمىز؟
/جاۋاپ: دومبىرا، شەرتەر، جەتىگەن، قوبىز، سىبىزعى، ۇسكىرىك، سازسىرناي، شاڭقوبىز، داڭعىرا، دابىل، اساتاياق /

«جالعاسىن تاپ» ويىنى
- 6 بالاعا چۋپا – چۋپستىڭ باسىنا جاپسىرىلعان ماقال – ماتەلدەردىڭ جارتىسى عانا جازىلعان قىزىل، جاسىل ءتۇستى قيمالار تاراتادى، قىزىل العاندار ءبىر توپ، جاسىل العاندار ءبىر توپ بولىپ تۇرا قالادى دا ماقالداردى جالعاستىرىپ ايتىپ بەرەدى/
1. ونەرلى... /ورگە جۇزەر/
2. ونەر الدى... /قىزىل ءتىل/
3. ونەرلىنىڭ... /ءورىسى كەڭ/
4. شەبەردىڭ قولى ورتاق... /شەشەننىڭ ءسوزى ورتاق/
5. ونەر... /كيەلى/
6. جىگىتكە جەتى... /ونەر دە از/

سىنىپ جەتەكشى:
- وتە جاقسى! جارايسىڭدار! تاماشا! ەندى، ساياحاتىمىزدى ءارى قاراي جالعاستىرايىق. ول ءۇشىن تاعى مەنىڭ جۇمباق ءسوزىمنىڭ شەشۋىن تابىڭدار. ىشىندە انشىلەر، اقىندار، بيشىلەر، كۇيشىلەر، ت. ب ونەرپازدار جانە ونەر كورسەتەتىن ساحناسى بار ۇلكەن ءۇي. وندا جاقسى - جاقسى مەرەكەلەر، كونسەرتتەر وتكىزىلەدى. ول قانداي مادەني ورىن؟
/جاۋاپ: مادەنيەت سارايى/
- دۇرىس ايتاسىڭدار. ءبىزدىڭ اۋدانىمىزدا، اۋىلىمىزدا مادەنيەت سارايى بار ما؟ /بالالار جاۋاپ بەرەدى، مادەنيەت ۇيلەرىنىڭ سۋرەتتەرىنەن تۇراتىن بۋكلەت كورسەتىلەدى/
- وسى مادەنيەت سارايىنىڭ ۇلكەن ساحناسىندا ونەر كورسەتەتىن ونەرپازدىڭ ءبىرى كۇي، ءبىرى شىعارما، ءبىرى ءان، ەندى ءبىرى سىرناي، سىبىزعى، قوبىز، تەرمە ايتادى، بي بيلەيدى. سولاي ەمەس پە؟
- ساحنا – كيەلى ورىن. ال، ونەر دەگەنىمىز – ادام بويىنداعى اتانىڭ قانىمەن، انانىڭ سۇتىمەن دارىعان ەرەكشە قاسيەت. ءان ايتۋ، كۇي شەرتۋ، سۋرەت سالۋ، قولونەر دەگەنىمىز، ياعني توقىما توقۋ، قۇراق تىگۋ، اعاشتان، تەمىردەن بۇيىمدار جاساۋ، ويۋ ويۋ، تىگىن تىگۋ ت. ب. بۇگىن بىزدە قوناقتا، ورتامىزدا اۋىلىمىزدىڭ تۋما تالانتى، مادەنيەت قايراتكەرى، لاۋرەات كوپتەگەن ساحنالاردا ونەر كورسەتىپ جۇرگەن قىدىرمولدين ەسمۇرات اعالارىڭ. ەندەشە، اعامىزدىڭ ونەرىن تاماشالاپ، بارشامىز انگە قوسىلايىق!

/«تارباعاتاي تاۋلارى» ءانى ورىندالىپ، باسىندا شاشۋ شاشىلىپ، ورتاسىندا اتا – انالار وزدەرى ازىرلەگەن قولونەر بۇيىمدارىن ارنايى ازىرلەنگەن ۇستەلگە كەزەكپەن اكەلىپ قويادى، ءاننىڭ سوڭعى كۋپلەتىندە قازاق كيىمىن كيگەن 3 وقۋشى ورتاعا شىعادى/

1 – وقۋشى:
ءان مەن كۇيدى توگىلتىپ
ءىنجۋ - مارجان شاشايىق!
قوناقتاردى تامساندىرىپ.
ونەردەن شاشۋ شاشايىق.
2 – وقۋشى:
دومبىرانى قولعا الىپ،
تەرمە ايتامىن تولعانىپ.
قوبىز دا اسپاپ كيەلى،
ونى ءبارى سۇيەدى.
3 – وقۋشى:
سىبىزعىنى ۇرلەيمىز،
جالقاۋلىقتى بىلمەيمىز.
سال كۇيىڭدى دومبىرا،
اتادان قالعان بۇل مۇرا.
دومبىرا داستان، جىر داستان،
ەندى الايىن قولىما.
ونەردى سۇيگەن جاسىنان،
ءبىز وسىنداي جاس ۇلان!
سىنىپ جەتەكشى:
- ال، كانەكي، ءبىزدىڭ كونسەرتىمىز بۇگىنگى بىلىمدەرىڭىزدى بايقاۋ بولىپ تابىلادى! /ميۋنستەرنبەرگ ءادىسى بويىنشا سلايدتان تىزبەك شىعادى دا قوناقتار شاتىسقان ارىپتەر ىشىنەن ونەرگە قاتىستى اتاۋلاردى اتاپ ايتۋ كەرەك، دۇرىس تاپقاندارعا سۋۆەنيرلەر، كيىز ءۇي، دومبىرا، تاقيا ت. س. س بەرىلەدى/
حلۆانرپاكنلفپەكينوالىويمبيىمپبيۋلسۋرەتىميۋبياىكۇيەجراشسوزششكسني
/قوناقتارعا تومەندەگى سوزدەر جازىلعان، وقۋشىلاردىڭ سۋرەتى سالىنعان، وزدەرى جاساعان وتكرىتكالار تاراتىلادى/
سىنىپ جەتەكشى: ---------------------------- قوناقتار، وقۋشىلار حورمەن ايتادى:
ۇعىمدى، ويلى ەتەتىن... ------------------- زەردە – زەيىنىڭ /ەكى قولمەن باستارىن ۇستاپ/
سەنى ورگە سۇيرەيتىن... --------------------- ونەر – ءورىسىڭ /اينالىپ/
تەك ىلگەرى باستايتىن... -------------------- تالابىڭ /تومەن قاراي قولدارىن جايىپ/
ەشقاشان الدامايتىن... ------------------ تاپقىرلىعىڭ /قولدارىن الدىعا سوزىپ، جايىپ/
قيىندىقتا سىنالاتىن... ----------------- قايراتىڭ /قولدارىن جوعارى كوتەرىپ/
بارىنەن دە كۇشتى... ------------------- ءتارتىبىڭ مەن ءبىلىمىڭ
/اسەم كۇي وينالادى/

سىنىپ جەتەكشى: قىمباتتى قوناقتار ءبىزدىڭ اتا – انالارىمىزدىڭ بالاسى ءۇشىن ءۇي تاپسىرماسى رەتىندە ورىنداپ كەلگەن قولونەر بۇيىمدارىن تاماشالاڭىزدار!
تالاي – تالاي باسپالداقتى اتتارمىز،
اتا – انانىڭ ءۇمىتىن دە اقتارمىز.
ۇستازداردان العان ونەر، ءبىلىمدى،
جادىمىزدا ءومىر – باقي ساقتايمىز.
بۇل ءومىردىڭ لاۋلاعان جالىندارى،
بويىندا ونەر وتى جالىندادى.
ۇلكەن ونەرپاز بوپ بولاشاقتا.
بولىڭدار ەلىمىزدىڭ دارىندارى.
ءتارتىپتى، ءبىلىمدى بولايىق!
ونەرمەن بال – بۇل جانايىق!
كەلەسى تاربيە ساعاتىمىزعا دەيىن امان – ساۋ بولايىق!!!