InfoHub Logo

قازىردە زامان اعىمىنا ىلەسىپ شىققان اندەر حيت تىزبەگىنىڭ كوشىن باستاپ تۇر. الايدا، تىڭدارماننىڭ بارلىعى ول اندەردى رەسمي پلاتفورمادان ساتىپ الىپ تىڭدايدى ما؟ ماسەلە وسىندا. ءبىز كەز كەلگەن ونەردى، تۋىندىنى ساتىپ الۋ ارقىلى باعالاي الامىز. ءدال سول سياقتى ءاربىر ءاندى دە ساتىپ الۋعا ارنالعان ارنايى مۋزىكالىق پلاتفورمالار بار. ال ءبىر ءاننىڭ باعاسى 129 تەڭگەدەن كەم بولماسا، اسىپ تۇسپەيدى. سوعان قاراماستان، كوپشىلىك جاڭا شىققان ءاندى تەلەگرام، ۆك سەكىلدى تەگىن پلاتفورمالاردان تىڭداۋدى دوعارار ەمەس. ونىڭ ۇستىنە، قازىردە جاستار ءسۇيىپ تىڭدايتىن، اندەرى حيت بولىپ جۇرگەن ارتىستەر تۋىندىسىنىڭ ءسوزىن دە، ءانىن دە وزدەرى جازادى. مىنە، سوندىقتان دا، ونەر باعالانۋى كەرەك. دەگەنمەن، ارتىستەر ساتىپ الىنعان اندەر ارقىلى ۇلكەن تابىسقا كەنەلمەيدى، تەك، وزىنە تيەسىلى شاعىن پايىزىن الىپ وتىرادى. شەتەلدىك ونەر يندۋسترياسىندا بۇل جۇمىس جاقسى تابىس اكەلەتىندەي دەڭگەيدە دامىعان. ءبىزدىڭ ەلدە ءالى دە دامۋ ۇستىندە. 

ال انشىلەر جاڭا شىققان ءاندى رەسمي پلاتفورمالارعا جۇكتەۋ ءۇشىن، 2 اپتا بۇرىن ءاندى شىعارۋعا ءوتىنىش قالدىرادى. وتىنىشتەن كەيىن، ءاننىڭ ءماتىنى، اۆتورى-سىندى اقپاراتتار تولتىرىلىپ، كەلىسسەز جۇرگىزىلۋ ارقىلى، 10-17 كۇن ىشىندە ءان رەسمي جاريالانادى. ءان جارىق كورگەن سوڭ، ءانشىنىڭ كومانداسى نەمەسە مۋزىكالىق كومپانيا ول ءارتىستىڭ تۋىندىسىن الەۋمەتتىك جەلىلەردە دامىتۋمەن اينالىسادى. ياعني، يۋتۋب، ينستاگرام، تۆيتتەر، تيكتوك، تەلەگرام، ۆك جەلىلەرىندە ءارتۇرلى كونتەنت جاساپ، جانكۇيەرلەرگە قىزىقتى ماتەريال ۇسىنادى. الەۋمەتتىك جەلىدەگى ماركەتينگىدەن بولەك، ءارتۇرلى ءىس-شارالارعا بايلانىستى كەلىسسوز جۇرگىزىپ، ءارتىستىڭ 1 ايلىق نەمەسە 1 جىلدىق جوسپارىن دا بىردەن قۇرىپ تاستايدى. بۇل مىندەتى ءارتىستىڭ دە جۇمىسىن جەڭىلدەتىپ، ءار كۇنىندە قانداي ءىسى بار ەكەنىن قاراپ وتىرادى.

قورىتىندىلاي كەلە، كەز كەلگەن ونەردى ءوز باعاسىنا لايىق باعالاي بىلەيىك دەگىم كەلەدى.

سادۋاحوسوۆا ايجان

---