وقۋ ورىندارىندا اقشا جيناۋمەن كۇرەسەتىن جۇمىس توپتارى قۇرىلدى
اعىمداعى جىلدىڭ 10 ويىندا بوپسالاۋعا بايلانىستى 494 قىلمىس تىركەلدى. بۇل وسى قىلمىستىڭ وتكەن جىلدىڭ سايكەس مەرزىمىمەن سالىستىرعاندا 13،2 پايىزعا ازايعانىن كورسەتەدى، دەپ حابارلايدى قازاقپارات.
ق ر ءىىم باسپا ءسوز قىزمەتىنىڭ مالىمەتىنشە، بۇل رەتتە وسى جىلدىڭ وتكەن مەرزىمى ىشىندە بوپسالاۋ قىلمىستارىن اشۋ 94،7 پايىزعا دەيىن جاقسارعان.
«وسى قىلمىس تۇرىمەن اينالىساتىن ادامداردىڭ قۇقىققا قايشى ارەكەتتەرىنىڭ جولىن كەسۋ بويىنشا جۇرگىزىلىپ جاتقان جۇمىستاردىڭ تيىمدىلىگىن ارتتىرۋ ماقساتىندا بارلىق وڭىردەگى ىشكى ىستەر دەپارتامەنتتەرىندە تۇراقتى جۇمىس ىستەيتىن توپتار قۇرىلىپ، ولاردىڭ قۇرامىنا ۇيىمداسقان قىلمىسقا قارسى كۇرەس، كريمينالدىق پوليسيا بولىمشەلەرىنىڭ جانە جەرگىلىكتى پوليسيا قىزمەتىنىڭ قىزمەتكەرلەرى بىرىكتىرىلدى. سونىمەن قاتار پوليسيا قىزمەتكەرلەرى وقۋ ورىندارىنداعى اقشا جيناۋ جانە بوپسالاۋمەن اينالىساتىن ادامدار تۋرالى اقپاراتتار بەرۋ ماسەلەسى بويىنشا وقۋ ورىندارىنىڭ باسشىلارىمەن جانە وقىتۋشىلار قۇرامىمەن كەزدەسۋلەر وتكىزۋدە»،-دەپ اتاپ وتىلگەن ق ر ءىىم حابارلاماسىندا.
You Might Also Like
-
11 جاستاعى الماتىلىق ءالي بايجىگىت تالانتتى بالالار تۋرالى «ءبىرىنشى ارنانىڭ» جاڭا تەلەباعدارلاماسىنا قاتىستى. باعدارلاما جۇرگىزۋشىسى ماكسيم گالكين جاس الماتىلىقتى ۇلى ويشىلعا تەڭەپ، ونىڭ...
-
استانا قالاسىنىڭ ءبىلىم باسقارماسى ەلورداداعى ەڭ ۇزدىك مەكتەپتەردىڭ ءتىزىمىن جاريا ەتتى.
