وقۋشىلار ءۇشىن 36 مىڭنان استام كومپيۋتەر ساتىپ الىندى — اسحات ايماعامبەتوۆ
1 قىركۇيەككە دەيىن ايماق اكىمدىكتەرى قوسىمشا كومپيۋتەر ساتىپ الادى. بۇل تۋرالى ورتالىق كوممۋنيكاسيالار قىزمەتىندە وتكەن ونلاين بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«جاڭا وقۋ جىلىنىڭ ءبىرىنشى توقسانى اياقتالعاندا ءداستۇرلى وقۋ فورماتىنا قايتا كوشۋ-كوشپەۋ جاعى بەلگىلى بولادى. بۇل جۇمىس ەپيدەميولوگيالىق جاعدايعا بايلانىستى كەزەڭ-كەزەڭىمەن جۇرگىزىلەدى. قاشىقتان وقۋعا دايىندىق جۇمىستارى قالاي ءجۇرىپ جاتقانى وتە ماڭىزدى. وتكەن وقۋ جىلىنىڭ ءتورتىنشى توقسانىندا كوپتەگەن ماسەلەگە تاپ بولدىق. ول كەزدە جىبەرىلگەن قاتەلىكتەردى وسى جولى ەسكەرەمىز»، — دەيدى ءبىلىم جانە عىلىم ءمينيسترى اسحات ايماعامبەتوۆ.
ونىڭ ايتۋىنشا، قازىرگى ۋاقىتتا كومپيۋتەرگە قاتىستى اۋقىمدى جۇمىس اتقارىلىپ جاتىر.
«بىزدە ەسكىرگەن كومپيۋتەر كوپ. قاجەت ەتەتىن وقۋشىلارعا ۋاقىتشا بەرە تۇرۋعا بولاتىن كومپيۋتەر از. سوندىقتان قازىرگى ۋاقىتتا 36 مىڭنان استام كومپيۋتەر ساتىپ الىندى. 1 قىركۇيەككە دەيىن ايماق اكىمدىكتەرى قوسىمشا كومپيۋتەر ساتىپ الادى. بۇگىن ۇكىمەت وتىرىسىندا وسىنداي تاپسىرما بەرىلدى»، — دەدى ول.
You Might Also Like
-
سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى اسقار جۇماعالييەۆ مۇعالىمدەر مەن وقۋشىلارعا ارنايى تاريفتىك جوسپار شىعارۋ ماسەلەسى پىسىقتالىپ جاتقانىن ءمالىم ەتتى.
-
1 قىركۇيەكتەن باستاپ 1-11 سىنىپ ارالىعىنداعى وقۋشىلار قاشىقتان وقيدى. بۇل تۋرالى ورتالىق كوممۋنيكاسيالار قىزمەتىندە ونلاين وتكەن بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
