InfoHub Logo

جاس ماماندار سەمينارىنا ارنالعان ترەنينگ.

تاقىرىبى: وقۋشىلارىنىڭ شىعارماشىلىعىن دامىتۋداعى ءمۇعالىمنىڭ ءرولى. (ترەنينگ)
«وقۋشىنى ونىڭ بەرگەن جاۋاپتارىنا ەمەس، ساعان قويعان سۇراقتارىنا قاراپ باعالا” ۆولتەر.

“بالا جايلى ادىلەتتى دە دۇرىس ويلاۋ ءۇشىن ءبىز ونى ءوز ورىسىنەن ءبىزدىڭ ورىسىمىزگە الىپ كەلۋگە ءتيىس ەمەسپىز. قايتا ونىڭ رۋحاني الەمىنە كوشۋگە ءتيىسپىز”. ن. ن. پروگوۆ.

كىرىسپە.
قۇرمەتتى جاس مامان!
“قازاقستان - 2030” ستراتەگيالىق باعدارلاماسىندا ەلباسىنىڭ “ءبىز بالالارىمىزعا ءوزىمىزدىڭ جاقىن جانە الىس كورشىلەرىمىزبەن دوستىق قارىم - قاتىناسىمىزدى مۇرا ەتىپ قالدىرۋىمىز كەرەك” دەگەن ءسوزى بۇكىل اعارتۋشى قاۋىم الدىندا “وقۋ تاربيە ۇردىسىنە جاڭا پەداگوگيكالىق تەحنولوگيالاردى ەنگىزۋ ارقىلى وقۋشىلاردىڭ ءبىلىم ساپاسىن ارتتىرۋ، شىعارماشىلىق قابىلەتىن دامىتۋ” وزەكتى ماسەلەلەر ەنگىزىپ وتىرعانى بەلگىلى. وسى ماقساتتى جۇزەگە اسىرۋدا مەكتەپ باسشىسى، ۇجىمداعى مۇعالىمدەردىڭ كاسىبي شەبەرلىگى مەن شىعارماشىلىق ىزدەنىسىن دامىتۋعا اسا ءمان بەرۋ قاجەت.

جاڭا زامان ءمۇعالىمى «دايىن» ءبىلىم كوزى عانا بولماي، وقۋشىلاردىڭ تانىمدىق ءىس - ارەكەتىنىڭ ۇيىمداستىرۋشىسى جانە ۇيلەستىرۋشى بولا ءبىلۋى، ءبىلىمنىڭ قۇندىلىق رەتىندەگى سيپاتىنا تەرەڭ ءمان بەرۋى، ناتيجەگە باعىتتالعان ءبىلىم بەرۋدە جاڭا جولدار مەن ادىستەر تابۋعا داعدىلانعان مامان بولۋى قاجەت.

ءبىلىم بەرۋ ۇردىسىندە وقىتۋشى جاڭا اقپاراتتى بەرىپ قانا قويماي، وقۋشىسىن
شىڭداي تۇسۋدە كەلەسى مىندەتتەردى ورىنداۋى ءتيىس:
 وقۋشىسىن كەلەلى ماسەلەلەردى شەشۋگە باۋلۋ؛
 ءبىر عانا ءتۇپنۇسقانى پايدالانباي، ءار ءتۇرلى ادىستەردى قولدانا بىلۋگە ۇيرەتۋ؛
 بەرەر ءبىلىمنىڭ عىلىميلىعىن ارتتىرۋ؛
 العان ءبىلىمىن ءومىر اعىمىندا قولدانا بىلۋگە ۇيرەتۋ؛
 وقۋشىسىنىڭ وي بەلسەندىلىگىن دامىتۋ؛
 ءار وقۋشىنىڭ قابىلەتىنە قاراي دارىندىلىعىن، قىزىعۋشىلىعىن دامىتۋ
 ءبىلىمدى شىعارماشىلىقپەن مەڭگەرۋ داعدىلارىن قالىپتاستىرۋ ناتيجەسىندە
جوعارعى ساپاعا جەتۋ؛

كەز - كەلگەن دامىعان ءوندىرىس قازىرگى تاڭدا شىعارماشىلىقپەن جۇمىس جاساۋدى تالاپ ەتەتىن ادامدى قاجەت ەتەدى. شىعارماشىلىقپەن جۇمىس جاسايتىن ادامنىڭ نەگىزگى ءىس - ارەكەتى اقىل - ويعا، ءارى العان ءبىلىمدى باسقا تانىس ەمەس ءىس - ارەكەتتە تاسىمالداي الۋعا نەگىزدەيدى.

بۇگىن سىزدەرگە مەن وقۋشىلاردىڭ شىعارماشىلىعىن دامىتۋعا باعىتتالعان ترەنينگ وتكىزۋگە ۇسىنامىن.
الدىمەن، اامير كحان مەن امول گۋپتەنىڭ «زۆەزدوچكي نا زەملە» دراماسىنان ءۇزىندىنى تاماشالايىق.
قىسقاشا مازمۇنى:
كىشكەنتاي 8 جاسار ۇل يشان اۆاستي تۋعانىنان باسقا بالالاردان وزگەشەلەنەدى. باسقالارعا وڭاي ءبىلىم وعان اسا قيىنشىلىقپەن بەرىلەدى. ءوزىنىڭ تۋعان اكە - شەشەسىنەن باستاپ ءبارى ونى تۇسىنبەيدى. مەكتەپتە ءۇشىنشى ەمتيحاندى قۇلاتقان كەزدە، اكەسى يشاندى مەكتەپ ينتەرناتقا جازالاۋ ماقساتىندا جىبەرەدى. جالعىزدىق بالانى قينايدى، ول بۇكىل الەمگە، بارىنەن بۇرىن اتا - اناسىنا قاتتى رەنج ۇلى بولادى. سول مەكتەپكە ۋاقىتشا كەلگەن سۋرەت ءمۇعالىمى رام نيكۋم عانا يشاندى تۇسىنەدى. رام وزىنە وسى بالانىڭ ءومىرىن، اينالاداعىلاردىڭ قارىم - قاتىناسىن وزگەرتۋدى ماقسات ەتىپ، قول جەتكىزەدى.
تالداۋ: ءسىز ءۇزىندىنى كورگەن كەزدە نە سەزىندىڭىز؟
ال، ەندى جاتتىعۋلارىمىزدى باستايىق.
1 جاتتىعۋ. «سالەمدەسۋ» دەپ اتالادى.
ماقساتى: تانىسۋ، سەرپىلتۋ
شارتى:
ەكى شەڭبەر جاساپ تۇرامىز. سىرتقى جانە ىشكى. بەلگى بەرىلگەن ۋاقىتتا قاراما - قارسى تۇرعان ادامعا ەسىمىمىزدى ايتىپ، قول الىسىپ امانداسامىز، وڭعا ءبىر ادىم جاساپ، كەلەسى تۇرعان اداممەن باسقاشا امانداسامىز. ءسۇيتىپ بارلىعىمىز ءبىر - بىرىمەن ءار ءتۇرلى امانداسىپ، تانىسىپ شىعامىز.