tengrinews.kz
ورمۋز بۇعازىنىڭ جابىلۋىنان كۇتپەگەن جەردەن بايىعان ماگنات انىقتالدى
وڭتۇستىك كورەيالىق ميللياردەر گا-حەن چونگ تاياۋ شىعىستاعى جاعداي شيەلەنىسىپ، ورمۋز بۇعازىنىڭ جابىلۋىنان كۇتپەگەن جەردەن پايدا تاپقان تۇلعا رەتىندە تانىلدى. بۇل تۋرالى سالا ماماندارىنا سىلتەمە جاساپ Bloomberg حابارلادى.
بۇعازدىڭ جابىلۋىنا بىرنەشە اپتا قالعاندا، Sinokor كومپانياسىنىڭ باسشىسى التى مۇناي تانكەرىن ساتىپ الىپ، پارسى شىعاناعىنا باعىتتاعان. ايماقتاعى ەكسپورتتىڭ توقتاۋىنا بايلانىستى مۇناي قويمالارى تولىپ، چونگتىڭ كومپانياسى ءوز كەمەلەرىن شيكىزاتتى ساقتاۋ ءۇشىن جوعارى باعامەن جالعا بەرە باستادى. كۇنىنە 500 مىڭ دوللارعا دەيىن باراتىن بۇل باعا بىلتىرعىدان ون ەسە جوعارى.
Bloomberg باسىلىمىنىڭ حابارلاۋىنشا، چونگتىڭ بۇل ارەكەتى نارىقتى تاڭ قالدىرعانىمەن، قازىرگى مۇناي داعدارىسىنان ول ەڭ كوپ پايدا كورەتىن تۇلعالاردىڭ بىرىنە اينالۋى مۇمكىن. اقپان ايىنىڭ سوڭىنا قاراي Sinokor كومپانياسى الەمدىك تانكەر پاركىنىڭ شامامەن 150-گە جۋىق سۋپەرتانكەرىن باقىلاۋىنا العان.
ورمۋز بۇعازى – پارسى شىعاناعى ەلدەرىنەن الەمدىك نارىققا مۇناي مەن سۇيىلتىلعان تابيعي گاز جەتكىزۋدەگى نەگىزگى باعىت. ول الەمدىك مۇناي، مۇناي ونىمدەرى جانە سپگ جەتكىزىلىمىنىڭ شامامەن 20 پايىزىن قۇرايدى.
بۇعان دەيىن يراننىڭ جاڭا باس ليدەرى مودجتابا حامەنەي ورمۋز بۇعازىنىڭ جابىق قالۋى كەرەكتىگىن مالىمدەگەن بولاتىن. تەگەران بۇل ارقىلى اقش پەن يزرايلمەن قاقتىعىستا قىسىم كورسەتۋ قۇرالىن پايدالانۋدى كوزدەپ وتىر.
-
گولليۆۋد جۇلدىزى دجەسسيكا چەستەين ءوزىنىڭ جاڭا بەينەبايانىنا قازاقستاندىق ءانشىنىڭ تۋىندىسىن ەنگىزدى. بۇل جاڭالىق الەۋمەتتىك جەلىدە قىزۋ تالقىعا ءتۇستى.
-
A South Korean billionaire has unexpectedly benefited from the closure of the Strait of Hormuz، seeing a significant surge in his shipping company's revenue.
