ورتالىق مەملەكەتتىك مۋزەي
قازاقستان رەسپۋبليكاسىنىڭ ورتالىق مەملەكەتتىك مۇراجايى الماتى قالاسىندا ورنالاسقان. ورتالىق ازياداعى بايىرعى، ەڭ ءىرى مۇراجايلاردىڭ ءبىرى ەكەن. مەن ونى تاريح اعايىمىزبەن بارعاندا بايقادىم. ءار داۋىرگە ءبىر بولمە ارناعان. مىسالى، تاس داۋىرىندەگى قازاقستان، ورتاعاسىرداعى قازاقستان، سوعىس جىلدارىنداعى قازاقستان، تاۋەلسىز قازاقستان دەگەندەي ۇلكەن بولمەلەر بار. تاس داۋىندەگى كوپتەگەن قۇندى زاتتار قىزىقتىردى. تاستان جاسالعان قۇرالدار، ولاردىڭ ورنالاسقان مەكەنى جايلى كارتالار ماعان ۇنادى. سول زامانعى جەرلەۋ ورىندارىندا كونە ادامداردىڭ قالاي جەرلەنگەنىنە دەيىن، بەينەلەنگەن. ورتاعاسىرلارداعى كەسەنەلەر: تۇركىستانداعى قوجا احمەت ياسساۋي كەسەنەسى، ايشا ءبيبى جانە بابادجا قاتىن كەسەنەلەرىنىڭ كىشكەنە ۇلگىسى قويىلعان. سول زاماندارداعى قۇمىرالاردى كورىپ، وتكەن ادامداردىڭ وتە جاقسى ۇستا ەكەندىكتەرىنە كوز جەتكىزدىم. جانە تەك قازاق تاريحىنا عانا ءمان بەرىلمەگەن، باسقا ۇلتتاردىڭ دا ادەت-عۇرپىن، سالت-ساناسىن بەينەلەيتىن كورنەلىكتەر ساقتالعان. قازاقستاندا مەكەندەگەن وزگە ۇلتتاردىڭ ۇلتتىق كيىمدەرىنە دەيىن قويىلعان ەكەن. تاعى ءمان بەرەرلىك دۇنيە، سوعىس جىلدارىنداعى قازاقستاندى جاقسى بەينەلەگەن مۇراعاتتار ءالى ساقتاۋلى. سوعىسقا قاتىسقان ءبىزدىڭ باتىر اپا-اتالارىمىزعا ارنايى قابىرعا بەرىلىپ بارلىعىنىڭ ەسىمىن جازعان. بۇل دا ەرلىك كورسەتكەن باتىرلارىمىزدى ۇمىتپاۋعا ءبىر سەبەپ بولادى. ودان بەرەگىرەكتە تاۋەلسىز قازاقستان زالىنا كوشسەك قازىرگى قازاقستان جەتىستەرى. تۇڭعىش عارىشقا ۇشقان قازاقستاندىقتىڭ عارىشقا كيگەن كيىمىنىڭ ءتۇپ نۇسقاسى ساقتالىپتى. جانە زاۋىت فابريكالاردىڭ مودەلدەرى كوزدىڭ جاۋىن الادى. ەلىمىزدىڭ جەتىستەرى وسىنشاما كوپ دەپ ويلاماپپىن. كورىپ قۋاندىم.
مۇراجايعا بارىپ، ءبىر ساعاتىمدى ارناعانىما وكىنبەدىم. ەسەسىنە ەلىمنىڭ تاريحىنا كۋا بولدىم. وتكەن زاماندارعا ساپار شەككەندەي بولدىم. ءتىپتى سول زاماندا ءومىر سۇرگەن تۇرعىنداي سەزىمدە بولدىم. مۇراجايعا بارۋ – قۇر ۋاقىتتى جوعالتۋ ەمەس ەكەنىنە كوزىم جەتتى. كەرىسىنشە، بالالاردىڭ، جاس ۇرپاقتىڭ كوزىن قانىق بولۋى ءۇشىن مۇراجايعا كوپ اپارۋ كەرەك دەپ ويلايمىن. ءوز ەلىنىڭ تاريحىن كوزبەن تاماشالاپ، ساناسىنا تۇيگەن بالا ەلىنىڭ پاتريوتى بولارى انىق.
"الەۋمەتتانۋ" ماماندىعىنىڭ 1-كۋرس ستۋدەنتى ءالىمحان مايرا
ت.ع.ك.، اعا وقىتۋشى ءجۇمادىل م.ت.
وقىتۋشى اكىمبەك ج.ا.
You Might Also Like
-
قازاق ءباسپاسوزى تاريحىن زەرتتەۋدە اقتاڭداقتار ءالى دە بار. «ورال ءوڭىرى» گازەتىنىڭ 95 جىلدىق تاريحىنا وراي باسىلىمنىڭ باستاۋىندا تۇرعان تۇلعالار مەن وقيعالاردى زەرتتەي ءجۇرىپ تاعى ءبىر تىڭ ...
-
قازاقستان مەكتەپتەرىنىڭ وقۋ باعدارلاماسىنا شاحمات ويىنى فاكۋلتاتيۆتى ءپان رەتىندە ەنگىزىلمەك. اتالعان جاڭاشىلدىق بۇگىندە بىرنەشە وڭىردە پيلوتتىق جوبا رەتىندە ىسكە اسىپ جاتىر. بۇل تۋرالى قازاقستان ش...
