InfoHub Logo

وتانىم – التىن بەسىگىم
ساباقتىڭ ماقساتى: بالالاردى ءوز وتانىن، حالقىن سۇيەتىن ازامات بولىپ وسۋگە، ەلجاندىققا، پاتريوتتىق سەزىمگە تاربيەلەۋ.
ساباقتى وتكىزۋ فورماسى: ۆيكتورينا

ساباق بارىسى:
مۋزىكا اۋەنىمەن بالالار بىرىنەن سوڭ ءبىرى زالعا كىرەدى.
جۇرگىزۋشى:
ەلىم مەنىڭ تاۋەلسىز جەرىم مەنىڭ،
كۇننەن العان شۋاقتى ءومىر ءدامىن.
رۋحى ۇلتتىڭ ولمەستەي بوپ.
كوك بايراعىن توبەمە كوتەرگەن كۇن.
قازاقستان مەملەكەتىنىڭ ءانۇرانى.

1 - بالا
جەرىڭ سامال، ەسكەن مايدا،
تاسقىنداعان ەگىن - جايدا.
دالام مەنىڭ، انام مەنىڭ،
تۋعان ەلىم قازاقستان.

2 - بالا
ايالاپ ارۋ انانى،
وسىرگەن ەركىن بالانى.
بەسىگىم بولىپ تەربەتكەن
وتانىم – قازاقستان.
ولەڭ: «جومارت ەلىم».
- جارايسىڭدار، بالالار. وتان تۋرالى وتە جاقسى ولەڭ ايتتىڭدار.

3 - بالا
ەل بولدىق، ەرىك الدىق استانانى
ەندى كىممەن قازاعىم جاسقانادى؟
تاۋەلسىز مەملەكەتتىڭ شەجىرەسى
ەلباسىمنىڭ اتىمەن باستالادى.
- تاۋەلسىزدىككە جەتۋ ءۇشىن ءبىزدىڭ اتا - بابالارىمىز كوپ ەڭبەك ەتتى، كوپتەگەن تەر توگىلدى. ەندەشە، بالالار، اتا - بابامىزدىڭ عاسىرلار بويى اڭساپ، ارمانداپ كەلگەن تاۋەلسىز ەلىمىزدىڭ ازاتتىعىن ەشكىمگە تاۋەلدى ەتپەي، وركەنيەتتى ومىرگە قادام باسۋعا ءتيىسپىز. سەندەر بىلەسىڭدەر قازاقستان مەملەكەتىنىڭ بەلگىلەرىنىڭ ءبىرى ول التىن ادام. مەن سەندەرگە التىن ادام تۋرالى اڭىزدى ايتىپ بەرەيىن.
تاڭ اتتى! جاڭا كۇن كەلدى! تاۋلاردىڭ باۋىرىندا قۇستار ءان سالىپ، سايراڭدادى.... دۇنيەگە بالا كەلدى! تاماشا!
تاربيەشى: ءسۇيىنشى، ءسۇيىنشى! دۇنيەگە بالا كەلدى!
جۇرگىزۋشى: راحمەت، ساعان جاقسى جانالىق اكەلدىڭ. مىنە ساعان سىيلىق، جاقسى حابار اكەلگەن ءۇشىن. ومىرگە بالا كەلگەنى - ول ناعىز باقىت. قازاق حالقى ەجەلدەن جاڭا تۋعان بالانىن قۇرمەتىنە شىلدەحانا تويىن تويلايدى.(اجە بەسىكپەن توپقا كەلەدى)
- اپا، كىشكەنتاي نارەستەنىڭ ومىرگە كەلگەنىمەن قۇتتىقتايمىن. قايىرلى بولسىن. سىزگە قولقانات بولسىن. ءتىلىم تاسقا. ءوز كوزىمە سەنەيىن بە؟ بالانىڭ التىن ايدارى بار ەكەن. قۇرمەتتى، اپا، ءبىزدىڭ بالالار جاڭا تۋعان نارەستەگە جاقسى تىلەكتەرىن ايتقىسى كەلەدى.
بالالار: باقىتتى بول! ءسابيدىڭ باۋى بەرىك بولسىن! اتا - اناسىنا سەرىك بولسىن! اسپانىمىز اشىق بولسىن! وتانىمىز تىنىش بولسىن!(اپا بەسىكتى الىپ كەتەدى).
جۇرگىزۋشى: ۋاقىت وتە التىن ايدارى بار بالا ءوستى. التىن ايدارى بار بالانى ەلدىڭ ءبارى تانيتىن، سەبەبى ول جىرشى، ءانشى، كۇيشى بولدى. وسە كەلە التىن بالا شاپشاڭ، باتىل جىگىت بولدى. سول ۋاقىتتان بەرى كوپ جىلدار وتسە دە التىن ادام اقىلدى، تۋعان جەرىن سۇيەتىن، اسا دارا تۇلعا رەتىندە حالىقتىڭ ەسىندە قالدى. التىن ادام - ول ءبىزدىڭ تاۋەلسىز مەملەكەتىمىزدىڭ بەلگىسى. بالالار، سەندەر ونى كورگىلەرىڭ كەلەمە؟(يا!)
جۇرگىزۋشى: وندا سەندەر كوزدەرىڭدى جۇمىڭدار دا، تىلەك تىلەڭدەر. قارسى الىڭدار. بەيبىتشىلىك، باقىت، بايلىق، جاقسىلىق تىڭ ەلشىسى التىن ادام!
التىن ادام: قۇرمەتتى قوناقتار! مەن سىزدەرگە اق نيەتپەن كەلىپ وتىرمىن. سىزدەرگە مول باقىت، زور دەنساۋلىق، اشىق اسپان تىلەيمىن.
تاۋەلسىزدىك ماڭگىلىككە ساقتالسىن،
الدىمىزدا بارلىق ءۇمىت اقتالسىن.
تاتۋ - ءتاتتى تىرلىك بولىپ قاشان دا،
بەيبىت ءومىر بار حالىقپەن جاقتالسىن.
جۇرگىزۋشى: راحمەت. ءبىز وتە قۋانىشتىمىز.
التىن ادام: مەن سەندەردىڭ ەلىمىز، جەرىمىز، وتانىمىز جايلى بىلىمدەرىڭدى، ونەرلەرىڭدى تەكسەرگىم كەلەدى. مەن سەندەردى ويىنعا شاقىرامىن، سەندەرگە دايىنداعان سۇراقتارىم بار. سەندەر وعان جاۋاپ بەرىڭدەر.
جۇرگىزۋشى: كەرەمەت! بالالار، دايىنسىڭدار ما؟ ەكى توپقا بولىنەمىز. 1 توپ»قىران»، 2 توپ «بۇركىت».
جۇرگىزۋشى: التىن ادام سەن مىنا قاپشىقتان اسىق ال. ءتۇسى قانداي؟ سارى ءتۇستى كونۆەرتتە گى سۇراقتى قارايىق.

1. قازاقستان مەملەكەتىنىڭ رامىزدەرىن اتاڭدار. ەلتاڭبا، قازاقستان جالاۋى تۋرالى تاقپاق ايتۋ.
4 - بالا
قاتار شاپقان قوس تۇلپار
اي ۇستىندە قازاق ءۇي.
قالىقتاعان جاس سۇڭقار
شارىقتاعان تازا كۇي.
بۇل تاڭباسى ەلىمنىڭ،
ەلدىگىمنىڭ بەلگىسى.

5 - بالا
وتان تۋى جەلبىرەپ،
كوز تارتادى قۇبىلىپ.
ءبىز قارايمىز ەلجىرەپ،
تۋعان جەردىڭ تۋىنا.

2. قىزىل كونۆەرتتەگى سۇراق: قازاقستان مەملەكەتىنىڭ باسشىسى كىم؟ ەلباسى تۋرالى تاقپاقتار.
6 - بالا
نۇرسۇلتان – ەل تىرەگى، التىن دىڭگەك،
الىپتىڭ حالقى عانا نارقىن بىلمەك.
قازاعىم شاتتاناتىن كەزىڭ كەلدى،
الاشقا قورعان بولار ۇل تۋدىم دەپ.
7 - بالا
ەلىمدە بەيبىت تىنىش زامان بولسىن،
تىلەيمىن ءار ادامعا باقىت قونسىن.
ەلىمنىڭ ەل اعاسى، ەلباسشىسى
نۇرسۇلتان نازاربايەۆ امان بولسىن!
3. كوك ءتۇستى كونۆەرتتەگى سۇراق: قازاقستان مەملەكەتىنىڭ باس قالاسى قاي قالا؟ استانا تۋرالى ولەڭ.
ولەڭ: «استانا». «قىران» توبى.
ولەڭ: «بايتەرەك». «بۇركىت « توبى.
4. جاسىل ءتۇستى كونۆەرتتەگى سۇراق: وتان تۋرالى ماقال - ماتەلدەر.
ەل ءىشى التىن بەسىك.
وتان قۋات، وتان شۋاق.
اۋىلىم التىن بەسىگىم.
تۋعان جەردىڭ ءتۇتىنى دە ىستىق.
5. اق ءتۇستى كونۆەرتتە سۇراق. قازاقستان مەملەكەتىنىڭ قالالارىن اتاڭدار.
قاراعاندى، كوكشەتاۋ، پاۆلودار، تاراز، اقتاۋ، اقتوبە، شىمكەنت، استانا، سەمەي، ورال، الماتى، پەتروپاۆل، اتىراۋ، بايكوڭىر.
6. كوڭىر ءتۇستى كونۆەرتتەگى تاپسىرما: جاقسى تىلەك.
اكە - شەشەمىز امان بولسىن!
نانىمىز كوپ بولسىن!
كوك تۋىمىز جەلبىرەي بەرسىن!
قازاقستان جاساسىن!
اسپانىمىز اشىق بولسىن!
وتانىمىز تىنىش بولسىن!
ەلباسىمىز امان بولسىن!

ويىن «يۋرتا».
- جارايسىڭدار، بالالار، سەندەر ەلىن، جەرىن قۇرمەتتەيتىن، ادامگەرشىلىگى مول، ءوز وتانىن سۇيەتىن ازامات بولۋعا تيىسسىڭدەر، ويتكەنى ءبىزدىڭ تاۋەلسىز قازاقستانىمىزدىڭ بولاشاعى سەندەرسىڭدەر.
شاتتىق شەڭبەرى:
ارمانعا بىرگە بارايىق،
اۋەلەپ انگە سالايىق.
بولاشاعىمىزدىڭ كىرپىشىن
ءبارىمىز بىرگە سالايىق.
ولەڭ: اتامەكەن.

قورعالجىن اۋىلى،
«بالاۋسا» بالاباقشاسىنىڭ پەداگوگ – پسيحولوگى
كۋرەگەنوۆا گ. ر.