InfoHub Logo

دۇنيەتانۋ 4 سىنىپ
ساباقتىڭ تاقىرىبى: وتباسى - شاعىن قوعام
ساباقتىڭ ماقساتى:
بىلىمدىلىك: وقۋشىلارعا وتباسى تاقىرىبىن تۇسىندىرە وتىرىپ، ماعىنانى اشۋ، وتباسى جايلى ماعلۇمات بەرۋ. بىلىمدەرىن تولىقتىرۋ. وقۋشىلاردىڭ ويىن جۇيەلى جيناقتاپ سويلەۋگە ۇيرەتۋ.
دامىتۋشىلىق: وقۋشىلاردىڭ بىلىمدەرىن نىعايتا وتىرىپ، ءبىلىم، بىلىك، داعدىلارىن ارتتىرۋ.
تاربيەلىك: وقۋشىلاردى ۇستانىمدىققا، ءبىلىمپازدىققا، ۇيىمشىلدىققا، ەڭبەكسۇيگىشتىككە، ۇلكەندى سىيلاۋعا كىشىنى قۇرمەتتەۋگە تاربيەلەۋ.
ساباقتىڭ ءتۇرى: ارالاس
ساباقتىڭ ءادىسى: سۇراق - جاۋاپ، ءتۇسىندىرۋ، تالداۋ، جيناقتاۋ، اڭگىمەلەۋ
ساباقتىڭ كورنەكىلىگى: ينتەراكتيۆتى تاقتا
ءپان ارالىق بايلانىس: مۋزىكا، انا ءتىلى

ساباق بارىسى:
ۇيىمداستىرۋ كەزەڭى
پسيحولوگيالىق دايىندىق.
تابيعات - ءبىزدىڭ انامىز،
تابيعاتقا بالامىز.
تابيعاتتى قورعايتىن،
ءبىز ادەپتى بالامىز.
جەر بايلىعى كوپ ەكەن،
مەڭگەرۋدى قالايدى.
وسىنىڭ ءبارىن مەڭگەرتەر،
دۇنيەتانۋ ساباعى.

جاڭا ساباق
قوعام دەگەنىمىز نە؟ قوعامنىڭ قازاقستان رەسپۋبليكاسىنىڭ قوعامى. ونىڭ بەلگىلى ءبىر ايماعى بار. باسقارۋشىسى حالقى بار.
وتباسىن نەگە قوعام دەيمىز؟ وتباسىنىڭ دا باسشىسى بار. وتباسىندا اكە نەمەسە شەشە باسقارۋشى بولادى. ولاردىڭ ءبىرى بولماسا، اعا نەمەسە اپاڭ بولادى.
وتباسىنىڭ باسشىسى دەگەندى قالاي تۇسىنەسىڭ؟ باسشى وتباسىنىڭ بۇكىل شارۋاسىن ۇيىمداستىرادى. باسقا مۇشەلەرىنە قامقورلىق كورسەتىپ، باستارىن بىرىكتىرەدى.
وتباسىنىڭ تۋعان - تۋىسقاندارى بولادى. قازاق حالقىنىڭ جىگىت ادامنىڭ ءۇش جۇرتى بولادى. ولار:
ءوز جۇرتى
ناعاشى جۇرتى
قايىن جۇرتى
ءوز جۇرتى دەگەنىمىز - ءوزىنىڭ اتا - اجەسى، اكە - شەشەسى، اعا - جەڭگەسى، ءىنى - قارىنداستارى ت. ب. اعايىن تۋىسقاندارى بولادى.
ناعاشى جۇرتى دەگەنىمىز - ءوز انانىڭ توركىن جۇرتى.
قايىن جۇرتى دەگەنىمىز - ايەلدىڭ توركىنى ونىڭ جۇبايىنا قايىن جۇرت، ولارعا كۇيەۋ بولادى.

توپقا ءبولۋ
توپتىق جۇمىس.
I توپ اتا
II توپ بالا
III توپ نەمەرە بولاسىڭدار.
1- تاپسىرما. تانىستىرۋ ياعني ءوز توپتارىن تانىستىرىپ، جانە قورعاۋ.
2- تاپسىرما. ءار توپقا ءار ءتۇرلى تاپسىرما بەرىلەدى.
ماقال - ماتەلدەر ايتۋ، كورىنىس كورسەتەدى، ەسسە جازادى.
3- تاپسىرما. كارتوچكامەن جۇمىس. كارتوچكا تاراتىلادى.
1. اتا توبىنا
ءوز وتباسىنىڭ باسشىسى كىم؟
ءوز وتباسىنا قانداي كومەك بەرەسىڭ؟
2. بالا توبىنا
جانۇياداعى ادامدار ءبىر - بىرىنە قانداي بولۋ كەرەك؟
ءبىر شاڭىراق استىنداعى ادامداردى نە دەيمىز؟
3. نەمەرە توبىنا
تۋعان - تۋىسپەن قارىم - قاتىناستى قالاي تۇسىنەسىڭ؟
بولە، جيەن، قۇدا، قۇداشا، قۇدابالا دەپ كىمدەردى ايتامىز؟

كورىنىس.
ەرتەدە ءبىر ەلدىڭ حانى: «قارتايعان اكەلەرىن بالالارى بيىك قۇزدان قۇلاتىپ، ءولتىرسىڭ!» دەگەن جارلىق بەرىپتى. حالىق وسى جارلىقتى ورىنداپتى. ءبىر جاس جىگىت ءوزىنىڭ اكەسىنىڭ قۇز باسىنا اكەلىپ، يتەرۋگە دايىندالا بەرگەندە اكەسى كۇلىپتى. بالا تاڭدانىپ: «اكە، نەگە كۇلەسىن؟» دەپ سۇراپتى. سوندا اكەسى: «مەن دە سەن سياقتى وسىدان كوپ جىل بۇرىن اكەمدى قۇزدان يتەرىپ ەدىم. مىنە، ەندى ءوزىمنىڭ باسىما سول كەلگەن سوڭ كۇلەمىن»، دەپتى. مۇنى ەستىگەن بالاسى اكەسىن ولتىرمەي، حاننان جاسىرىپ باعىپتى. كەيىن ەلىندە ءبىر قيىن جاعداي بولعاندا حان بۇكىل حالقىن جيناپ اقىل سۇراسا، ەشكىم اقىل بەرە الماپتى. سوندا جىگىت اكەسىنە كەلىپ نە بولعانىن ايتقاندا، اكەسى قيىندىقتى جەڭۋدىڭ شەشىمىن تاۋىپ بەرەدى. ءسويتىپ، ەلىن امان ساقتاپ قالادى. بۇعان ريزا بولاعان حان قارتايعان ادامداردى ولتىرمەي، قايتا ولاردان اقىل - كەڭەس سۇراپ وتىرۋ كەرەكتىگىن زاڭداستىرىپتى.

قورىتىندى.
ءان «اعايىنبىز، ءبارىمىز»
باعالاۋ. جەتوندار تاراتۋ